ସୁନାଖଳା ୨୨ଜୋନ ରେ ମନ୍ତ୍ରୀ ଅରୁଣ ସାହୁ ଙ୍କ ଭୋଟ ପ୍ରଚାର 

ରଣପୁର ବ୍ଲକ ର ୬ ଟି ଜୋନ ରେ ମନ୍ତ୍ରୀଙ୍କ ଭୋଟ ପ୍ରଚାର ଦେଖିବାକୁ ମିଳିଛି । ତ୍ରିସ୍ତରୀୟ ପଞ୍ଚାୟତ ରାଜ ନିର୍ବାଚନ ରେ ଗୋଡିପଡା,ରଣପୁର ,ଗୋପାଳପୁର ଜୋନ ପରେ  ସୁନାଖଳା ଜୋନ ର ଲୋଧାଚୁଆ ଗ୍ରାମପଞ୍ଚାୟତ ରେ ଜୋରଦାର ଭାବେ ଚାଲିଛି ମନ୍ତ୍ରୀ ଙ୍କ ଭୋଟ ପ୍ରଚାର । 

ମାଆ  ଦହିଖାଇ ଙ୍କ ସମ୍ମୁଖରେ ଥିବା ଖେଳପଡିଆ ଠାରେ ନିର୍ବାଚନୀ ବୈଠକ ଅନୁଷ୍ଠିତ ହୋଇ ଯାଇଛି ଯେଉଁଥିରେ ବିଜେଡି ପକ୍ଷରୁ  କୃଷି ମନ୍ତ୍ରୀ ଡ଼ .ଅରୁଣ ସାହୁ  ଭୋଟ ପ୍ରଚାର କରିଛନ୍ତି । ରଣପୁର ନିର୍ବାଚନ ମଣ୍ଡଳୀ ଗ୍ରସ୍ତ କରି ରାଜ୍ୟ କୃଷି ଓ ଉଚ୍ଚ ଶିକ୍ଷା ମନ୍ତ୍ରୀ ଡ଼ .ଅରୁଣ କୁମାର ସାହୁ ବାଇକ ରାଲି ଜରିଆରେ ସଭା କାର୍ଯ୍ୟକ୍ରମ ଠାରେ ପହଞ୍ଚିଥିଲେ ।

ଏହି କାର୍ଯ୍ୟକ୍ରମ ରେ ରଣପୁର ବିଧାୟକ ସତ୍ୟନାରାୟଣ ପ୍ରଧାନ ଏବଂ ଦଳର ଜିଲ୍ଲା ପରିଷଦ ପ୍ରାର୍ଥୀ ମାନଙ୍କ ସମେତ ସମସ୍ତ କାର୍ଯ୍ୟକର୍ତ୍ତା ଓ ସମସ୍ତ ବିଜୁ ଯୁବ ଜନତା ଦଳର ବହୁଳ ସମର୍ଥକ ଯୋଗ ଦେଇଥିଲେ । ଏହି ସଭାରେ ମନ୍ତ୍ରୀ ଙ୍କୁ  ସ୍ୱାଗତ କରିବା ଅର୍ଥେ ବାଇକ ରାଲି  ଲୋଧାଚୁଆ ପର୍ଯ୍ୟନ୍ତ କରାଯାଇଥିଲା  ।

ତତପରେ ବିଧାୟକ ସତ୍ୟ ନାରାୟଣ ପ୍ରଧାନ ଏହି ସଭା କାର୍ଯ୍ୟ ର ସଭାପତିତ୍ୱ କରିଥିଲେ । ଦଳର ଜିଲ୍ଲାପରିଷଦ ପ୍ରାର୍ଥୀ ଦେବାଶିଷ ପଟ୍ଟନାୟକଙ୍କ ସମେତ ସରପଞ୍ଚ ଓ ସମିତିସଭ୍ୟ ପ୍ରାର୍ଥୀ ମାନେ ଉପସ୍ଥିତ ଥିଲେ । ଏବଂ ମନ୍ତ୍ରୀ ଅରୁଣ ସାହୁ ଚିରା ଚରିତ ଢଙ୍ଗରେ ବିଜେଡ଼ି ପ୍ରାର୍ଥୀ ମାନଙ୍କ ପାଇଁ ଭୋଟ ଭିକ୍ଷା କରିଥିଲେ ।

ତେବେ ନିର୍ବାଚନୀ ସଭାରେ ଭୋଟ ର ଙ୍କୁ ନିଜ ଆଡକୁ ଆକର୍ଷଣ କରି ବିଜୁ ଜନତା ଦଳ କୁ ଜିତାଇବା ପାଇଁ ଯୋଡ ହସ୍ତ ରେ  ନିବେଦନ କରିଥିଲେ । ଏହି ସଭା ରେ ବିଜେଡି ର ପ୍ରାୟ ୩୦୦ ରୁ ଉର୍ଦ୍ଧ୍ବ କାର୍ଯ୍ୟକର୍ତ୍ତା ଯୋଗ ଦେଇଥିଲେ ।

ପଞ୍ଚାୟତ ର ବରିଷ୍ଠ ନେତୃବୃନ୍ଦ , ଯୁବକ ଓ ମହିଳା ମାନଙ୍କୁ ସମ୍ବୋଧନ  କରି  ବିଜେଡି କୁ  ସମର୍ଥନ କରିବା ଓ ଦଳୀୟ ପ୍ରାର୍ଥୀ ଙ୍କ ପାଇଁ ଭୋଟର ଙ୍କ ଠାରୁ ଭୋଟ ଭିକ୍ଷା କରିଥିଲେ । ଦୀର୍ଘ ୨୨ ବର୍ଷ ଧରି ବିଜୁ ଜନତା ଦଳ ଓଡ଼ିଶାରେ ବିଭିନ୍ନ ଯୋଜନା ମାଧ୍ୟମରେ ନିରବଚ୍ଛିନ୍ନ ଭାବେ ଲୋକପ୍ରିୟତା

ହାସଲ କରିଆସିଛି ଓ ଆଗକୁ ମଧ୍ୟ କରିବ ବୋଲି ମନ୍ତ୍ରୀ ଡ଼ .ଅରୁଣ ସାହୁ ଅଭିଭାଷଣ ରଖିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେ କି କ୍ରମାଗତ ଭାବେ ମୁଖ୍ୟମନ୍ତ୍ରୀ ହୋଇ ଆସୁଥିବା ବେଳେ ନାରୀ ସଶକ୍ତିକରଣ , BSKY ଯୋଜନା ଓ ଲୋକ ହିତକର ଯୋଜନା ଉପରେ ଅବଗତ କରାଇ ଭୋଟ ଭିକ୍ଷା କରିଥିଲେ ।