ନୟାଗଡ଼ ର ୧୩ ନମ୍ବର ଜୋନ ଚଣ୍ଡୀବସ୍ତ ଗ୍ରାମପଞ୍ଚାୟତରେ : ବିଜେଡିର ସମିତିସଭ୍ୟ ପ୍ରାର୍ଥୀ କିଶୋର ଓ ସରପଞ୍ଚ ପ୍ରାର୍ଥୀ ବିରେନ୍ଦ୍ରଙ୍କ ର ମାରାଥନ ପ୍ରଚାର

ଓଡ଼ିଶା ତାଜା ନ୍ୟୁଜ୍ (୧୬ ଫେବ୍ରୁଆରୀ ବୁଧବାର ) ନୟାଗଡ଼ :- ନୟାଗଡ଼ ବ୍ଲକ ର ୧୩ ନମ୍ବର ଜୋନ ଚଣ୍ଡୀବସ୍ତ ଗ୍ରାମପଞ୍ଚାୟତ ରେ ଚଳିତ ବର୍ଷ ପଞ୍ଚାୟତ ନିର୍ବାଚନ ରେ ପ୍ରାର୍ଥୀ ମାନଙ୍କ ମଧ୍ୟରେ ତେଜୁଛି ପ୍ରତିଦ୍ବନ୍ଦିତା । ନିର୍ବାଚନକୁ ବହୁତ କମ ଦିନ ଥିବା ବେଳେ ବିଜେଡି , ବିଜେପି ,କଂଗ୍ରେସ ପ୍ରାର୍ଥୀ ଙ୍କ ମଧ୍ୟରେ ତେଜୁଛି ନିର୍ବାଚନୀ ଲଢ଼େଇ । ନୟାଗଡ଼ ବ୍ଲକ ର ଚଣ୍ଡୀବସ୍ତ ୧୩ ନଂ ଜୋନ ଗ୍ରାମପଞ୍ଚାୟତର ସମିତିସଭ୍ୟ ଆସନ ପାଇଁ କିଶୋର ଚନ୍ଦ୍ର ସାହୁ ବିଜେଡି ର ପ୍ରାର୍ଥୀ ହୋଇ ଭୋଟର ଙ୍କ ଦ୍ୱାର ଦ୍ୱାର ବୁଲି ଭୋଟ ଭିକ୍ଷା କରିଛନ୍ତି । କିଶୋର ଚନ୍ଦ୍ର ସାହୁ ବିଜେଡି ର ଜଣେ ତୁଙ୍ଗ ନେତା ତଥା ଶିକ୍ଷାବିତ୍ ହେବା ସହ ଜଣାଶୁଣା ସମାଜସେବୀ ମଧ୍ୟ ଅଟନ୍ତି । ଲୋକଙ୍କ ଉନ୍ନତି ଓ ପଞ୍ଚାୟତ ର ଉନ୍ନୟନ ମୂଳକ କାର୍ଯ୍ୟ କରିବା ପାଇଁ ସେ ନିର୍ବାଚନ କୁ ଆସିଥିବା କଥା କହିଛନ୍ତି ।

ବିକାଶ ଓ ପ୍ରଗତି ର ବାର୍ତ୍ତା ନେଇ ଜନସେବା ତାଙ୍କର ଧର୍ମ ବୋଲି ପ୍ରକାଶ କରିଛନ୍ତି । ତେବେ ଲୋକଙ୍କ ପାଖରେ ସରକାରୀ ସୁବିଧା ଓ ପଞ୍ଚାୟତ ର ସର୍ବାଙ୍ଗୀନ ଉନ୍ନତି ପାଇଁ ଲୋକ ହିତକର ଯୋଜନାକୁ ଆଗେଇ ନେବାକୁ ସଂକଳ୍ପ ବଦ୍ଧ ବୋଲି ଦୃଢୋକ୍ତି ପ୍ରକାଶ କରିଛନ୍ତି । ଏମିତିରେ ଦେଖିବାକୁ ଗଲେ ସମିତିସଭ୍ୟ ପ୍ରାର୍ଥୀ ହୋଇ ନିର୍ବାଚନ ଲଢ଼ୁଥିବା କିଶୋର ଚନ୍ଦ୍ର ସାହୁ ଜଣେ ସମାଜ ସେବୀ ହେବା ସହ ସେ ବିଜୁ ଜନତା ଦଳର ତୁଙ୍ଗ ନେତା ଅଟନ୍ତି । ତେବେ ସେଠାରେ କିଶୋର ଙ୍କୁ ଭୋଟର ମାନେ ସମର୍ଥନ କରୁଥିବା ଦେଖିବାକୁ ମିଳିଛି ।

ବିଜେଡି ରୁ ଚଣ୍ଡୀବସ୍ତ ଗ୍ରାମ ପଞ୍ଚାୟତ ର ସରପଞ୍ଚ ପ୍ରାର୍ଥୀ ଭାବେ ବିରେନ୍ଦ୍ର କୁମାର ସାହୁ ଅବତୀର୍ଣ୍ଣ ହୋଇଛନ୍ତି । ସେ ମଧ୍ୟ ଦଳୀୟ କାର୍ଯ୍ୟକର୍ତା ହେବା ସହ ସରପଞ୍ଚ ପଦ ପାଇଁ ଉପଯୁକ୍ତ ପ୍ରାର୍ଥୀ ବୋଲି ଲୋକ ମତ ପ୍ରକାଶ ପାଉଥିବା ଦେଖା ଦେଇଛି । ତେବେ ଚଣ୍ଡୀବସ୍ତ ଗ୍ରାମ ପଞ୍ଚାୟତରେ ସମିତିସଭ୍ୟ ଓ ସରପଞ୍ଚ ପ୍ରାର୍ଥୀ ଙ୍କ ସମର୍ଥକ ବହୁଳ ଥିବା ବେଳେ ସେଠାରେ ସମିତିସଭ୍ୟ , ସରପଞ୍ଚ ଜିତିବା ର ଆଶଙ୍କା ବହୁତ ରହିଛି । ଦେଖାଯାଉ ବିଜେପି , ବିଜେଡି ମଧ୍ୟରେ ଲାଗିଥିବା ଦମଦାର ଲଢ଼େଇ ରେ ବିଜେଡି ବିଜୟ ଟୀକା ପିନ୍ଧୁଛି ନା ବିଜେପି ବାଜିମାର କରୁଛି ଦେଖିବାକୁ ବାକି ରହିଲା ।