ଓଡ଼ିଶା ତାଜା ନ୍ୟୁଜ୍ (୧୫ ଫେବ୍ରୁଆରୀ ମଙ୍ଗଳବାର ) ଓଡ଼ଗାଁ :- ନୟାଗଡ଼ ଓଡ଼ଗାଁ ବ୍ଲକର ୧ ନମ୍ବର ଜୋନ୍ ରେ ବିଜେଡି ଆଗୁଆ । ତ୍ରି ସ୍ତରୀୟ ପଞ୍ଚାୟତ ନିର୍ବାଚନରେ ବିଜେଡି କୁ ନେଇ ଚର୍ଚ୍ଚା ଜୋର ଧରିଛି ଓଡ଼ଗାଁ ରାଜନୀତି ମହଲରେ । ବିଜେଡି ରୁ ପୂର୍ବତନ ସରପଞ୍ଚ ଝିଲ୍ଲୀ ପ୍ରଧାନ ୧ ନଂ ଜୋନ୍ ରୁ ମହିଳା ପ୍ରାର୍ଥୀ ଭାବେ ନିର୍ବାଚନ ଲଢ଼ୁଛନ୍ତି । ଦ୍ୱାର ଦ୍ୱାର ବୁଲି ଭୋଟର ଙ୍କ ଙ୍କ ମନ କିଣିବାରେ ଲାଗିଛନ୍ତି ପ୍ରାର୍ଥୀ ମାନେ ତେବେ ନବୀନ ପଟ୍ଟନାୟକଙ୍କ ସ୍ବଚ୍ଛ ଓ ନିର୍ମଳ ଭାବମୂର୍ତ୍ତି ଏବଂ ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁଙ୍କ କାର୍ଯ୍ୟଦକ୍ଷତାକୁ ନେଇ ପ୍ରଚାର ଓ ପ୍ରସାରକୁ ଓହ୍ଲାଇଛନ୍ତି ବିଜେଡି ପ୍ରାର୍ଥୀନୀ ଝିଲ୍ଲୀ ପ୍ରଧାନ ।
ଲୋକଙ୍କ ପାଖରେ ପହଞ୍ଚୁ ଥିବା ବିଜେଡି କର୍ମୀ ଓ ପ୍ରାର୍ଥୀ ଙ୍କ ଉପରେ ଭୋଟର ଙ୍କ ସମର୍ଥନ ଜୋର ଥିବା ବେଳେ କେନ୍ଦ୍ର ସରକାରଙ୍କ ମୂଲ୍ୟ ବୃଦ୍ଧି, ପେଟ୍ରୋଲ ଓ ଗ୍ୟାସ୍ ଦରବୃଦ୍ଧି ପ୍ରଭୃତିକୁ ବିଜେଡି ପ୍ରାର୍ଥୀ ପ୍ରସଙ୍ଗ କରିବା ପରେ ବିଜେପି ବହୁ ପଛରେ ଥିବା ଜଣାଯାଇଛି । ୧ ନଂ ଜୋନ ର ୯ ଟି ଗ୍ରାମ ପଞ୍ଚାୟତର ଭୋଟର ମାନଙ୍କ ପାଖରେ ରାଜ୍ୟ ସରକାରଙ୍କ ବିଭିନ୍ନ ଯୋଜନା କୁ ରଖି ଭୋଟ ଭିକ୍ଷା କରୁଛନ୍ତି ବିଜେଡି ପ୍ରାର୍ଥୀ ଓ କର୍ମୀମାନେ ।
ଏତଦବ୍ୟତୀତ ସରପଞ୍ଚ , ସମିତିସଭ୍ୟ ପ୍ରାର୍ଥୀନୀ ମାନଙ୍କ ପ୍ରତି ଭୋଟର ଙ୍କ ସମର୍ଥନ ଥିବା ବେଳେ ଜିଲ୍ଲା ପରିଷଦ ଆସନ ବିଜେଡି ହାତକୁ ଯିବାର ବିଶେଷ ସମ୍ଭାବନା ରହିଛି । ମହିଳା ସଶକ୍ତିକରଣ , ଜନ ସ୍ୱାସ୍ଥ୍ୟ କଲ୍ୟାଣ ସେବା , ଗୃହ ନିର୍ମାଣ ଇତ୍ୟାଦି ପ୍ରସଙ୍ଗ ଉଠାଇ ଭୋଟର ଙ୍କ ମନ କିଣିଛନ୍ତି ବିଜେଡି କର୍ମୀ ମାନେ । ଗାଁ ଗୁଡ଼ିକର ସର୍ବାଙ୍ଗୀନ ଉନ୍ନତି କରିବା ସହ ଲୋକଙ୍କୁ ସମସ୍ତ ସରକାରୀ ସୁବିଧା ଯୋଗାଇ ଦେବା ପାଇଁ ଦୃଢୋକ୍ତି ପ୍ରକାଶ କରିଛନ୍ତି ଝିଲ୍ଲୀ ପ୍ରଧାନ ।
