ମହିଳାଙ୍କ ବେକରୁ ସୁନାଚେନ୍ ଲୁଟ ଘଟଣା ସୁନାଚେନ ଜବତ, ଜଣେ ଗିରଫ- ସହଯୋଗୀ ଫେରାର

ଓଡ଼ିଶା ତାଜା ନ୍ୟୁଜ (୩୦ ଜାନୁଆରୀ ଶନିବାର )ହିଞ୍ଜିଳିକାଟୁ :- ଗତ ଡ଼ିସେମ୍ବର ୨୬ ତାରିଖ ସକାଳେ ହିଞ୍ଜିଳିକାଟୁ ପୌରାଂଚଳ ବଇଁଚବଣିଆ ଟିଭିଏସ ସୋ ରୁମ ନିକଟରୁ ଜଣେ ବୃଦ୍ଧାଙ୍କୁ ମାଡ଼ ମାରି ୨ ଜଣ ଦୁବୃର୍ତ ମହିଳାଙ୍କ ବେକରୁ ପ୍ରାୟ ୩ଭରି ଓଜନର ସୁନା ଚେନ ଝାମ୍ପିନେଇ ଘଟଣା ସ୍ଥଳରୁ ଫେରାର ହେବାରେ ସକ୍ଷମ ହୋଇଥିଲେ । ସଂପୃକ୍ତ ଘଟଣାରେ ହିଞ୍ଜିଳି ପୁଲିସ ଶୁକ୍ରବାର ସନ୍ଧ୍ୟାରେ ଜଣେ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଥିବା ବେଳେ ଅନ୍ୟ ଜଣେ ବର୍ତମାନ ସୁଦ୍ଧା ଫେରାର ଥିବା ଜଣାପଡ଼ିଛି । ଗିରଫ ଜଣକ ବ୍ରହ୍ମପୁର ସଦର ଥାନା ଆଙ୍କଶପୁର ଗ୍ରାମର ଶିବ ମହାନ୍ତି (୩୫) । ପ୍ରକାଶ ଯେ, ୨୦୨୦ ଡ଼ିସେମ୍ବର ୨୬ ତାରିଖ ସକାଳ ପ୍ରାୟ ୧୧ ଘଂଟା ସମୟରେ ଶେରଗଡ଼ ଥାନା ଶେରାଙ୍କୁଡ଼ା ଗ୍ରାମର ବୃଦ୍ଧା ବାସନ୍ତି ସାହୁ (୭୨) ଭାଇ ଭଗବାନ ପାଣିଗ୍ରାହୀଙ୍କ ଘର ହିଞ୍ଜିଳିକାଟୁ ପୌରାଂଚଳ ବଇଁଚବଣିଆକୁ ଆସିଥିଲେ । ସ୍ଥାନୀୟ ପୌରାଂଚଳ ଶ୍ରୀକ୍ଷେତ୍ର ମାର୍ଗ ନିକଟରେ ନିର୍ମାଣଧିନ ଘର ବୁଲି ଦେଖିବା ପରେ ବୃଦ୍ଧା ଜଣକ ଗ୍ରାମକୁ ଫେରିବା ପାଇଁ ଚାଲି ଚାଲି ବଇଁଚବଣିଆ ଛକକୁ ଆସୁଥିବା ବେଳେ ଏକ ବଜାଜ ପଲସର ବାଇକ ଯୋଗେ ୨ ଦୁବୃର୍ତ ଆସି ବୃଦ୍ଧାଙ୍କୁ ମାଡ଼ ମାରିବା ସହ ପିନ୍ଧିଥିବା ପ୍ରାୟ ୩ଭରି ଓଜନର ସୁନାଚେନକୁ ଝାମ୍ପି ନେଇ ଘଟଣା ସ୍ଥଳରୁ ଫେରାର ହେବାରେ ସକ୍ଷମ ହୋଇଥିଲେ ।

ଖବର ପାଇ ହିଞ୍ଜିଳି ପୁଲିସ ଘଟଣା ସ୍ଥଳରେ ପଂହଚି ନିକଟସ୍ଥ ଅଂଚଳର ସିସିଟିଭ ଫୁଟେଜ୍‌କୁ ଯାଂଚ କରିଥିଲା । ଏ ନେଇ ବୃଦ୍ଧା ଜଣକ ହିଞ୍ଜିଳି ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଭିତିରେ ହିଞ୍ଜିଳି ଥାନା କେଶ ନଂ- ୪୬୧/୨୦ରେ ଏକ ମାମଲା ରୁଜୁ କରି ପୁଲିସ ଘଟଣାର ତଦନ୍ତ ଚଳାଇଥିଲା । ୨୩ ତାରିଖ ସକାଳେ ବାଲୁଗାଁ ଥାନା ଚିଲିକା ଢାବା ହୋଟେଲ ନିକଟରେ ଦୁଇ ଦୁବୃର୍ତ ମୋଟର ସାଇକେଲ ଯୋଗେ ଆସି ଜୈନିକା ମହିଳାଙ୍କ ବେକରୁ ସୁନା ଚେନ ଝାମ୍ପିନେବାକୁ ଉଦ୍ୟମ କରୁଥିବା ବେଳେ ସ୍ଥାନୀୟ ଲୋକେ ଜଣେ ଦୁବୃର୍ତଙ୍କୁ କାବୁ କରି ସ୍ଥାନୀୟ ଥାନାରେ ଜିମା ଦେଇଥିବା ବେଳେ ଅନ୍ୟ ଜଣେ ଘଟଣା ସ୍ଥଳରୁ ଫେରାର ହେବାରେ ସକ୍ଷମ ହୋଇଥିଲା ତଦନ୍ତ ସମୟରେ ଦୁବୃର୍ତ ଜଣକ ସମସ୍ତ ଛିନତାଇ ଘଟଣା ବିଷୟରେ ପ୍ରକାଶ କରିବା ସହ ୨୬ ଡ଼ିସେମ୍ବର ୨୦୨୦ରେ ହିଞ୍ଜିଳିକାଟୁ ଅଂଚଳରେ ଛିନତାଇ ଘଟଣାରେ ସଂପୃକ୍ତି ଥିବା ବାଲୁଗାଁ ପୁଲିସ ସମ୍ମୁଖରେ କହିଥିଲେ । ବାଲୁଗାଁ ପୁଲିସ ହିଞ୍ଜିଳି ପୁଲିସ ସହ ଯୋଗଯୋଗ କରିବା ପରେ ହିଞ୍ଜିଳି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ୍ ବାଲୁଗାଁ ପୁଲିସ ଥାନାରେ ପଂହଚି ଅଟକ ଅଭିଯୁକ୍ତଙ୍କୁ ହିଞ୍ଜିଳି ଥାନାକୁ ଆଣିଥିଲା । ଗିରଫ ଅଭିଯୁକ୍ତ ହିଞ୍ଜିଳିକାଟୁ ଅଂଚଳରେ ଘଟିଥିବା ଛିନତାଇ ଘଟଣାରେ ସଂପୃକ୍ତି ଥିବା ନେଇ ପୁଲିସ ସମ୍ମୁଖରେ ସ୍ୱୀକାର କରିଥିଲେ । ଶନିବାର ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ହିଞ୍ଜିଳି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସଙ୍କ ସୁତ୍ରରୁ ପ୍ରକାଶ ।  ( ରିପୋର୍ଟ ଶୁସାନ୍ତ ପ୍ରଧାନ )