ଯାଜପୁରକୁ ଅନୁଗୁଳରୁ ପ୍ରେମିକାକୁ ଦେଖା କରିବାକୁ : ବାବା ବେଶରେ ଯାଇଥିଲେ ପ୍ରେମିକ

ଓଡ଼ିଶା ତାଜା ନ୍ୟୁଜ (୧ ଫେବୃଆରୀ, ସୋମବାର ) ଯାଜପୁର :- ପ୍ରେମିକାଙ୍କ ମା’ଙ୍କୁ ମନାଇବା ପାଇଁ ପ୍ରେମିକ ଆପଣାଇଥିଲେ ନୂଆ ଉପାୟ । କିନ୍ତୁ ସବୁ ଭଣ୍ଡୁର ହୋଇଗଲା । ବାବା ବେଶରେ ପ୍ରେମିକାକୁ ଭେଟିବାକୁ ଆସି ଫସିଗଲା ପ୍ରେମିକ । ଏପରିକି ପିଲା ଚୋର ଭାବି ଧରି ପକାଇଲେ ଲୋକେ । ସବୁଠୁ ବଡ଼ କଥା ହେଳେ ବାବାଙ୍କ ବୟସକୁ ଦାଢ଼ି ଜଟ ମ୍ୟାଚ୍‌ କରୁନଥିଲା । କିଛିଲୋକ ଯୁବକ ଜଣକୁ କାବୁ କରି ପଚରାଉଚରା କରିବା ପରେ ସେ କିଛି କହିନଥିଲେ । ଯାହାଫଳରେ କିଛି ଲୋକ ସନ୍ଦେହ କରି ଦାଢ଼ି ଟାଣି ଦେଇଥିବାରୁ ବାବାଙ୍କ ଭାଣ୍ଡାମୀ ଧରାପଡ଼ି ଯାଇଥିଲା । ପ୍ରେମିକ ବାବା ଜଣକ ହେଉଛନ୍ତି ଅନୁଗୁଳର ଜଣେ କଲେଜ ଛାତ୍ର । ସେ ନିଜ ପ୍ରେମିକାକୁ ଭେଟିବାକୁ ଆସି ଯାଜପୁର ରୋଡ ଫେରୋକ୍ରୋମ ଗେଟ୍‌ କରୋନୀକୁ ଆସି ହଟହଟା ହୋଇଛନ୍ତି । ସୂଚନାଯେଗ୍ୟ, ଅନୁଗୁଳର ଏକ କଲେଜରେ ଯୁକ୍ତ ୨ ପାଠ ପଢ଼ୁଥିବା ଜଣେ ଛାତ୍ର ବାବା ବେଶ ଧାରଣା କରି ତାଙ୍କ ପ୍ରେମିକାକୁ ଦେଖା କରିବାକୁ ଯାଜପୁର ରୋଡ଼ ଆସିଥିଲେ । ତାଙ୍କ ଚାଲି ଚଳନ, ହାବଭାବ ଦେଖି କିଛି ଲୋକ ସନ୍ଦେହ କରିଥିଲେ ।

ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ବାବାଙ୍କୁ ଅଟକାଇବାକୁ ଚେଷ୍ଟା କରିଥିଲେ । ହେଲେ ବାବା ନଅଟକିବାରୁ ସେ ତାଙ୍କ ହାତ ଧରିପକାଇଥିଲେ । ବାବା ତମେ କୋଉଠୁ ଆସିଛ ବୋଲି ପଚାରିଥିଲେ। ବାବା କହିଥିଲେ ହିମାଳୟରୁ ଆସିଛନ୍ତି । ବାବାଙ୍କ ବୟସ ଓ ତାଙ୍କ ଚୁଟି, ଦାଢ଼ି ଦେଖି ବ୍ୟକ୍ତିଜଣଙ୍କ ସନ୍ଦେହ ହୋଇଥିଲା । ବାବାଙ୍କ ଦାଢ଼ି ଟାଣିଦେବାରୁ ଖସି ଯାଇଥିଲା ନକଲି ଦାଢ଼ି । ଚାହୁଁ ଚାହୁଁ ଘଟଣାସ୍ଥଳରେ ଲୋକଙ୍କ ଭିଡ଼ ଜମିଗଲା । ପିଲାଚୋର ଭାବି ପୁଲିସକୁ ଡାକିଥିଲେ ସ୍ଥାନୀୟ ଲୋକେ । ପୁଲିସ୍‌ ଖବର ପାଇ ବାବା ସାଜିଥିବା ଛାତ୍ରଙ୍କୁ ଉଠାଇନେଇଥିଲେ । ପୁଲିସ୍‌ ଯୁବକ ଜଣକୁ ଅଧିକା ପଚରାଉଚରା କରିବା ପରେ ଜଣା ପଡ଼ିଥିଲା ଯେ, ପ୍ରେମିକାଙ୍କ ପରିବାର ଲୋକେ ସେମାନଙ୍କ ପ୍ରେମ ସମ୍ପର୍କକୁ ସ୍ବୀକାର କରୁନଥିଲେ । ତେଣୁ ଛାତ୍ର ଜଣକ ଏମିତି ବାବା ବେଶରେ ତାଙ୍କ ଘରକୁ ଯାଉଥିଲଲେ । (ଦୀପ୍ତିମାନ ପତି/ଯାଜପୁର)