‘’ମୋ ସରକାର ଓ ୫ଟି ତତ୍ୱ ‘’ ଆଧାରରେ ବିକାଶ ପ୍ରକ୍ରିୟାକୁ ତ୍ୱରାନିତ ହିଂଜିଳିରେ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ଓ ଯୁଗ୍ମ ସଚିବଙ୍କ ଭିତିଭୂମୀ ସୁଦୃଢ ପାଇଁ ମାରାଥନ ବୈଠକ

ଓଡ଼ିଶା ତାଜା ନ୍ୟୁଜ (୨୫ ଜୁନ୍‌ ଶୁକ୍ରବାର ) ହିଂଜିଳିକାଟୁ :- ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମୃଦ୍ଧ ଓଡ଼ିଶା ଗଠନ ଦିଗରେ ବିଧିବଦ୍ଧ ପ୍ରଚେଷ୍ଟା ଜାରୀ ରହିଛି । ଓଡ଼ିଶାକୁ ବିକାଶ କ୍ଷେତ୍ରରେ ଅଗ୍ରଣୀ ରାଜ୍ୟ ରୂପେ ପରିଣତ କରିବା ପାଇଁ ରାଜ୍ୟର ବିଭିନ୍ନ ପ୍ରାନ୍ତରରେ ବହୁକୋଟି ମୂଲ୍ୟର ପ୍ରକଳ୍ପ ଲୋକାର୍ପିତ କରିଛନ୍ତି । ନିଜ ନିର୍ବାଚନ ମଣ୍ଡଳୀ ହିଂଜିଳିର ବିକାଶକୁ ଶୀର୍ଷ ସ୍ଥାନରେ ପଂହଚାଇବା ପାଇଁ ବିଭିନ୍ନ ଉନ୍ନୟନ ପ୍ରକଳ୍ପକୁ ପ୍ରାଥମିକତା ଦିଆଯାଇଛି । ନିଜ ନିର୍ବାଚନ ମଣ୍ଡଳୀର ସମସ୍ତ ଗ୍ରାମାଂଚଳ ଓ ସହରାଂଚଳର ଆବଶ୍ୟକ ଉନ୍ନୟନ ପ୍ରକଳ୍ପ ଗୁଡ଼ିକୁ ତ୍ୱରିତ ବେଗରେ ସମ୍ପୁର୍ଣ୍ଣ କରିବା ପାଇଁ ରାଜ୍ୟ ଓ ଜିଲ୍ଲା ପ୍ରଶାସନକୁ ସେ, ସ୍ୱତନ୍ତ୍ର ନିର୍ଦ୍ଦେଶ ଦେଇଛନ୍ତି । ଶିକ୍ଷା, ସ୍ୱାସ୍ଥ୍ୟ, ଗମନାଗମନ, କୃଷି ଓ ଆଲୋକୀକରଣ ଆଦି ଉନ୍ନୟନ କ୍ଷେତ୍ରରେ ଗୁରୁତ୍ୱାରୋପ କରି ଆବଶ୍ୟକତା ଅନୁଯାୟୀ ପ୍ରାଥମିକତା ଦେବା ସକାଶେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଆବଶ୍ୟକ ପଦକ୍ଷେପ ଗ୍ରହଣ କରିଛନ୍ତି । ଏହି କ୍ରମରେ ଦୀର୍ଘ ୬ ମାସ ଧରି ରାଜ୍ୟ ଓ ଜିଲ୍ଲାସ୍ତରୀୟ ଉଚ୍ଚ ପଦାଧିକାରୀ ମାନେ ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀକୁ ଘନ ଘନ ଗ୍ରସ୍ତ କରି ମୋ ସରକାର ଓ ୫ଟି ତତ୍ୱ ଆଧାରରେ ବିକାଶ ପ୍ରକ୍ରିୟାକୁ ତ୍ୱରାନିତ ପାଇଁ ଆଲୋଚନା ଓ ସମୀକ୍ଷା ଜାରୀ ରଖିଛନ୍ତି । ଏହି ପରିପ୍ରେକ୍ଷୀରେ ଶନିବାର ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସଚିବ ତଥା ରାଜ୍ୟ ସରକାରଙ୍କ କ୍ରୀଡ଼ା ଓ ଯୁବ ବ୍ୟାପାର ବିଭାଗୀୟ ଅତିରିକ୍ତ ନିର୍ଦ୍ଦେଶକ ଭୀନିଲ କ୍ରୀଷ୍ଣା ଓ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ଉପସଚିବ ଶୁଭ୍ରାଂଶୁ ମିଶ୍ର ରାଜ୍ୟ ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀ ହିଞ୍ଜିଳି ଗ୍ରସ୍ତ କରିଛନ୍ତି । ସ୍ଥାନୀୟ ପଂଚାୟତ ସମିତି କାର୍ଯ୍ୟାଳୟ ସଭାକକ୍ଷରେ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେଙ୍କ ତତ୍ୱାବଧାନରେ ଆୟୋଜିତ ବୈଠକରେ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସଚିବ ଭୀନିଲ କ୍ରୀଷ୍ଣା ଓ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ଉପସଚିବ ଶୁଭ୍ରାଂଶୁ ମିଶ୍ର, ଛତ୍ରପୁର ଉପଜିଲ୍ଲାପାଳ ପ୍ରିୟରଂଜନ ପୃଷ୍ଟି, ଭଂଜନଗର ଉପଜିଲ୍ଲାପାଳ ରାଜେନ୍ଦ୍ର ମିଞ୍ଜ, ମୁଖ୍ୟମନ୍ତ୍ରୀଙ୍କ ଡ଼ିଆରଡ଼ିଏ ପ୍ରତିନିଧି ଶରତ ଚନ୍ଦ୍ର ମହାପାତ୍ର ପ୍ରମୁଖ ମଂଚାସିନ ଥିଲେ । ବୈଠକରେ ସ୍ଥାନୀୟ ପୌରାଂଚଳ ଓ ବ୍ଳକର ବହୁ ଜନ ପ୍ରତିନିଧି ମାନଙ୍କ ସହ ଅଂଚଳ ସକାଶେ ଆବଶ୍ୟକ ରହିଥିବା ବିଭିନ୍ନ ଉନ୍ନୟନ ପ୍ରକଳ୍ପ ସମ୍ପର୍କରେ ଆଲୋଚନା କରିଥିଲେ ।

ସ୍ଥାନୀୟ ପୌରାଂଚଳ ସ୍ଥିତ ଉପଖଣ୍ଡ ଚିକିତ୍ସାଳୟର ଚିକିତ୍ସକ ଓ ଆବଶ୍ୟକ କର୍ମଚାରୀ ପୁରଣ, ସର୍ବଜର୍ଜ କୋର୍ଟ ସ୍ଥାପନ, ଅଡ଼ିଟୋରିୟମ, ରିଙ୍ଗରୋଡ଼, କ୍ଷୁଦ୍ର ଶିଳ୍ପାଂଚଳ ନିର୍ମାଣ, ଜାନିବିଲି ପାନୀୟ ଜଳ ପ୍ରକଳ୍ପରୁ ହିଞ୍ଜିଳିକାଟୁ ସହରକୁ ପାନୀୟ ଜଳ ଯୋଗାଣ, ଗୃହ ନିର୍ମାଣ ସକାଶେ ବିଡ଼ିଏ ପରିବର୍ତେ ସ୍ଥାନୀୟ ପୌର କର୍ତୁପକ୍ଷଙ୍କ ଅନୁମୋଦନ ପତ୍ର, ବ୍ଳକର ସିଙ୍ଗିପୁର ପଂଚାୟତ ଠାରେ ବାତ୍ୟା ଓ ବହୁମୂଖୀ ଆଶ୍ରୟସ୍ଥଳୀ, ପୋଚିଲିମା ଗ୍ରାମରେ ସମବାୟ ସମିତି ଗୃହ , ବେଲଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଆବଶ୍ୟକ ଡ଼ାକ୍ତର ପଦବୀ ପୂରଣ, କଲ୍ୟାଣ ମଣ୍ଡପ ନିର୍ମାଣ ସହ ରାସ୍ତା, ପାନୀୟଜଳ, ନଦୀକଳିଆ ଗାଁରେ ପଥର ବନ୍ଧ ନିର୍ମାଣ, ଦାରୁଭଦ୍ରାରେ ଆର.