ଭାରତୀୟ ନୌସେନାର ଶକ୍ତି ବଢାଇବା ପାଇଁ ଶୁକ୍ରବାର ପ୍ରତିରକ୍ଷା ମନ୍ତ୍ରଣାଳୟ ବଡ଼ ନିଷ୍ପତ୍ତି ନେଇଛନ୍ତି

ଓଡ଼ିଶା ତାଜା ନ୍ୟୁଜ (୦୪ ଜୁନ ଶୁକ୍ରବାର ) ନୂଆଦିଲ୍ଲୀ :- ପ୍ରତିରକ୍ଷା ମନ୍ତ୍ରଣାଳୟ ପ୍ରୋଜେକ୍ଟ ୭୫-ଇଣ୍ଡିଆ ଦ୍ୱାରା ୬ଟି ସବମରିନ୍‌ନିର୍ମାଣ କରିବା ପାଇଁ ମଞ୍ଜୁରୀ ଦେଇଛନ୍ତି । ଦୀର୍ଘଦିନ ଧରି ଅଟକି ରହିଥିବା ପ୍ରକଳ୍ପ ଖୁବଶୀଘ୍ର କାର୍ଯ୍ୟକାରୀ ହେବ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ୫୦ ହଜାର କୋଟିର ଏହି ପ୍ରକଳ୍ପକୁ ମଞ୍ଜୁରୀ ମିଳିଛି । ଏହି ପ୍ରୋଜେକ୍ଟକୁ ସ୍ୱେଦେଶୀ କମ୍ପାନୀ ମଝଗାଓଁ ଡକ୍ସ ଲିମିଟେଡ୍‌ଏବଂ L & Tକୁ ଦାୟୀତ୍ୱଭାର ପ୍ରଦାନ କରାଯାଇଛି ।

ସମୂଦ୍ରରେ ନିଜର ଶକ୍ତି ବଢାଇବା ପାଇଁ ଭାରତୀୟ ନେଭି ଏହି ପ୍ରୋଜେକ୍ଟକୁ ଆରମ୍ଭ କରିଛି । ନିର୍ମାଣ ହେବାକୁ ଥିବା ୬ଟି ବଡ଼ ସବମରିନ୍‌ଡିଜେଲ ଏବଂ ଇଲକ୍ଟ୍ରିକ୍‌ପର୍ଯ୍ୟବେଷିତ । ଏହାର ଆକାର ବର୍ତ୍ତମାନର ସ୍କର୍ପିଅନ କ୍ଲାସ ସମମରିନର ୫୦ ଗୁଣା ଅଧିକ ହେବ ।
ଭାରତୀୟ ନେଭି ନିକଟରେ ପ୍ରାୟ ୧୪୦ଟି ସବମରିନ୍‌ଏବଂ ସରଫେସ ଓ୍ୱାରଶିପ୍‌ରହିଛି । ଅନ୍ୟପଟେ ଯଦି ପାକିସ୍ତାନୀ ନେଭି ସହିତ ତୁଳନା କରିବା ତେବେ ତାଙ୍କ ନିକଟରେ ମାତ୍ର ୨୦ଟି ରହିଛି । କିନ୍ତୁ ଭାରତର ମୁକାବିଲା କେବଳ ପାକିସ୍ତାନ ସହିତ ନୁହେଁ ବରହ ଚୀନ୍‌ସହିତ ମଧ୍ୟ, ଯିଏ ଭାରତ ମହାସାଗରରେ ଅନୁପ୍ରବେଶ କରିବାକୁ ବାରମ୍ବାର ଚେଷ୍ଟା କରୁଛି ।