ଓଡ଼ିଶା ତାଜା ନ୍ୟୁଜ୍ (୧୫ ଫେବ୍ରୁଆରୀ ମଙ୍ଗଳବାର ) ଓଡ଼ଗାଁ :- ଓଡ଼ଗାଁ ବ୍ଲକ ର ୨ ନମ୍ବର ଜୋନ୍ ରେ ବିଜେଡି ର ଶକ୍ତି ପ୍ରଦର୍ଶନ । ପଞ୍ଚାୟତ ନିର୍ବାଚନକୁ ନେଇ ଚର୍ଚ୍ଚା ହୋଇଛି ଓଡ଼ଗାଁ ରାଜନୀତି ମହଲରେ । ୨ ନଂ ଜୋନ୍ ରୁ ମହିଳା ପ୍ରାର୍ଥୀ ବିରଜାଲକ୍ଷ୍ମୀ ସାହୁ ନିର୍ବାଚନ ଲଢ଼ୁଛନ୍ତି । ଲୋକଙ୍କ ସାଙ୍ଗରେ ମିଶି ପାଖରେ ବସି ଅସୁବିଧା କଥା ବୁଝି ଭୋଟର ଙ୍କ ଠାରୁ ଭୋଟ ଭିକ୍ଷା କରୁଥିବାର ଦୃଶ୍ୟ ଦେଖିବାକୁ ମିଳିଛି । ମୁଖ୍ୟମନ୍ତ୍ରୀ ପଟ୍ଟନାୟକଙ୍କ ମହିଳା ସଶକ୍ତିକରଣ ନାରାକୁ ବ୍ରହ୍ମାସ୍ତ୍ର କରି ଜୋରଦାର ପ୍ରଚାର କରିବା ସହ ଲୋକଙ୍କ ପ୍ରିୟଭାଜନ ହେଉଥିବା ଦେଖିବାକୁ ମିଳୁଅଛି ।
ଚଳିତ ନିର୍ବାଚନରେ ବିଜେଡିରୁ ଜିଲ୍ଲା ବିଜୁ ମହିଳା ଜନତା ଦଳ ସଭାନେତ୍ରୀ ବିରଜାଲକ୍ଷ୍ମୀ ସାହୁ ଜିଲ୍ଲାପରିଷଦ ଆସନ ପାଇଁ ନିର୍ବାଚନ ମଇଦାନରେ ଲଢୁଛନ୍ତି । ବିଜେପି ରୁ ଆରତୀ କୁମାରୀ ଗୌଡ଼ ଓ କଂଗ୍ରେସ ରୁ ସାବିତ୍ରୀ କର ପ୍ରତିଦ୍ବନ୍ଦିତା କରୁଥିବା ଦେଖିବାକୁ ମିଳିଛି । ବିଜେଡି ଏବଂ ବିଜେପି ମଧ୍ୟରେ ସଂଘର୍ଷ ହେଉଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମହିଳା ସଶକ୍ତିକରଣ ନାରାକୁ ବ୍ରହ୍ମାସ୍ତ୍ର କରି ନିର୍ବାଚନ ମଇଦାନ ରେ ଲଢ଼ୁଛନ୍ତି ।
ମୁଖ୍ୟମନ୍ତ୍ରୀଙ୍କ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା(BSKY ) ମାଧ୍ୟମରେ ମହିଳାଙ୍କ ସ୍ବାସ୍ଥ୍ୟ ପ୍ରତି ଗୁରୁତ୍ଵ ଦେଇ ଆସୁଥିବା କଥାକୁ ବିରଜାଲକ୍ଷ୍ମୀ ଲୋକଙ୍କ ପାଖରେ ରଖୁଛନ୍ତି । ବାଣ୍ଠପୁର ପଞ୍ଚାୟତର ସରପଞ୍ଚ, ସମିତିସଭ୍ୟ ଏବଂ ୱାର୍ଡସଭ୍ୟ ଅପ୍ରତିଦ୍ବନ୍ଦୀ ଭାବେ ନିର୍ବାଚିତ ହେବା ମଧ୍ୟ ବିରଜାଲକ୍ଷ୍ମୀ ଙ୍କ ବିଜୟ ରାସ୍ତାର ଏକ ପ୍ରମୁଖ ଅସ୍ତ୍ର ବୋଲି ଆଲୋଚନା ହେଉଛି । ତେବେ ବିଜୁ ମହିଳା ସଙ୍ଗଠନ , ବିଜୁ ଯୁବ ଜନତା ଦଳ ଓ ବିଜେଡି ର କର୍ମକର୍ତ୍ତା ଙ୍କ ଦଳୀୟ ଭୋଟ କୁ ହାତେଇ ବିପୁଳ ବ୍ୟବଧାନ ରେ ଜିତିବାର ଆଶା ରଖିଛନ୍ତି ।
ଆଗକୁ ବିରଜାଲକ୍ଷ୍ମୀ ଙ୍କ ର ଏହି ଆଶା ସାକାର ହେଉଛି ନା ନାହିଁ ଦେଖିବାକୁ ବାକି ରହିଲା ।ରବିଗାଡ଼ିଆ ପଞ୍ଚାୟତରେ ସମିତିସଭ୍ୟା ଥିବା ବହୁ ଉନ୍ନୟନ ମୂଳକ କାର୍ଯ୍ୟ କରିଥିବା ବିରଜାଲକ୍ଷ୍ମୀଙ୍କ ଅନୁପସ୍ଥିତିକୁ ଏବେବି ଲୋକ ଝୁରୁଥିବା ଜଣା ପଡୁଛି । ରାଜନୀତି ରେ ଅଭିଜ୍ଞ ଥିବା ଦଳୀୟ ସଭାନେତ୍ରୀ ଙ୍କ ର ଭୋଟ ବିପୁଳ ହେବାର ବିଶେଷ ସମ୍ଭାବନା ରହିଛି ।
