ବିଦ୍ୟୁତ ବିଭାଗ ର ଅବହେଳାରୁ ଚାଲି ଗଲା ୪ ଗୋଟି ଗାଈଙ୍କ ଜୀବନ

ଓଡ଼ିଶା ତାଜା ନ୍ୟୁଜ (୨୬ ମଇ ବୁଧବାର ) ବାଙ୍କୀ :- ଡମପଡା ବ୍ଲକ ଭଗିପୁର ପଂଚାୟତ ଭଗିପୁର ଗ୍ରାମରେ ବିଦ୍ୟୁତ ତାର ସଂସ୍ପର୍ଶରେ ରେ ଆସି ୪ ଗାଈ ମୃତ । ବିଦ୍ୟୁତ ବିଭାଗ ର ଅବହେଳାରୁ ଏପରି ଅଘଟଣ ଘଟିଥିବା ଗ୍ରାମବାସୀ ଅଭିଯୋଗ କରୁଥିବା ଶୁଣିବାକୁ ମିଳିଛି । ସୂଚନା ଅନୁଯାୟୀ ବାତ୍ୟା ୟାସ୍‌ କୁ ଆଖି ଆଗରେ ରଖି ବିଦ୍ୟୁତ ବିଭାଗ ତରଫରୁ ଗତକାଲି ଅପରାହ୍ନ ରେ ବିଦ୍ୟୁତ ଖୁଣ୍ଟି ମାନଙ୍କରୁ ସଂଯୋଗ କଟା ଯାଇଥିଲା । ବିଦ୍ୟୁତ ବିଭାଗ କର୍ମଚାରୀ ଉପରିସ୍ଥ ଅଫିସର ଙ୍କ ଠାରୁ ଖବର ନପାଇ ଏହାକୁ ସଂଯୋଗ କରିବାରୁ ବିଦ୍ୟୁତ ଯାନ୍ତ୍ରିକ ତ୍ରୁଟି ଯୋଗୁ ତାର ଛିଡି ମାଟିରେ ପଡିରହିଥିଲା ।

ଆଜି ଗାଈ ମନେ ଚରିବା ସମୟରେ ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରିଛନ୍ତି।ଗ୍ରାମବାସୀ ଏହା ଦେଖିଲା ପରେ ବିଦ୍ୟୁତ ବିଭାଗ କୁ ଖବର ଦେଇ ବିଦ୍ୟୁତ ସଂଯୋଗ ବିଚ୍ଛିନ୍ନ କରି ଗାଈଙ୍କୁ ଉଦ୍ଧାର କରି କରିଥିଲେ। ଭଗିପୁର ଗ୍ରାମ ର ବିଷ୍ଣୁ ଜେନା, ପ୍ରଭାକର ବେହେରା, ବିଶ୍ୱ ସାହୁ ଓ ସୁରେଶ ଦଳେଇ ଙ୍କ ଏହି ଚାରି ଗୋଟି ଗାଈ ବୋଲି ଜଣା ଯାଇଛି।ସେମାନେ ଘଟଣା ସ୍ଥଳରେ ପହଞ୍ଚି ଗାଇଙ୍କୁ ଚିହ୍ନଟ କରି ଥିଲେ ।

ବିଦ୍ୟୁତ ବିଭାଗ ଅବହେଳା ରୁ ସେମାନଙ୍କ ଗାଈ ମୃତ୍ୟୁ ହୋଇଥିବାରୁ ସରକାର ଙ୍କୁ କ୍ଷତି ପୁରଣ ଦାବି କରିଛନ୍ତି । ଏ ସମ୍ପର୍କରେ ବାଙ୍କୀ ଉପଖଣ୍ଡ ବିଦ୍ୟୁତ ବିଭାଗ ଅଧିକାରୀ ସରୋଜ କୁମାର ସରବ ଙ୍କୁ ପଚରିବାରୁ ସେ କହିଲେ ଏ ସମ୍ପର୍କରେ ମୁଁ କୌଣସି ସୂଚନା ପାଇ ନାହିଁ ଘଟଣା ସମ୍ପର୍କରେ ଅନୁଧ୍ୟାନ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । (ରିପୋର୍ଟ -ଗୌତମ ମିଶ୍ର)