ଚାନ୍ଦପୁର-ରାଜସୁନାଖଳା ରସ୍ତା ର ପ୍ରଶସ୍ତିକରଣ ; କାର୍ଯ୍ୟ ଚାଲିଥିବାବେଳେ ଆନୁସଂଗିକ ସୁବିଧା ନଥିବାକାରଣରୁ – ଘାଟି ରାସ୍ତା ରେ ଯାତାୟତ ସମସ୍ୟା ସୃଷ୍ଟି ହୋଇଛି

ପୁର୍ତ ବିଭାଗ ମାଧ୍ୟମ ରେ ୨୩ କୋଟି ଟଙ୍କା ମଞ୍ଜୁର ହୋଇଛି । ନିର୍ମାଣ ରେ ଅନିୟମିତତା ହେଉଥିବା ଦେଖିବାକୁ ମିଳିଛି ।

ରାସ୍ତା ନିର୍ମାଣ ସ୍ଥାନ ରେ ସଂକୀର୍ଣ୍ଣତା କାରଣ ରୁ ଯାତ୍ରୀମାନେ ରାସ୍ତା ସଂଲଗ୍ନ ମାଟି ରାସ୍ତା ରେ ଯାତାୟତ କରିବାକୁ ବାଧ୍ୟ ହେଉଥିଲେ ମଧ୍ୟ ଉକ୍ତ ମାଟି ରାସ୍ତା ରେ ମୋରମ କିମ୍ବା ଡଷ୍ଟ ବିଛାଯାଇ ଗମନାଗମନ ଯୋଗ୍ୟ କରାଯାଉନି ।

ଓଡ଼ିଶା ତାଜା ନ୍ୟୁଜ (୧୯ ଅଗଷ୍ଟ ଶୁକ୍ରବାର ) ରଣପୁର :- ନୟାଗଡ ଜିଲ୍ଲା ରଣପୁର ବ୍ଲକ ଅଧିନସ୍ଥ ଚାନ୍ଦପୁର-ରାଜସୁନାଖଳା ରସ୍ତା ର ପ୍ରଶସ୍ତିକରଣ ନିମନ୍ତେ ପୁର୍ତ ବିଭାଗ ମାଧ୍ୟମ ରେ ୨୩ କୋଟି ଟଙ୍କା ମଞ୍ଜୁର ହୋଇ ଏହାର ପ୍ରଶସ୍ତିକରଣ କାର୍ଯ୍ୟ ଚାଲିଥିବାବେଳେ ଆନୁସଂଗିକ ସୁବିଧା ନଥିବା କାରଣରୁ ଯାତାୟତ ରେ ସମସ୍ୟା ସୃଷ୍ଟି ହୋଇଛି । ମିଳିଥିବା ସୁଚନା ଅନୁସାରେ ରଣପୁର – ରାଜସୁନାଖଳା ୧୪ କିମି ରାସ୍ତା ର ସାତ କିମି ପର୍ଯ୍ୟନ୍ତ ପିଚୁ ଓ ୭ କିମି ରାସ୍ତା କଂକ୍ରିଟ ନିର୍ମାଣ କରାଯିବ । ତା ମଧ୍ୟରେ ୧୭ ଟି କଲଭର୍ଟ ଓ ୮୫୦ ମିଟର ଡ୍ରେନ ନିର୍ମାଣ ନିମନ୍ତେ ବ୍ୟବସ୍ଥା ରହିଛି । ଗତ କିଛିଦିନ ତଳେ ଏହାର ନିର୍ମାଣ କାର୍ଯ୍ୟ ଆରମ୍ଭ ହୋଇଥିବାବେଳେ ନିର୍ମାଣ ରେ ଅନିୟମିତତା ହେଉଥିବା ଦେଖିବାକୁ ମିଳିଛି ।

