No Result
View All Result
ଓଡ଼ିଶା ତାଜା ନ୍ୟୁଜ୍ (୩୧ ଅକ୍ଟୋବର ରବିବାର ) ଭୁବନେଶ୍ୱର :- ଭାରତର ଅନ୍ୟତମ ଅଗ୍ରଣୀ ଘରୋଇ କ୍ଷେତ୍ରର ବ୍ୟାଙ୍କ ଆର୍ବିଏଲ୍ ବ୍ୟାଙ୍କ ପକ୍ଷରୁ ଏହାର ସିଏସ୍ଆର୍ ଅଭିଯାନ ଉମିଦ୍ ୧୦୦୦ ସାଇକ୍ଲୋଥନ୍ ଅଧୀନରେ ୧୦୦କିମି ସାଇକ୍ଲୋଥନ୍ ଆୟୋଜନ କରାଯାଇଛି । ଏହି କାର୍ଯ୍ୟକ୍ରମରେ ଭୁବନେଶ୍ୱର ସାଇକ୍ଲିଂ ଆଣ୍ଡ୍ ଆଡ୍ଭେଂଚର୍ କ୍ଲବ୍ର ୭୦ ସାଇକେଲ୍ ଆରୋହୀ ଅଂଶଗ୍ରହଣ କରିଥିଲେ ଯେଉଁମାନଙ୍କ ମଧ୍ୟରେ ଥିଲେ ବରିଷ୍ଠ ପ୍ରଶାସକ ଓ ଆର୍ବିଏଲ୍ ବ୍ୟାଙ୍କର କର୍ମଚାରୀ, ଭାରତୀୟ ସ୍ଥଳ ସେନା ଓ ସୈନିକ ସ୍କୁଲ୍ର ସାଇକେଲ୍ ଆରୋହୀ । ଭାରତୀୟ ସେନା ପକ୍ଷରୁ ଭୁବନେଶ୍ୱରରେ ଥିବା ତାଙ୍କ ସ୍ଥଳରୁ ସ୍ୱର୍ଣ୍ଣିମ ବିଜୟ ମଶାଲ୍କୁ ଆର୍ବିଏଲ୍ ବ୍ୟାଙ୍କ ଆୟୋଜନ କରିଥିବା ସାଇକ୍ଲୋଥନ୍ ପର୍ଯ୍ୟନ୍ତ ଅଣାଯାଇଥିଲା । ଏହି ମଶାଲ୍ ହେଉଛି ୧୯୭୧ ଯୁଦ୍ଧରେ ଭାରତର ବିଜୟର ପ୍ରତୀକ । ୨୦୨୦ ଡିସେମ୍ବର ୧୬ରେ ମାନ୍ୟବର ପ୍ରଧାନମନ୍ତ୍ରୀ ଏହାକୁ ପ୍ରଜ୍ଜ୍ୱଳିତ କରିଥିଲେ ଏବଂ ଏହା ଦେଶର ବିଭିନ୍ନ ସ୍ଥାନ ପରିଭ୍ରମଣ କରୁଛି । ଏହି ଜ୍ୟୋତିକୁ ଶ୍ରଦ୍ଧାଞ୍ଜଳି ଦେବା ପରେ ପରବର୍ତୀ ଅଭିଯାନ ଆରମ୍ଭ ହେବ । ଏହି ଅବସରରେ ସମସ୍ତ ଅଂଶଗ୍ରହଣକାରୀ ୧୯୭୧ ଯୁଦ୍ଧର ହିରୋମାନଙ୍କୁ ମନେ ପକାଇବା ସହ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ଉଦ୍ଘାଟନୀ ସମାରୋହ ଆର୍ବିଏଲ୍ ବ୍ୟାଙ୍କର ଭୁବନେଶ୍ୱର ଶାଖାରେ ଅନୁଷ୍ଠିତ ହୋଇଥିଲା ଯେଉଁଠାରେ କାର୍ଯ୍ୟକ୍ରମକୁ ଅର୍ଥ ବିଭାଗର ପ୍ରମୁଖ ସଚିବ ଶ୍ରୀଯୁକ୍ତ ବିଶାଲ୍ କୁମାର ଦେବ, ମାନ୍ୟବର ସାଂସଦ ଓ କିଟ୍ ବିଶ୍ୱବିଦ୍ୟାଳୟର ପ୍ରତିଷ୍ଠାତା ଡକ୍ଟର ଅଚ୍ୟୁତ ସାମନ୍ତ, ଶ୍ରୀଯୁକ୍ତ ଶାନ୍ତା ୱଲୁରି ଗାନ୍ଧୀ, ମୁଖ୍ୟ- ମାନବ ସମ୍ବଳ, ସିଏସ୍ଆର୍ ଆଣ୍ଡ୍ ଇଂଟର୍ନାଲ୍ ବ୍ରାଣ୍ଡିଂ, ଆର୍ବିଏଲ୍ ବ୍ୟାଙ୍କ ଓ ବ୍ରିଗେଡିୟର୍ ପ୍ରଶାନ୍ତ ଚୌହ୍ୱାନ, କମାଣ୍ଡିଂ ଅଫିସର, ଛତିଶଗଡ଼, ଓଡ଼ିଶା ଓ ଉପ ଅଂଚଳ ପତାକା ଦେଖାଇ ଶୁଭାରମ୍ଭ କରିଥିଲେ । ଆର୍ବିଏଲ୍ ବ୍ୟାଙ୍କର ପ୍ରମୁଖ ସିଏସ୍ଆର୍ ଅଭିଯାନ ଉମିଦ୍୧୦୦୦ ସାଇକ୍ଲୋଥନ୍ର ଏକ ଅଂଶ ହେଉଛି ଏହି କାର୍ଯ୍ୟକ୍ରମ ଯେଉଁଥିରେ ପାଣ୍ଠି ଯୋଗାଡ଼ କରିବା ଲାଗି ସାଇକେଲ୍ ଆରୋହୀମାନେ ୧୪ ଦିନ ଭିତରେ ୧୦୦ କିମି ଯାତ୍ରା କରିବାର ଆହ୍ୱାନକୁ ଗ୍ରହଣ କରିଥାନ୍ତି । ଅଂଶଗ୍ରହଣକାରୀ ସାଇକେଲ୍ ଆରୋହୀମାନେ ଦିବ୍ୟାଙ୍ଗ ଶିଶୁ, ଭିନ୍ନକ୍ଷମ ବ୍ୟକ୍ତି, ଉପେକ୍ଷୀତ ଗୋଷ୍ଠୀର ପିଲା ଓ ସ୍କୁଲରୁ ଅଧାରୁ ପାଠ ଛାଡ଼ିଥିବା ପ୍ରାପ୍ତବୟସ୍କଙ୍କ ଅନ୍ତର୍ଭୁକ୍ତୀକରଣ ଶିକ୍ଷା ଉପରେ ଗୁରୁତ୍ୱାରୋପ କରୁଥିବା ଆରବିଏଲ୍ ବ୍ୟାଙ୍କର ସିଏସ୍ଆର୍ ଅଭିଯାନ ବିଷୟରେ ସଚେତନତା ସୃଷ୍ଟି କରିଥିଲେ । ଏହି ଅବସରରେ ଶ୍ରୀଯୁକ୍ତ ବିଶାଲ୍ କୁମାର ଦେବ, ଆଇଏଏସ୍, ପ୍ରମୁଖ ସଚିବ, ଅର୍ଥ କହିଛନ୍ତି ଯେ, “ଏକ ଦୃଢ଼ ଦେଶ ଗଠନ ଲାଗି ଶିକ୍ଷା ଜରୁରୀ ।
ଦେଶର ସାହସୀ ଦୃଦୟଧାରୀ ଭାରତୀୟ ସେନା ଓ ବରିଷ୍ଠ ଅଧିକାରୀମାନେ ଆର୍ବିଏଲ୍ ବ୍ୟାଙ୍କର ସାଇକେଲ୍ ଆରୋହୀଙ୍କ ସହ ହାତ ମିଳାଇ ଅନ୍ତର୍ଭୁକ୍ତୀକରଣ ଶିକ୍ଷା ଭଳି ମହତ ଉଦ୍ଦେଶ୍ୟ ପାଇଁ ୧୦୦ କିମି ଯାତ୍ରା କରୁଥିବା ଦେଖି ଅନୁପ୍ରାଣିତ ମନେ ହେଉଛି ।’’ ମିସ୍ ଶାନ୍ତା ୱଲୁରି ଗାନ୍ଧୀ, ମୁଖ୍ୟ-ଏଚ୍ଆର୍, ସିଏସ୍ଆର୍ ଓ ଇଂଟର୍ନାଲ୍ ବ୍ରାଣ୍ଡିଂ, ଆର୍ବିଏଲ୍ ବ୍ୟାଙ୍କ କହିଛନ୍ତି ଯେ, “ଆର୍ବିଏଲ୍ ବ୍ୟାଙ୍କ ହେଉଛି ଏକ ସାମାଜିକ ଦାୟିତ୍ୱ ସମ୍ପନ୍ନ ଅନୁଷ୍ଠାନ ଓ ବିଭିନ୍ନ ସିଏସ୍ଆର୍ କାର୍ଯ୍ୟକ୍ରମ ଜରିଆରେ ଉପେକ୍ଷୀତ ବର୍ଗର ସେବା କରିବା ଲାଗି ସମ୍ପୂର୍ଣ୍ଣ ପ୍ରତିବଦ୍ଧ । ଗତ ୧୮ ମାସରେ ମହାମାରୀ ବ୍ୟାପିବା ଯୋଗୁଁ ବିଭିନ୍ନ ସମ୍ପ୍ରଦାୟର ନିରନ୍ତରତା ଉପରେ ବଡ଼ ଧରଣର ଓ ବିପର୍ଯ୍ୟସ୍ତ ପ୍ରଭାବ ପଡ଼ିଛି । ଏହି ଅଭିଯାନ ଜରିଆରେ ଆର୍ବିଏଲ୍ ବ୍ୟାଙ୍କ ପକ୍ଷରୁ ଯେଉଁମାନେ ପଛରେ ରହିଯାଇଛନ୍ତି ସେମାନଙ୍କ ଅନ୍ତର୍ଭୁକ୍ତୀକରଣ ଶିକ୍ଷା ଲାଗି ଆମର ରହିଥିବା ସାମଗ୍ରୀକ ସ୍ୱପ୍ନକୁ ଉତ୍ସାହିତ କରିବା ଓ ଶ୍ରେଷ୍ଠ ସମ୍ଭବ ସହାୟତାର ହାତ ବଢ଼ାଇବା ଲାଗି ଦୃଢ଼ ସଂକଳ୍ପ ରହିଛି । ପୁନଶ୍ଚ, ଆମର ଅନ୍ତୁର୍ଭକ୍ତୀକରଣ ଲକ୍ଷ୍ୟ ଜରିଆରେ ସ୍ୱର୍ଣ୍ଣିମ ବିଜୟ ମଶାଲ୍ ଯାତ୍ରାର ଅଂଶ ହେବା ଓ ୧୯୭୧ ଯୁଦ୍ଧର ହିରୋଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରୁଥିବାରୁ ଆମେ ଅତ୍ୟନ୍ତ ଖୁସି ।’’
No Result
View All Result
