ରଣପୁର ନିର୍ବାଚନ ମଣ୍ଡଳୀରେ ସବୁ ଦଳ ପରି : ଜିଲ୍ଲାପରିଷଦ ପ୍ରାର୍ଥୀ ଦେବାରେ ବିଧାୟକଙ୍କ ର ବିଳମ୍ଵନା

ଓଡ଼ିଶା ତାଜା ନ୍ୟୁଜ୍ (୧୭ ଜାନୁଆରୀ ସୋମବାର ) ରଣପୁର :- ରଣପୁର ନିର୍ବାଚନ ମଣ୍ଡଳୀରେ ବିଜେଡିଦଳ ର ନେତୃତ୍ୱ ନେଉଥିବା ବିଧାୟକ ସତ୍ୟ ନାରାୟଣ ପ୍ରଧାନ ଜିଲ୍ଲା ପରିଷଦ ପ୍ରାର୍ଥୀ ଘୋଷଣା କରିବାକୁ ସମର୍ଥ ହୋଇ ନାହାନ୍ତି । ଯେହେତୁ ରଣପୁର ନିର୍ବାଚନ ମଣ୍ଡଳୀ ରେ ୬ ଟି ଜିଲ୍ଲା ପରିଷଦ ଜୋନ ସେଗୁଡିକ ଯଥାକ୍ରମେ ଶରଣକୂଳ , ଗୋଡିପଡା , ସୁନଖଳା, ରଣପୁର , ଗୋପାଳପୁର ଏବଂ ଚାନ୍ଦପୁର ଏହି ସମସ୍ତ ଜିଲ୍ଲାପରିଷଦ ଜୋନ ର ପ୍ରାର୍ଥୀ ଘୋଷଣା କରିବା ପାଇଁ ଲାଗି ପଡିଛନ୍ତି ।

ଏବଂ ଜିଲ୍ଲାପରିଷଦ ଜୋନ ରେ ବିଜେଡି ର ଏକାଧିକ ପ୍ରାର୍ଥୀ ଆଶାୟୀ ଥିବା ଯୋଗୁଁ ବର୍ତ୍ତମାନ ପର୍ଯ୍ୟନ୍ତ ବିଧାୟକ ତାକୁ ଘୋଷଣା କରିବାକୁ ସକ୍ଷମ ହୋଇନାହାନ୍ତି । ଏ ସମ୍ପର୍କରେ ବିଧାୟକ ସମସ୍ତ ସରପଞ୍ଚ ,ସମିତିସଭ୍ୟ ତାଲିକା ଆସନ୍ତା କାଲି ସୁଦ୍ଧା ଚୂଡାନ୍ତ କଲା ପରେ ଦୁଇ ଦିନ ମଧ୍ୟରେ ଜିଲ୍ଲାପରିଷଦ ପ୍ରାର୍ଥୀ ଙ୍କ ନାମ ଘୋଷଣା କରିବେ ।

ରଣପୁର ବ୍ଲକ ତଥା ଓଡ଼ଗାଁ ବ୍ଲକର ଶରଣକୂଳ , ଗୋଡିପଡା ଜୋନ ରେ ମଧ୍ୟ ଜିଲ୍ଲାପରିଷଦ ପ୍ରାର୍ଥୀ ଙ୍କୁ ନେଇ ବିଜେଡି କର୍ମୀମାନେ ଚିନ୍ତିତ ଥିବା ଜଣାଯାଇଛି । ବିଧାୟକ ଙ୍କ ପାଇଁ ବିଜେଡ଼ି ର ଜିଲ୍ଲାପରିଷଦ ପ୍ରାର୍ଥୀ ଘୋଷଣା କରିବା ଏବେ କାଠିକର ପାଠ ହୋଇଛି । ତେବେ ସାଧାରଣ ରେ ବିଧାୟକ ଙ୍କ ପ୍ରାର୍ଥୀ ଘୋଷଣା କରିବା ରେ ବିଧାୟକ ଅସକ୍ଷମ ନୁହଁନ୍ତି ତ ! ଏ ନେଇ ଚର୍ଚ୍ଚା ଜୋର ଧରିଛି ।