No Result
View All Result
ଓଡ଼ିଶା ତାଜା ନ୍ୟୁଜ (୨୬ ମାର୍ଚ୍ଚ ଶୁକ୍ରବାର) ଦଶପଲ୍ଲା :- ନବମ ଶ୍ରେଣୀରେ ପଢ଼ୁଥିବା ଛାତ୍ରୀ ହେଲେ ଗର୍ଭବତୀ । ନାବାଳିକା ଛାତ୍ରୀଙ୍କୁ ବିବାହର ପ୍ରତିଶ୍ରୁତି ଦେଇ ଗର୍ଭବତୀ କରାଇଲେ ଯୁବକ । ଦଶପଲ୍ଲା ବାଣିଗୋଛା ଥାନା ଅଞ୍ଚଳରେ ଘଟିଛି ଏଭଳି ଲଜ୍ୟାଜନକ ଘଟଣା । ସରଳତାର ସୁଯୋଗ ନେଇ ନବମ ଶ୍ରେଣୀ ଛାତ୍ରୀକୁ ଗର୍ଭବତି କରିଥିବା ଅଭିଯୋଗ ହୋଇଛି । ଅଭିଯୋଗ ଅନୁଯାୟୀ ନାବାଳିକା ଛାତ୍ରୀ ଜଣଙ୍କ ଗଣିଆ ବ୍ଳକର ଏକ ଆଶ୍ରମ ବିଦ୍ୟାଳୟରେ ନବମ ଶ୍ରେଣୀରେ ପଢ଼ନ୍ତି ।
ଗତବର୍ଷ ଲକ୍ଡାଉନ ଯୋଗୁଁ ସ୍କୁଲ ବନ୍ଦ ହେବା ପରେ ସେ ନିଜ ଗାଁରେ ରହୁଥିଲେ । ନାବାଳିକା ଛାତ୍ରୀ ଜଣଙ୍କର ସରଳତାର ସୁଯୋଗ ନେଇ ସେହି ଗାଁର ବୁଲୁ ମଲ୍ଲିକ ବିବାହ ର ଲୋଭ ଦେଖାଇ ଶାରୀରିକ ସମ୍ପର୍କ ରଖି ବାରମ୍ବାର ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏପରି ନାବାଳିକା ଛାତ୍ରୀ ଜଣଙ୍କ ଏବେ ୭ ମାସର ଗର୍ଭବତୀ ଥିବା ଜଣାପଡ଼ିଛି ।
ଛାତ୍ରୀଙ୍କ ଠାରୁ ସ୍କୁଲ କତ୍ତୃପକ୍ଷ ଏଭଳି ଘଟଣା ଜାଣିବା ପରେ ତୁରନ୍ତ ଜିଲ୍ଲାପାଳଙ୍କୁ ଜଣାଇଥିବା କହିଛନ୍ତି ଜିଲ୍ଲା ମଙ୍ଗଳ ଅଧିକାରୀ । ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ନାବାଳିକା ଛାତ୍ରୀର ସ୍ବାସ୍ଥ୍ୟ ପରୀକ୍ଷା କରାଯାଛି । ସେପଟେ ଥାନାରେ ଅଭିଯୋଗ ପରେ ବୁଲୁ ମଲ୍ଲିକ ଫେରାର ରହିଛି । ତେବେ ତାକୁ ଖୁବଶୀଘ୍ର ଗିରଫ କରାଯିବ ବୋଲି SP କହିଛନ୍ତି ।
No Result
View All Result
