ନର୍ଲା ବଳଭଦ୍ରେଶ୍ୱରଙ୍କ ଠାରେ ନବାନ୍ନ ଲାଗି ଶୁଭ ଲଗ୍ନ – ନର୍ଲା ଚଳଚଞ୍ଚଳ

ଓଡ଼ିଶା ତାଜାନ୍ୟୁଜ (୩୧ ଅଗଷ୍ଟ ବୁଧବାର) କଳାହାଣ୍ଡି :- ନର୍ଲାସ୍ଥିତ ବଳଭଦ୍ରେଶ୍ୱର ମହାଦେବ ପୀଠରେ ନବାନ୍ନ ଲାଗି ଶୁଭ ଲଗ୍ନ ନିର୍ଘଣ୍ଟ କରାଯାଇଛି। ଇଂରାଜୀ ୧/୯/୨୦୨୨ ରିଖ ଭାଦ୍ର ଶୁକ୍ଳ ପକ୍ଷ ପଞ୍ଚମୀ ଗୁରୁବାର ଦିବା ଘ୧୦/୪୫ ମିନିଟ ଠାରୁ ଘ ୧୧/୫୫ ମି ମଧ୍ୟରେ ଏହି ନବାନ୍ନ ଲାଗି ସ୍ଥିର କରାଯାଇଛି । ମନ୍ଦିର ପରିଚାଳନା କମିଟିର ସଭାପତି ଚିରଞ୍ଜିବୀ ଗୈାଡିଆ, ଚନ୍ଦ୍ରଶେଖର ପୁଝାରୀ, ମନବୋଧ ସାହୁ, ଅମ୍ବିକା ପଟ୍ଟନାୟକ, କେତନ ନାଏକ ପ୍ରମୁଖ ନବାନ୍ନ ସକାଶେ ଜନସାଧାରଣଙ୍କୁ ଶୁଭେଚ୍ଛା ଜଣାଇଛନ୍ତି ।

ପଶ୍ଚିମ ଓଡ଼ିଶାର କୃଷି ଭିତ୍ତିକ ପର୍ବ ନବାନ୍ନ ସକାଶେ ନର୍ଲା ଅଞ୍ଚଳ ମଧ୍ୟ ଚଳଚଞ୍ଚଳ ହୋଇପଡିଛି । ଚଳିତ ବର୍ଷ ବେଶ ଆଡମ୍ବର ସହକାରେ ଏହି ପରମ୍ପରାର ପର୍ବ ପାଳନ ପାଇଁ ପୂର୍ବ ପ୍ରସ୍ତୁତି ଆରମ୍ଭ ହୋଇଥିବା ବେଳେ ନୂଆଁଖାଇ ପାଇଁ ଜନସାଧାରଣ ନୂଆ ଧାନ, ଚୂଡା,ଗୁଡ଼, ନୂଆ ପୋଷାକ ଆଦି ସଂଗ୍ରହ ଆରମ୍ଭ କଲେଣି । ନବାନ୍ନ ବାସୀ ସହ ନୂଆଁଖାଇ ଜୁହାର, ଭେଟଘାଟ ସକାଶେ ମଧ୍ୟ ବିଭିନ୍ନ ସଂଗଠନର ଆୟୋଜନ ପ୍ରକ୍ରିୟା ଶେଷ ପର୍ଯ୍ୟାୟରେ ପହଁଚିଛି ।