ସିବିଏସଇ ଦ୍ଵାଦଶ ଶ୍ରେଣୀ ପରୀକ୍ଷା ହେବ କି ନାହିଁ ସେନେଇ ଆଜି ଆସିବ ନିଷ୍ପତ୍ତି : ଗୁରୁତ୍ୱପୂର୍ଣ୍ଣ ବୈଠକ

ଓଡ଼ିଶା ତାଜା ନ୍ୟୁଜ (୨୩ ମଇ ରବିବାର ) ଭୁବନେଶ୍ୱର :- ସିବିଏସଇ ଦ୍ଵାଦଶ ଶ୍ରେଣୀ ପରୀକ୍ଷା ହେବ କି ନାହିଁ ସେନେଇ ଆଜି ଆସିବ ନିଷ୍ପତ୍ତି । ସବୁ ରାଜ୍ୟ ଶିକ୍ଷା ମନ୍ତ୍ରୀ, ସଚିବ ଓ ପରିଷଦର ଅଧ୍ୟକ୍ଷଙ୍କ ସହ ଆଲୋଚନା କରିବେ ୪ କେନ୍ଦ୍ର ମନ୍ତ୍ରୀ । କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଙ୍କ ଅଧ୍ୟକ୍ଷତାରେ ଦିନ ୧୧ଟା ୩୦ରେ ବସିବ ଗୁରୁତ୍ୱପୂର୍ଣ୍ଣ ବୈଠକ । ବୈଠକରେ ଦ୍ୱାଦଶ ପରୀକ୍ଷା ସମ୍ବନ୍ଧରେ ନିଷ୍କର୍ସ ବାହାରିବା ସମ୍ଭାବନା ରହିଛି ।

ଯଦି ପରୀକ୍ଷା ହେବ ତାହେଲେ କିଭଳି କରାଯିବ ସେନେଇ ଆଲୋଚନା କରାଯିବ । ବୈଠକରେ ଓଡିଶାରୁ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାସ, ପ୍ରମୁଖ ସଚିବ ସତ୍ୟବ୍ରତ ସାହୁଙ୍କ ସହ ଓଡିଶା ଉଚ୍ଚ ମାଧ୍ୟମିକ ଶିକ୍ଷା ପରିଷଦର ଅଧ୍ୟକ୍ଷ ଭୂପେନ୍ଦ୍ର ସିଂ ପୁନିଆ ଯୋଗ ଦେବାର ସୁଚନା ରହିଛି । ସେହିଭଳି ଜେଇଇ ମେନ୍‌, ନିଟ୍‌, ଓ ୟୁପିଏସସି ସିଭିଲ୍‌ ସର୍ଭିସ ପ୍ରିଲିମ୍ସ ପରୀକ୍ଷା ନେଇ ମଧ୍ୟ ନିଷ୍ପତ୍ତି ନିଆଯିବ ।