ଆଇ କାର୍ଯ୍ୟାଳୟ ନିର୍ମାଣ ସକାଶେ ଜନ ପ୍ରତିନିଧି ମାନେ ପ୍ରସ୍ତାବ ରଖିଥିଲେ । ପରେ ସ୍ଥାନୀୟ ପୌରାଂଚଳ ସରକାରୀ ଏନଏସି ଉଚ୍ଚ ବିଦ୍ୟାଳୟକୁ ଯାଇ ସ୍ମ୍ରାର୍ଟ କ୍ଳାସ ରୁମ ବୁଲି ଦେଖିବା ସହ ବିଦ୍ୟାଳୟରେ ଶିକ୍ଷାଥ୍‌ର୍ୀଙ୍କ ସଂଖ୍ୟା ଓ ଚଳିତ ବର୍ଷ ମାଧ୍ୟାମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ୧୦ମ ଶ୍ରେଣୀ ପରୀକ୍ଷା ଫଳ ବିଷୟରେ ପଚାରି ବୁଝିଥିଲେ । ପରେ ବ୍ଳକ ସମ୍ମିଳନୀ କକ୍ଷରେ ଛତ୍ରପୁର ଓ ଭଂଜନଗର ଉପଖଣ୍ଡର ଜଳ ସେଚନ, ବିଦ୍ୟୁତ, ରାସ୍ତା ଓ କୋଠାବାଡ଼ି ନିର୍ମାଣ, କୃଷି ସମେତ ବିଭିନ୍ନ ବିଭାଗର ଉନ୍ନୟନ କାର୍ଯ୍ୟ ସମ୍ପର୍କରେ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ବିଭାଗୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ । ବୈଠକ ଶେଷ ପରେ ସ୍ଥାନୀୟ ପୌରାଂଚଳ ଉପଖଣ୍ଡ ଚିକିତ୍ସାଳୟ ବୁଲି ଦେଖିବା ସହ ଚିକିତ୍ସା ସୁବିଧା ଓ ଅନ୍ୟାନ ସୁବିଧା ସୁଯୋଗ ଏବଂ ଆବଶ୍ୟକ ରହିଥିବା ବିଭିନ୍ନ ବିଷୟରେ ଭାରପ୍ରାପ୍‌ତ ଅଧିକକ୍ଷକଙ୍କୁ ପଚାରି ବୁଝିଥିଲେ । ସେଠାରୁ ପୌରାଂଚଳ ନୂଆଗଡ଼ ଠାରେ ନିର୍ମିତ ଅଣୁ ଜୈବିକ କେନ୍ଦ୍ର ଓ ବର୍ଜ୍ୟବସ୍ତୁ ପୃଥୀକରଣ ବ୍ୟବସ୍ଥା କେନ୍ଦ୍ର ବୁଲି ଦେଖିଥିଲେ । ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ଓ ଯୁଗ୍ମ ସଚିବଙ୍କ ହିଂଜିଳି ଗ୍ରସ୍ତ ସମୟରେ ମୁଖ୍ୟମନ୍ତ୍ରୀଙ୍କ ବ୍ଳକ ପ୍ରତିନିଧି ସୁରେନ୍ଦ୍ର ପ୍ରଧାନ, ପୌରାଂଚଳ ପ୍ରତିନିଧି ସଂଜୟ ପଣ୍ଡା, ବ୍ଳକ ଅଧ୍ୟକ୍ଷ ଏନ. ରଘୁନାଥ, ଉପାଧ୍ୟକ୍ଷା ଗିତାଂଜଳି ପଣ୍ଡା, ତହସିଲଦାର ପ୍ରଭାତ କୁମାର ପରିଡ଼ା,

