ବିଜେଡିର କାର୍ଯ୍ୟକାରିଣୀ ବୈଠକ ପରେ : ଦଳର ରାଜ୍ୟ ପରିଷଦ ବୈଠକ ବସିଛି ।

ଓଡ଼ିଶା ତାଜା ନ୍ୟୁଜ (୨୧ ଡିସେମ୍ବର ସୋମବାର )ଭୁବନେଶ୍ୱର :- ବିଜୁ ଯୁବ ଜନତା ଦଳର ରାଜ୍ୟ କାର୍ଯ୍ୟକାରିଣୀ ଓ ବିଜେଡିର କାର୍ଯ୍ୟକାରିଣୀ ବୈଠକ ପରେ ସୋମବାର ଦଳର ରାଜ୍ୟ ପରିଷଦ ବୈଠକ ବସିଛି । ବିଜେଡି ସୁପ୍ରିମୋ ନବୀନ ପଟ୍ଟନାୟକ ଏଥିରେ ଅଧ୍ୟକ୍ଷତା କରୁଛନ୍ତି । ଆଜି ଦିନ ତମାମ ଏହି ବୈଠକ ବସିବ ।

ତେବେ ଏହି ଅବସରରେ ଦଳକୁ ଏବଂ ସରକାରରୁ କିପରି ଅଧିକ ସଙ୍ଗଠିତ ଓ ସୃଦୃଢ଼ କରାଯିବ ସେନେଇ ପରିଷଦର ସଦସ୍ୟଙ୍କଠାରୁ ମତାମତ ମଗାଯାଇଛି ।ସଦସ୍ୟମାନେ ଆଜି ସନ୍ଧ୍ୟା ସୁଦ୍ଧା ସେମାନଙ୍କ ମତାମତକୁ ଗୋଟିଏ କାଗଜରେ ଲେଖି ଏହାକୁ ବାକ୍ସରେ ପକାଇବେ ।

ଏହାକୁ ଦେଖିବା ପରେ ସଙ୍ଗଠନକୁ ମଜଭୁତ୍ କରିବାକୁ ଆବଶ୍ୟକୀୟ ପଦକ୍ଷେପ ନିଆଯିବ ବୋଲି କୁହାଯାଇଛି। ସୋମବାର ବିଜେଡିର ଏହି ରାଜ୍ୟ ପରିଷଦର ବୈଠକରେ ଦଳର ସମସ୍ତ ବିଧାୟକ, ସାଂସଦ, ବରିଷ୍ଠ ନେତାଙ୍କ ସହ ଅନେକ କର୍ମୀମାନେ ଯୋଗଦେଇଛନ୍ତି । ବିଜେଡି ସଭାପତି ନବୀନ ପଟ୍ଟନାୟକ ଭର୍ଚୁଆଲ୍ ମାଧ୍ୟମରେ ଏହି ବୈଠକ ସହ ଯୋଡ଼ି ହୋଇଥିଲେ ।