ହିଞ୍ଜିଳିକାଟୁରେ ଆରମ୍ଭ ହେଲା ମୋ ୱାର୍ଡ ଅଭିଯାନ

ଓଡ଼ିଶା ତାଜା ନ୍ୟୁଜ୍ (୨୬ ନଭେମ୍ବର ଗୁରୁବାର ) ହିଞ୍ଜିଳିକାଟୁ  : – ରାଜ୍ୟ ମୁଖିଆଙ୍କ ଗଡ ହିଞ୍ଜିଳିକାଟୁ ପୈାରାଞ୍ଚଳରେ ଆରମ୍ଭ ହେଲା ମୋ ୱାର୍ଡ ଅଭିଯାନ । ପୈାରାଞ୍ଚଳର ୨୧ ଟି ୱାର୍ଡ ରେ ଏହି ଅଭିଯାନ କାର୍ଯ୍ୟକ୍ଷମ କରାଯିବ । ମଙ୍ଗଳବାର ସ୍ଥାନୀୟ ପୈାରାଞ୍ଚଳର ୨ନମ୍ବର ଓ୍ବାର୍ଡରେ ପୈାର ପରିଷଦର କାର୍ଯ୍ୟ ନିର୍ବାହୀ ଅଧିକାରୀ ଡ଼ଃ ମନୋରଞ୍ଜନ ସାହୁଙ୍କ ତତ୍ବାବଧାନରେ ଆୟୋଜିତ କାର୍ଯ୍ୟକ୍ରମକୁ ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ମୁଖ୍ୟ ଅତିଥି ଭାବେ ଯୋଗଦେଇ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ନିଜ ନିଜ ୱାର୍ଡ ର ଉନ୍ନତିକରଣ ଦିଗରେ ଜନସାଧାରଣ ସମ୍ପୁର୍ଣ୍ଣ ସହ ଯୋଗ କରିବା ଦରକାର । ଏଣୁ ଏଥିରେ ୱାର୍ଡ ବାସିନ୍ଦାଙ୍କ ଭାଗିଦାରୀ ଅତ୍ୟନ୍ତ ଗୁରୁତ୍ୱପୁର୍ଣ୍ଣ ବୋଲି ମୁଖ୍ୟ ଅତିଥି ତଥା ଜିଲ୍ଲାପାଳ କୁଲାଙ୍ଗେ କହିଥିଲେ ।

ଅନୁରୂପ ଭାବେ ବୁଧବାର ସନ୍ଧ୍ୟାରେ ୫ନଂ ୱାର୍ଡ ର ମୋ ୱାର୍ଡ ଅଭିଯାନ କାର୍ଯ୍ୟକ୍ରମ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ପରିସରରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମୁଖ୍ୟମନ୍ତ୍ରୀଙ୍କ ଡିଆରଡିଏ ପ୍ରତିନିଧି ଶରତ ଚନ୍ଦ୍ର ମହାପାତ୍ର ଯୋଗଦେଇ ସଂପୃକ୍ତ ୱାର୍ଡ ର ବିଭିନ୍ନ ସମସ୍ୟା ସଂପର୍କରେ ଆଲୋଚନା କରି ଏହାର ନିରାକରଣ କିଭଳି ହୋଇପାରିବ ସେ ସଂପର୍କରେ ମତବ୍ୟକ୍ତ କରିଥିଲେ ।

ମୁଖ୍ୟତଃ ପରିମଳ ବ୍ୟବସ୍ଥାର ଉନ୍ନତି, ପାନୀୟଜଳ,ଡଷ୍ଟବିନ୍ ବ୍ୟବହାର କରିବା ,ଷ୍ଟ୍ରିଟ ଲାଇଟ ,ବୃକ୍ଷରୋପଣ ଓ ଅନ୍ୟାନ୍ୟ ୱାର୍ଡ ସମସ୍ୟା ସଂପର୍କରେ ଆଲୋଚନା କରାଯାଇଥିଲା । ଏଥିରେ ପୂର୍ବତନ ରାଜ୍ୟ ବିଜେପି ଉପସଭାପତି ଦେବାନନ୍ଦ ମହାପାତ୍ର, ପୂର୍ବତନ ଅଧ୍ୟକ୍ଷା କସ୍ତୁରୀ ସେଠି, ନକୁଳ ସେଠି, ଦ୍ବିତୀକୃଷ୍ଣ ସାବତ, କାଶିନାଥ ଦାଶ, ରଶ୍ମିତା ସେନାପତି, ପ୍ରଦିପ ପଣ୍ଡା, ଶଙ୍କର ଗଉଡଙ୍କ ସମେତ ସଂପୃକ୍ତ ସାହିର ବହୁ ଜନସାଧାରଣ ଉପସ୍ଥିତ ଥିଲେ ।     (ରିପୋର୍ଟ ଶୁସାନ୍ତ ପ୍ରଧାନ ହିଞ୍ଜିଳିକାଟୁ)