ଗଜପତି ରେ ଜନନୀ ଯନ୍ତ୍ରଣା : ମୋହନା ବ୍ଲକ ଅନ୍ତରବା ପଞ୍ଚାୟତ ଆମ୍ବଗାଁକୁ ପହଞ୍ଚିପାରିଲାନି ଗ୍ରାମବାସୀ ଗର୍ଭବତୀ ମହିଳାଙ୍କୁ ୫ କି.ମି ଦୋଳାରେ ଆମ୍ବୁଲାନ୍ସ ପାଖକୁ ବୋହିଲେ

ଓଡ଼ିଶା ତାଜା ନ୍ୟୁଜ୍ /୧୦ ମଇ ମଙ୍ଗଳବାର/ ପାରଳାଖେମୁଣ୍ଡି :- ଗଜପତି ଜିଲ୍ଲାମୋହନା ବ୍ଳକ ଅନ୍ତର୍ଗତ ଅନ୍ତରବା ଗ୍ରାମ ପଞ୍ଚାୟତ ଅଧୀନ ଆମ୍ବଗାଁର ଜଣେ ଗର୍ଭବତୀ ମହିଳା ପ୍ରସବ ଯନ୍ତ୍ରଣା ସହି ନ ପାରି ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆମ୍ବୁଲାନ୍ସ ପଠାଇବା ପାଇଁ ଅନୁରୋଧ କରିଥିଲେ।ଆମ୍ବୁଲାନ୍ସ ଆସିଲା କିନ୍ତୁ ଖରାପ ପଥୁରିଆ ରାସ୍ତା ଦେଇ ଗାଡ଼ି ଯିବା ସମ୍ଭବ ହୋଇ ନପାରିବାରୁ ପଦାଗାଲମାରେ ୨ ଘଣ୍ଟା ଧରି ଅପେକ୍ଷା କଲା ଆମ୍ବୁଲାନ୍ସ । ପଦାଗାଲମା ଠାରୁ ଆମ୍ବଗାଁ ୫କିମି ଦୂର ।

ଗର୍ଭବତୀ ମହିଳାଙ୍କ ଯନ୍ତ୍ରଣା ଅସହ୍ୟ ହେବାରୁ ତାଙ୍କୁ ଗାଁର କିଛି ଲୋକ ଦୋଳା ସାହାଯ୍ୟରେ ବୋହି ଆଣିଲେ ୫କିମି ଦୂରରେ ଅପେକ୍ଷା କରିଥିବା ଆମ୍ବୁଲାନ୍ସ ପାଖକୁ | ସେଠାରୁ ଚନ୍ଦ୍ରଗିରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଆଣି ଭର୍ତ୍ତୀ କରିଥିଲେ। ଏହାର କିଛି ସମୟ ପରେ ମହିଳାଙ୍କ ଏକ ପୁତ୍ର ସନ୍ତାନ ଜନ୍ମ ହୋଇଛି । ଉଭୟେ ସୁସ୍ଥ ଥିବା ଡାକ୍ତର ଉଲ୍ଲାସ ରାଉତ କହିଛନ୍ତି ।

ଅପରପକ୍ଷେ ବାତ୍ୟାର ସୂଚନା ରହିଥିବା ବେଳେ ଅଞ୍ଚଳର ନିୟୋଜିତ ଥିବା ସ୍ୱାସ୍ଥ୍ୟକର୍ମୀ ଓ ସ୍ୱାସ୍ଥ୍ୟ ସୁପରଭାଇଜର ଗର୍ଭବତୀ ମହିଳାଙ୍କୁ ସୂଚନା ନ ଦେବା, ତଦାରଖ ନ କରିବା ଓ ସ୍ଵାସ୍ଥ୍ୟ କେନ୍ଦ୍ରକୁ କିମ୍ଵା ମା’ ଗୃହକୁ ସ୍ଥାନାନ୍ତର ନ କରିବା ଅଞ୍ଚଳବାସୀଙ୍କ ପାଇଁ ପ୍ରଶ୍ନବାଚୀ ସୃଷ୍ଟି କରିଛି । ସୁପରଭାଇଜର ଚନ୍ଦ୍ରଗିରିରେ ଅବସ୍ଥାନ କରିବା ଅଞ୍ଚଳକୁ ନଯିବାର ଗ୍ରାମବାସୀ ଅଭିଯୋଗ କରିଛନ୍ତି ।