ମାସ୍କ ବାଣ୍ଟି ଲୋକଙ୍କୁ ସଚେତନ କଲେ ସମିତିସଭ୍ୟ ପ୍ରାର୍ଥୀ – ଗୌରୀ ସାହୁ

ଓଡ଼ିଶା ତାଜା ନ୍ୟୁଜ୍ (୧୫ ଫେବ୍ରୁଆରୀ ମଙ୍ଗଳବାର ) ଓଡ଼ଗାଁ :- ଭୋଟରଙ୍କୁ ସଚେତନ କରିବା ପାଇଁ ପ୍ରାର୍ଥୀ ମାନେ ଭିନ୍ନ ଭିନ୍ନ ତରିକା ଅବଲମ୍ବନ କରୁଛନ୍ତି ଗାଁ ଗାଁରେ ଭୋଜିଭାତ ଦିଆଯାଉଥିବା ବେଳେ ଆଉ କେତେକ ସ୍ଥାନରେ କୋଭିଡ଼ି ସଚେତନ କରାଯାଇ ମାସ୍କ ବଣ୍ଟନ କରାଯାଉଛି । ପାଣ୍ଡେରିପଡ଼ା ପଞ୍ଚାୟତରେ ସମିତିସଭ୍ୟା ପ୍ରାର୍ଥୀ ଗୌରୀ ସାହୁ ଲୋକଙ୍କୁ ମାସ୍କ ଦେଇ କରୋନା ସଚେତନ କରିଛନ୍ତି । ସୂଚନା ଥାଉକି, ଓଡ଼ଗାଁ ବ୍ଲକ୍ ପାଥେରିପଡ଼ା ପଞ୍ଚାୟତରେ ଚାଲିଛି ମାସ୍କ ବଣ୍ଟା । ସମିତିସଭ୍ୟା ଗୌରୀ ସାହୁଙ୍କ ପଞ୍ଚାୟତରେ ମୋଟ ୩୨ ଶହ ଭୋଟର୍‌ ଥିବା ବେଳେ ୧୩ଟି ୱାର୍ଡ ରହିଛି ।

ଗୌରୀ ସାହୁ ଏବଂ ତାଙ୍କ ସ୍ବାମୀ ରାଜୁ ସାହୁ ଘରକୁ ଘର ବୁଲି ମାସ୍କ ଦେଇ ଭୋଟର ମାନଙ୍କୁ କରୋନା ସଚେତନ କରୁଥିବା ଦେଖିବାକୁ ମିଳିଛି । ରାଜୁଙ୍କ ପରିବାର ଗାଁରେ ରହୁନଥିବା ବେଳେ ସେ ଓଡ଼ଗାଁରେ ଦୀର୍ଘଦିନ ଧରି ରହି ଆସୁଛନ୍ତି । ସମିତିସଭ୍ୟା ଆସନ ପାଇଁ ନିଜକୁ ସଜ୍ଜ କରିଥିବା ବେଳେ ଗୌରୀ ଏବଂ ସ୍ବାମୀ ରାଜୁ ଭୋଟର ଙ୍କ ଠାରେ ଭୋଟ ଭିକ୍ଷା କରି ଆସୁଛନ୍ତି । ରାଜୁ ଜଣେ ପ୍ରତିଷ୍ଠିତ ପୋଷାକ କାରିଗର ଭାବେ ଓଡ଼ଗାଁରେ କାର୍ଯ୍ୟ କରି ଆସୁଛନ୍ତି । ସେଠାରେ ମାସ୍କ ତିଆରି କରି ଘରକୁ ଘର ବୁଲି ମାସ୍କ ଦେବା ଲୋକଙ୍କ ମନରେ ଭିନ୍ନ ଧରଣର ମନୋବୃତ୍ତି ସୃଷ୍ଟି କରିଛି ।

ସମିତିସଭ୍ୟା ଗୌରୀ ସାହୁଙ୍କର ଲୋକଙ୍କ ସେବା କରିବା ମନୋବୃତ୍ତି ଦୃଢ ଥିବା ବେଳେ ସେ ଲୋକଙ୍କ ପାଇଁ ରାଜନୀତି କୁ ଆସିଛନ୍ତି ଲୋକଙ୍କ ବିଶ୍ୱାସ ଓ ନିରପେକ୍ଷ ରାଜନୀତି କରିବାକୁ ସଂକଳ୍ପ ବଦ୍ଧ ବୋଲି ପ୍ରକାଶ କରିଛନ୍ତି । କେବଳ ପାଣ୍ଡେରିପଡ଼ା ପଞ୍ଚାୟତ ନୁହଁ, ଓଡ଼ଗାଁ ବ୍ଲକ୍‌ର ପ୍ରତି ପଞ୍ଚାୟତ, ପ୍ରତ୍ୟେକ ୱାର୍ଡରେ ଏଭଳି ମାସ୍କ ବଣ୍ଟା ଅଭିଯାନ ଆରମ୍ଭ ହୋଇଛି । ଏହାକୁ ଉତ୍ସାହିତ କରିବା ତଥା ନିରପେକ୍ଷ ରାଜନୀତି କରିବାକୁ ସେ ସବୁ ଦଳୀୟ ନେତାମାନଙ୍କୁ ଆହ୍ବାନ ଦେଇଛନ୍ତି ।