ପିପିଲି ବିଧାନସଭା ଉପନିର୍ବାଚନ ପାଇଁ – ଅଜିତ ମଙ୍ଗରାଜ କଂଗ୍ରେସରୁ ବିଧାୟକ ପ୍ରାର୍ଥୀ

ଓଡ଼ିଶା ତାଜା ନ୍ୟୁଜ୍ (୨୮ ମାର୍ଚ୍ଚ ରବିବାର ) ପିପିଲି :- ବିଜେଡି ଓ ବିଜେପି ପରେ କଂଗ୍ରେସ ପିପିଲି ବିଧାନସଭା ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି । ଅଜିତ ମଙ୍ଗରାଜ କଂଗ୍ରେସରୁ ବିଧାୟକ ପ୍ରାର୍ଥୀ ହୋଇଥିବା ସୂଚନା ରହିଛି । ପୁରୀ ଜିଲ୍ଲା ସଭାପତି ହେଉଛନ୍ତି ଅଜିତ ମଙ୍ଗରାଜ ।

ପୂର୍ବରୁ ପିସିସି ସଭାପତି ନିରଞ୍ଜନ ପଟ୍ଟନାୟକ ତିନି ସମ୍ଭାବ୍ୟ ପ୍ରାର୍ଥୀ ଅଜିତ ମଙ୍ଗରାଜ, ପୂର୍ଣ୍ଣ ସ୍ୱାଇଁ ଓ ନିଶିକାନ୍ତ ମିଶ୍ରଙ୍କ ନାଁ ଘୋଷଣା କରିଥିଲେ । ପରେ ଏଆଇସିସି ଅଜିତ ମଙ୍ଗରାଜଙ୍କ ନାଁରେ ମୋହର ମାରିଥିବା ଜଣାପଡ଼ିଛି ।

ଅଜିତଙ୍କ ପ୍ରଚରା ପାଇଁ କେନ୍ଦ୍ର ଓ ରାଜ୍ୟରୁ ୩୦ ଜଣିଆ ଷ୍ଟାର୍ ପ୍ରଚାରକ ତାଲିକା ପ୍ରସ୍ତୁତ କରାଯାଇଥିବା ସୂଚନା ରହିଛି । ୨୦୧୯ ବିଧାନସଭା ନିର୍ବାଚନରେ ପିପିଲିରୁ ଅଜିତ ମଙ୍ଗରାଜ ପ୍ରାର୍ଥୀ ହୋଇଥିଲେ । (ରିପୋର୍ଟ /ଭଞ୍ଜ ବିହାରୀ ମହାନ୍ତି )