ଛକରେ ମାଆ କାଳି ଓ ମହାବୀର ହନୁମାନ ମନ୍ଦିର ନିର୍ମାଣର ଭୂମିପୂଜା

ଓଡ଼ିଶା ତାଜା ନ୍ୟୁଜ୍ (୨ ଜୁଲାଇ ଶୁକ୍ରବାର )କୋରାଇ :- କୋରାଇ ବ୍ଲକ ଅନ୍ତର୍ଗତ କାଚରାସାହି ପଂଚାୟତର କୟାଁ, ଖଇରା ଓ ତାଳଗଡିଆ ସି୍ଥତ ତ୍ରିକୋଣି ଛକ ଠାରେ ତୈଲୋକେଶ୍ୱର ମନ୍ଦିର ପରିସରରେ ମାଆ କାଳି ଓ ମହାବୀର ହନୁମାନଙ୍କ ନୂତନ ମନ୍ଦିର ନିର୍ମାଣ ନିମନ୍ତେ ଆଜି ପୂର୍ବାହ୍ଣରେ ଭୂମିପୂଜା କରାଯାଇଛି । ମାଆ କାଳିଙ୍କ ମନ୍ଦିର ଭୂମିପୂଜାରେ କର୍ତାଭାବେ ତାଳଗଡିଆ ଗ୍ରାମର ଅଜୟକୁମାରମଲ୍ଲିକ ଓ ତାଙ୍କ ପତ୍ନୀ ଅରୁଣା ଏବଂ ମହାବୀରଙ୍କ ମନ୍ଦିର ଭୂମିପୂଜାରେ କର୍ତାଭାବେ କୟାଁ ଗ୍ରାମର ସୁବାସଚନ୍ଦ୍ର ସାହୁ ଓ ତାଙ୍କ ପତ୍ନୀ ବେବିନା ପୂଜାକାର୍ଯ୍ୟ ନିର୍ବାହ କରିଥିଲେ ।

ମନ୍ଦିରର ପୁରୋହିତ ନକୁଳଚରଣ ଦାସଙ୍କ ନେତୃିତ୍ୱରେ ସାରଙ୍ଗଧର ନନ୍ଦ, ବ୍ରଜକିଶୋର ଦାସ, ଶିଶର ଦାସ, ବସନ୍ତକୁମାର ଦାସ, ସୁଶାନ୍ତକୁମାର ଦାସ ପ୍ରମୁଖ ବ୍ରାହ୍ମଣ ପଣ୍ଡିତମାନେ ଏହି ଭୂମିପୂଜା କାର୍ଯ୍ୟ ସଂପାଦନା କରିଥିଲେ । ମନ୍ଦିରର ନିର୍ମାଣକାରି କାରିଗର ଚିନ୍ତାମଣି ଖଟୁଆ, ଯଦୁନାଥ ଜେନା, ମୀସ୍ତ୍ରୀ ତାପସ ପ୍ରମୁଖ ମନ୍ଦିର ଶୁଭ ଭିତିପ୍ରସ୍ତର କାର୍ଯ୍ୟ ଆରମ୍ଭ କରିଥିଲେ । ଅନୁଷ୍ଠିତ କାର୍ଯ୍ୟ କରୋନା ନିୟମାନୁଯାଇ ହୋଇଥିଲା ବେଳେ ସାର୍ତୁକ ମୁଦୁଲି, ଦୁର୍ଯ୍ୟୋଧନ ସେଠୀ, ଅକ୍ଷୟକୁମାର ମଲ୍ଲିକ, ବୃନ୍ଦାବନ ଜେନା, ସନ୍ତୋଷକୁମାର ମାଝି ପ୍ରମୁଖ କୟାଁ, ଖଇରା ଓ ତାଳଗଡିଆ ଆଦି ୩ଗ୍ରାମର ଶ୍ରଦ୍ଧାଳୁ ଭକ୍ତମାନେ ଉପସ୍ଥିତି ରହି ସହଯୋଗ କରିଥିଲେ ।   ( ରିପୋର୍ଟ – ରଶ୍ମିରେଖା ମଲ୍ଲିକ )