ମୁଖ୍ୟତଃ ସିମେଂଟ ପରିମାଣ ଆବଶ୍ୟକ ଅନୁପାତ ରେ ମିଶ୍ରଣ କରାଯାଉନଥିବା ଦେଖିବାକୁ ମିଳିଛି । ରାସ୍ତା ର ଗୋଟିଏ ପାଶ୍ୱର୍ ର ନିର୍ମାଣ ସମୟରେ ଅପର ପାଶ୍ୱର୍ ରେ ଯେଭଳି ଯାତାୟତ ଠିକଭାବେ ହୋଇପାରିବ ସେଦିଗରେ ଠିକାଦାର ତଥା ବିଭାଗ ଯତ୍ନବାନ ହେବାର ଅବଶ୍ୟକତା ରହିଛି । ତେବେ ରାସ୍ତା ନିର୍ମାଣ ସ୍ଥାନ ରେ ସଂକୀର୍ଣ୍ଣତା କାରଣ ରୁ ଯାତ୍ରୀମାନେ ରାସ୍ତା ସଂଲଗ୍ନ ମାଟି ରାସ୍ତା ରେ ଯାତାୟତ କରିବାକୁ ବାଧ୍ୟ ହେଉଥିଲେ ମଧ୍ୟ ଉକ୍ତ ମାଟି ରାସ୍ତା ରେ ମୋରମ କିମ୍ବା ଡଷ୍ଟ ବିଛାଯାଇ ଗମନାଗମନ ଯୋଗ୍ୟ କରାଯାଉନି । ଫଳରେ ଟ୍ରାଫିକ ସମସ୍ୟା ସୃଷ୍ଟି ହେଉଛି । ଏପରିକି ଅତ୍ୟାବଶ୍ୟକ ସେବା ଯୋଗାଇ ଦେଉଥିବା ଆମ୍ବୁଲାନ୍ସ ଓ ଦମକଳ ଗାଡି ଯାତାୟତ ରେ ବିଳମ୍ବ ଘଟୁଛି । ଗୋଟିଏ ପାଶ୍ୱର୍ ରାସ୍ତା ଢଳେଇ କରାଯାଇ ଅପରପାଶ୍ୱର୍ରେ ଯାତାୟତ ସୁବିଧା କରାଯାଇଛି ।

ତେବେ ଯେଉଁ ପାଶ୍ୱର୍ରେ ଯାନବାହନ ଯାତାୟତ କରୁଛନ୍ତି ଉକ୍ତ ରାସ୍ତା ଉପରକୁ ଗଛ ଡାଳ ସବୁ ମାଡି ରହିଥିବାରୁ ବିପରୀତ ଦିଗରୁ ଗାଡି ଆସୁଛି କି ନା ସେ ନେଇ ଚାଳକ ସନ୍ଦିହାନ ହେଉଛନ୍ତି ଫଳରେ ଯାତାୟତ ସମସ୍ୟା ସୃଷ୍ଟି ହୋଇଛି । ଗୁରୁତ୍ୱପୁର୍ଣ୍ଣ ରାସ୍ତା ନିର୍ମାଣ ସମୟରେ ବିଭାଗୀୟ ଅଧିକାରୀ ରହୁନଥିବା ଦେଖିବାକୁ ମିଳିଛି । ଏନେଇ ବିଭାଗୀୟ ଯନ୍ତ୍ରୀ ଦୟାନିଧି ରାୟଗୁରୁ ଙ୍କ ସହ ଯୋଗାଯୋଗ ପରେ ଉକ୍ତ ରାସ୍ତା ନିର୍ମାଣ ଏବେ ଆରମ୍ଭ ହୋଇଛି ଯଦି କୌଣସି ସମସ୍ୟା ସୃଷ୍ଟି ହୁଏ ଏହାର ସମାଧାନ କରାଯିବ ବୋଲି ପ୍ରତିଶୃତି ଦେଇଛନ୍ତି ।

ରାଜସୁନାଖଳା ରେ ଖୋର୍ଦ୍ଧା-ବଲାଙ୍ଗୀର ଜାତୀୟ ରାଜପଥ ଓ ଚାନ୍ଦପୁର ରେ ଖୋର୍ଦ୍ଧା-ବ୍ରହ୍ମପୁର ୧୬ ନମ୍ବର ଜାତୀୟ ରାଜପଥ କୁ ସଂଯୋଗ କରୁଥିବା ଏହି ପ୍ରକଳ୍ପ ନିର୍ମାଣ ହେଲେ ସ୍ଥାନୀୟ ଅଂଚଳ ସମେତ ରାଜ୍ୟ ଓ ରାଜ୍ୟ ବାହାରର ଯାତ୍ରୀମାନେ ଉପକୃତ ହେବାସହ ଗମନାଗମନ ବୃଦ୍ଧି ପାଇବ । ଏଭଳିସ୍ଥଳେ ଉକ୍ତ ପ୍ରକଳ୍ପ ର ସ୍ଥାୟୀତ୍ୱ ନେଇ ଆଶଙ୍କା ପ୍ରକାଶ ପାଇଛି । ବିଭାଗୀୟ କତୃପକ୍ଷ ଏଦିଗରେ ଦୃଷ୍ଟି ଦେବା ଆବଶ୍ୟକ ବୋଲି ସାଧାରଣ ରେ ମତ ପ୍ରକାଶ ପାଇଛି ।