ବିଡ଼ିଓ ସୁବ୍ରତ କୁମାର ଜେନା, ପୌର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ. ମନୋରଂଜନ ସାହୁ, ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ, ଉପଖଣ୍ଡ ଚିକିତ୍ସାଳୟ ଭାରପ୍ରାପ୍ତ ଅଧିକ୍ଷକ ଡ଼ାକ୍ତର ପ୍ରତିଭା ପାତ୍ର, ଗ୍ରାମ୍ୟ ଉନ୍ନୟନ ବିଭାଗୀୟ ସହକାରୀ ନିର୍ବାହୀ ଯନ୍ତ୍ରୀ ପ୍ରଦୀପ ପାଢି, ବିଦ୍ୟୁତ ବିଭାଗୀୟ ନିର୍ବାହୀ ଯନ୍ତ୍ରୀ ଇଂ. ନରୋତମ ପଟ୍ଟନାୟକ, ସହକାରୀ ନିର୍ବାହୀ ଯନ୍ତ୍ରୀ ସତ୍ୟ ନାରାୟଣ ଦାଶ, ବ୍‌ଳକ କୃଷି ଅଧିକାରୀ ବଳରାମ ସୁବୁଦ୍ଧି, ସହକାରୀ କୃଷି ଅଧିକାରୀ ପ୍ରଶାନ୍ତ କୁମାର ନାଥ, ଅମର ପ୍ରସାଦ ସାହୁ, ପୂର୍ତ ବିଭାଗୀୟ ସହକାରୀ ଯନ୍ତ୍ରୀ ଉମାଚରଣ ପାଢି, ନଗର ବିଜେଡ଼ି ସଭାପତି ଭୀମସେନ ବେହେରା, ଜିଲ୍ଲା ପରିଷଦ ସଭ୍ୟା ଆରତୀ ମହାନ୍ତି, ସଭ୍ୟ ଦୁର୍ଗା ମାଧବ ମହାନ୍‌ତି, ଅଜିତ କୁମାର ପାତ୍ର, ସରଂପଚ ଭାଣ୍ଡି ରବିନ୍ଦ୍ର, କେ. ଦୁର୍ଗା ପ୍ରସାଦ ରାଓ, ଜି. ମେହାନ, ଆତ୍ମା ଅଧ୍ୟକ୍ଷ ଏ. ସୁଦର୍ଶନ, ସୁଧାଂଶୁ ଶେଖର ସାହୁ, ପୂର୍ବତନ ନଗରପାଳ ଶିବରାମ ଗଉଡ଼, ପୂର୍ବତନ ଉପନଗରପାଳ ପବିତ୍ର ମୋହନ ପାଣିଗ୍ରାହୀ, ପୂର୍ବତନ ପୌର ଉପାଧ୍ୟକ୍ଷ ସୁବାଷ ପୋଲାଇ, ଯୁବ ବିଜେଡ଼ି ସମ୍ପାଦକ ପ୍ୟାରୀ ମୋହନ ପାଢି, କୃଷ୍ଣଚନ୍ଦ୍ର ସାହୁ, ଯୁଧିଷ୍ଟିର ସ୍ୱାଇଁ, କାହ୍ନୁ ଚୌଧୁରୀ, ମାନସ ବେହେରା, ବ୍ଳକ ସହକାରୀ ଯନ୍ତ୍ରୀ ହେମନ୍ତ କୁମାର ମିଶ୍ର, ପୌର ସହକାରୀ ଯନ୍ତ୍ରୀ ପ୍ରମୋଦ ନାୟକ, କନିଷ୍ଠ ଯନ୍ତ୍ରୀ ମାନସ ରଞ୍ଜନ ଦାଶ, ଦିଲ୍ଲିପ କୁମାର ମିଶ୍ରଙ୍କ ସମେତ ବହୁ ସରଂପଚ, ସମିତିସଭ୍ୟ, ଜିଲ୍ଲା ପରିଷଦ ସଭ୍ୟ ଓ କ୍ଷୁଦ୍ରଜଳସେଚନ, ଜଳସମ୍ପଦ ସମେତ ବିଭିନ୍ନ ଲାଇନ ବିଭାଗୀୟ ଅଧିକାରୀ ମାନେ ଉପସ୍ଥିତ ଥିଲେ ।( ରିପୋର୍ଟ : ଶୁସାନ୍ତ ପ୍ରଧାନ )