ବାଙ୍କୀ ଉପକାରାଗାରାରେ ୧୪ଜଣ ଅନ୍ତୋବସୀ କରୋନା ପଜିଟିଭ୍ ଚିହ୍ନଟ , ବାଙ୍କୀ ଉପଜିଲ୍ଲାପାଳ ଉପକାରାଗାର ପରିଦର୍ଶନ କରି ଘଟଣାର ଅନୁସନ୍ଧାନ କଲେ 

ଓଡ଼ିଶା ତାଜା ନ୍ୟୁଜ (୧୭ ମଇ ସୋମବାର ) ବାଙ୍କୀ :- ବାଙ୍କୀ ଉପକାରାଗାରାରେ ସମସ୍ତ ଅନ୍ତେବାସୀ ଅସୁସ୍ଥ ସଂପର୍କରେ ଗଣମାଧ୍ୟମରେ ପ୍ରକାଶିତ ହେବା ପରେ ବାଙ୍କୀ ଉପଜିଲ୍ଲାପାଳ ରଞ୍ଜନ କୁମାର ଜେନା , ଏନ୍‌.ଏ.ସି କାର୍ଯ୍ୟନିର୍ବହୀ ଅଧିକାରୀ ଡ.ପ୍ରଭୁକଲ୍ୟାଣ ଦାଶ ଓ ବାଙ୍କୀ ଉପଖଣ୍ଡ ଚିକିତ୍ସାଳୟର କନିଷ୍ଠ ମ୍ୟାନେଜର ଉପକାରାଗାରାକୁ ଯାଇ ସସସ୍ତ ଘଟଣା ତଦନ୍ତ କରିବା ସହିତ ସମସ୍ତଙ୍କୁ କୋଭିଡ ପରୀକ୍ଷା କରାଇଥିଲେ । ବାଙ୍କୀ ଉପକାରାଗାରାରେ ୨୬ଜଣ ଅନ୍ତୋବସୀଙ୍କ ମଧ୍ୟରୁ ୧୪ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ବାଙ୍କୀ ଉପକାରାଗାରାର ସମସ୍ତ କର୍ମଚାରୀ ଓ ଅନ୍ତେବାସୀମାନଙ୍କର ଆଣ୍ଟିଜେନ୍ ଓ ଆର୍ଟିପିସିଆର ସ୍ୱାବ୍ ସଂଗ୍ରହ କରାଯାଇଥିଲା । ୧୧ଜଣ କର୍ମଚାରୀଙ୍କ ମଧ୍ୟରୁ ୨ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି ।

ଉପକାରାଗାର ଅଧିକ୍ଷକ ସୁଜିତ୍ କୁମାର ବେହେରା ଏବଂ ତାଙ୍କ ପତ୍ନୀ ଲିଜାରାଣୀ ଦାଶ ଗତ ୧୨ତାରିଖ ଠାରୁ କୋଭିଡ ସଂକ୍ରମିତ ହୋଇଥିବା ବେଳେ ତାଙ୍କର ୬ମାସର ଶିଶୁକନ୍ୟା ତେଜସ୍ୱନୀ ବେହେରାଙ୍କ ରିପୋଟ୍ ନେଗେଟିଭ୍ ଆସିଛି । ଉପଜିଲ୍ଲାପାଳ ସମସ୍ତଙ୍କୁ ପିପିଇ କିଟ୍ , ସାନିଟାଇଜର, ମାସ୍କ୍ ଓ ଗ୍ଲୋବ୍ସ କାରାଗାର ଅଧିକ୍ଷକଙ୍କୁ ପ୍ରଦାନ କରିଛନ୍ତି । କରୋନା ନିୟମକୁ ପାଳନ କରାଯାଇ ସମସ୍ତ କାର୍ଯ୍ୟ କରାଯିବା ପାଇଁ ଉପଜିଲ୍ଲାପାଳ ଶ୍ରୀ ଜେନା ଉପକାରାଗାର ଅଧିକ୍ଷକଙ୍କୁ ପରାମର୍ଶ ଦେଇଛନ୍ତି । ଏହା ସହିତ ଉପକାରାଗାରାକୁ ସମସ୍ତ ପ୍ରକାର କରୋନା ସଂପର୍କୀତ ସୁବିଧା ଯୋଗାଇ ଦେବାକୁ ଉପଜିଲ୍ଲାପାଳ ବାଙ୍କୀ ଏନ୍‌.ଏ.ସି କାର୍ଯ୍ୟ ନର୍ବାହୀ ଅଧିକାରୀ ପରାମର୍ଶ ଦେଇଛନ୍ତି ।(ରିପୋର୍ଟ ଗୌତମ ମିଶ୍ର)