ଟିକାକରଣ କେନ୍ଦ୍ରରେ କରୋନାକୁ ଆମନ୍ତ୍ରଣ

ଓଡ଼ିଶା ତାଜା ନ୍ୟୁଜ (୨୮ ଜୁନ ସୋମବାର ) ହିଞ୍ଜିଳିକାଟୁ :-  ମହମାରୀ କରୋନା ଭୁତାଣୁ ସଂକ୍ରମଣର ଦ୍ୱିତୀୟ ଲହର ପ୍ରାଣଘାତି ସାଜି ଆତଙ୍କ ରଚିଥିଲା । ଏହାକୁ ପ୍ରତିହିତ କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ମଇ ମାସ ପହିଲାରୁ ସାରା ରାଜ୍ୟରେ ଲକଡ଼ାଉନ ଓ ସପ୍ତାହନ୍ତ ସଟଡ଼ାଉନ ଘୋଷଣା କରାଯାଇଥିଲା । ସଂକ୍ରମିତଙ୍କ ସଂଖ୍ୟା ହ୍ରାସ ପାଇବା ସହ ସ୍ଥିତି ସମାନ୍ୟ ସୁଧୁରିଥଇବା ବେଳେ ଜୁନ ୧୭ ତାରିଖ ସକାଳୁ ଲକଡ଼ାଉନକୁ ହଟାଯାଇ ଅନଲକ-୧ କାର୍ଯ୍ୟକାରୀ କରାଯାଇଛି । ତଥାପି ସପ୍ତାହନ୍ତ ସଟଡ଼ାଉନ (ଶନି ଓ ରବିବାର) ଜାରି ରହିଛି । ଅନଲକ ସମୟରେ ସୋମବାର ଠାରୁ ଶୁକ୍ରବାର ପର୍ଯ୍ୟନ୍ତ ଦୋକାନ ବଜାର ପ୍ରତ୍ୟହ ସନ୍ଧ୍ୟା ୫ଟା ପର୍ଯ୍ୟନ୍ତ ଖୋଲା ରଖିବାକୁ ନିୟମ କରାଯାଇଛି । ଅବଶିଷ୍ଟ ୨ ଦିନ ଶନି ଓ ରବିବାର ସପ୍ତାହନ୍ତ ସଟଡ଼ାଉନ ସମୟରେ ଔଷଧ ଦୋକାନକୁ ବାଦ ଦେଲେ ଅନ୍ୟ ସମସ୍ତ ପ୍ରକାରର ଦୋକାନ ବଜାର ବନ୍ଦ ରଖିବା ପାଇଁ ନିୟମ କାର୍ଯ୍ୟକାରୀ କରାଯାଇଛି । କରୋନା ସଂକ୍ରମିତ ନହେବା ଆଶଙ୍କା କରି ବର୍ତମାନ ପରିସ୍ଥିତିରେ ଲୋକେ ଆଗ୍ରହର ସହ ଟିକାକେନ୍ଦ୍ରକୁ ଆସି ଟିକା ଗ୍ରହଣ କରୁଥିବାର ଦେଖିବାକୁ ମିଳୁଛି । ଟିକାକରଣ କେନ୍ଦ୍ରରେ ଲୋକଙ୍କ ଅସମ୍ଭାଳ ଭିଡ଼ ପରିଲିକ୍ଷିତ ହେଉଥିବାର ଦେଖିବାକୁ ମିଳିଛି । ଏଭଳି ସ୍ଥିତି ଦେଖିଲେ ଜଣାପଡ଼ୁଛି ସତେଯେପରିକି କରୋନା ବୋଲି କିଛି ବୋଲି କିଛିନାହିଁ ।

ସୋମବାର ସ୍ଥାନୀୟ ପୌରାଂଚଳ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଟିକାଗ୍ରହଣ ପରିସରରେ ଟିକା ନେବାକୁ ଆସିଥିବା ଲୋକଙ୍କ ଅସମ୍ଭାଳ ଭିଡ଼ ଦେଖିବାକୁ ମିଳିଥିଲା । ଏପରିକି ବହୁୂ ଲୋକଙ୍କ ମୁହଁରେ ମାସ୍କ ନଥିବା ଦେଖିବାକୁ ମିଳିଥିଲା । ଏଭଳି ଭିଡ଼କୁ ଦେଖି କରୋନାକୁୂ ଆମନ୍ତ୍ରଣ କରୁଥିବା ଭଳି ମନେ ହେଉଥିଲା । ପ୍ରବଳ ଭିଡ଼ ଯୋଗୁଁ ଟିକାଦାନ କିଛି ସମୟ ପାଇଁ ବାଧାପ୍ରାପ୍ତ ହୋଇଥିଲା । ଭିଡ଼କୁ ନିୟମନ୍ତ୍ରଣ କରିବା ପାଇଁ ପୁଲିସ ପ୍ରଶାସନ ପଂହଚିଥିଲା । ଲୋକଙ୍କ ଭିଡ଼ ଯୋଗୁଁ ଉପସ୍ଥିତ ସ୍ୱାସ୍ଥ୍ୟ କର୍ମଚାରୀ ଓ ପୌର କର୍ମଚାରୀ ବିରକ୍ତ ଭାବ ପ୍ରକାଶ କରୁଥିବାର ଦେଖିବାକୁ ମିଳିଥିଲା । ଗଣେ ପୌର କର୍ମଚାରୀ ବିରକ୍ତ ଭାବ ପ୍ରକାଶ କରି ଲୋକଙ୍କୁ ଅସଭ୍ୟ ଭାଷା ପ୍ରୟୋଗ କରୁଥିବାରୁ ଉପସ୍ଥିତ ଲୋକଙ୍କ ମଧ୍ୟରେ ଅସନ୍ତୋଷ ଭାବ ପ୍ରକାଶ ପାଇଥିଲା । ଏପରିକି କିଛି ଲୋକ ଏହାକୁ ବିରୋଧ କରି ଉଚ୍ଚବାଚ ହେଉଥିବାର ଦେଖିବାକୁ ମିଳିଥିଲା । ପୌର ପ୍ରଶାସନ ପକ୍ଷରୁ ଏଭଳି କର୍ମଚାରୀଙ୍କୁ ନିୟୋଜିତ ନକରିବାକୁ ବୁଦ୍ଧିଜୀବି ମହଲରେ ମତପ୍ରକାଶ ପାଇଛି । ଘଟଣା ନେଇ ପୌର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ମନୋରଂଜନ ସାହୁଙ୍କ ସହ ଫୋନ ଯୋଗେ ଯୋଗାଯୋଗ କରାଯାଇଥିଲେ ମଧ୍ୟ ସମ୍ଭବପର ହୋଇପାରିନାହିଁ ।     ( ରିପୋର୍ଟ : ଶୁସାନ୍ତ ପ୍ରଧାନ )