କଟକ ଚାଉଳିଆଗଞ୍ଜ ପୋଲିସ ପକ୍ଷରୁ ୧୮ଟି ଚୋରି ବାଇକ୍ ଜବତ, ତିନି ଯୁବକ ଗିରଫ

ଓଡ଼ିଶା ତାଜା ନ୍ୟୁଜ (୨୯ ଏପ୍ରିଲ ୨୦୨୧, ଗୁରୁବାର) କଟକ :- କମିଶନରେଟ କଟକ ଚାଉଳିଆଗଞ୍ଜ ପୋଲିସ ଗୁରୁବାର ଦିନ ବିଭିନ୍ନ ସ୍ଥାନରୁ, ୧୮ ଟି ଚୋରି ବାଇକ୍ ଜବତ କରିବା ସହ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି । ଗିରଫ ତିନି ଯୁବକ ହେଲେ କେନ୍ଦ୍ରାପଡା ଟାଉନ ଥାନା ଗୁଳଙ୍ଗର ଗ୍ରାମର ପିଣ୍ଟୁ ଆଲିଆସ୍ ଅଭୟ ବାହାଦୁର ୨୬ ବର୍ଷ , ପିଣ୍ଟୁ କେନ୍ଦ୍ରାପଡାରୁ ଆସି କଟକ ଜଗତପୁର ଥାନା ଅନ୍ତର୍ଗତ ବୈକୁଣ୍ଠ ନଗର ଅଞ୍ଚଳରେ ଭଡ଼ାଘର ନେଇ ରହୁଥିଲା । ଅନ୍ୟ ଦୁଇ ଅଭିଯୁକ୍ତ ହେଲେ ଭୁବନେଶ୍ୱର ନନ୍ଦନକାନନ ଥାନା କଲ୍ୟାଣପୁର ଗ୍ରାମର ଦିପୁନା ଆଲିଆସ୍ ଦିପକ ନାଏକ ୨୨ବର୍ଷ ଏବଂ କଟକ ଗୁରୁଡିଝାଟିଆ ଥାନା କୁମାପୁର ଗ୍ରାମର ମୁନା ଆଲିଆସ ମନୋଜ ମଲ୍କିକ ।

ଏମାନେ କଟକ -ଭୁବନେଶ୍ୱର ଅଞ୍ଚଳର, କଟକ ବଡ଼ ଡାକ୍ତରଖାନ ପରିସର ,ପାହାଳ, ବିଡାନାସୀ ଅଞ୍ଚଳରୁ ସୁଯୋଗ ଦେଖି ବାଇକ୍ ଚୋରୀ କରୁଥିଲେ । ବିଶେଷ କରି ହିରୋହୁଣ୍ଡା ଗ୍ଲାମର ବାଇକକୁ ଟାର୍ଗେଟ କରନ୍ତି ବୋଲି ପୋଲିସ ଜେରା ସମୟରେ ପ୍ରକାଶ କରିଥିଲେ । ଚାଉଳିଆଗଞ୍ଜ ପୋଲିସ ବୁଧବାର ରାତି ୭ଟା ସମୟରେ, ଓଏମପି ଛକରେ ଗାଡ଼ି ଚେକିଂ କରୁଥିଲାବେଳେ, ଦୁଇ ଜଣ ଯୁବକ ଏକ ନମ୍ବର ବିହନ ଗ୍ଲାମର ବାଇକରେ ଯାଉଥିବା ଦେଖି, ପୋଲିସ ସେମାନଙ୍କୁ ଅଟକାଇଥିଲା । ଧରାପଡିଥିବା ଦୁଇ ଯୁବକଙ୍କୁ ପୋଲିସ ବାଇକ୍ ର, କାଗଜପତ୍ର ମାଗବାରୁ, ସେମାନେ ପୋଲିସ କୁ ସନ୍ତୋଷ ଜନକ ଉତ୍ତର ଦେଇ ପାରିନଥିଲେ ।

ଏନେଇ ପୋଲିସ ର ସନ୍ଦେହ ହେବା ରୁ ସେମାନଙ୍କୁ ଥାନାକୁ ନେଇ ପଚରାଉଚରା କରିବାରୁ ଏହା ଚୋରୀ ବାଇକ୍ ବୋଲି ପୋଲିସ ନିକଟରେ ମାନିଥିଲେ । ପୋଲିସ ଘଟଣାର ତଦନ୍ତ କରି ପିଣ୍ଟୁ ଆଲିଆସ ଅଭୟ ବାହାଦୁର ରହୂଥିବା ଜଗତପୁର ବୈକୁଣ୍ଠ ନଗର ଭଡ଼ା ଘରୁ ୮ ଟି ଚୋରୀ ବାଇକ୍ ଜବତ କରିଥିଲା ବେଳେ, ନନ୍ଦନକାନନ ଥାନା କଲ୍ୟାଣପୁର ଗ୍ରାମର ଦିପୁନା ଓରଫ ଦିପକ ନାଏକ ଘରୁ ୫ଟି ବାଇକ୍ ଏବଂ ମୁନା ଆଲିଆସ୍ ମନୋଜ ମଲ୍କିକର ରୁଡିଝାଟିଆ କୁମାପୁର ଘରୁ ୪ଟି ଚୋରୀ ବାଇକ୍ ଜବତକରି ଚାଉଳିଆଗଞ୍ଜ ଥାନା କୁ ଆଣି ଥିଲା । ଗିରଫ ତିନି ବାଇକ୍ ଚୋରଙ୍କୁ କୋର୍ଟ ଚାଲାଣ କରାଯାଇଛି । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ) ।