କାହ୍ନୁ ର ଗୋଟିଏ ପରେ ଗୋଟିଏ ଲୁଟ୍ ଟଙ୍କା ଜବତ , ଏବେ ସୁଦ୍ଧା ୬ ଲକ୍ଷ କୁ ବୃଦ୍ଧି

ଖୁବଶୀଘ୍ର ପୋଲିସ ହାତରେ ଧରାପଡ଼ିବେ ପୂର୍ବତନ ଆଇଆଇସି ଗିରିଜା ଶଙ୍କର ରଥ । ଦୁଇଟି ସ୍ପେଶାଲ ଟିମ୍ ଙ୍କ ନଜର ଏବେ ଗିରିଜା ଙ୍କ ଉପରେ : ଗିରିଜା ଙ୍କୁ ଚାଲିଛି ଖୋଜା

ଓଡ଼ିଶା ତାଜା ନ୍ୟୁଜ (୨୩ ନଭେମ୍ବର ସୋମବାର) ଚାନ୍ଦପୁର :- କୁଖ୍ୟାତ ଲୁଟେରା କାହ୍ନୁ ଙ୍କ ବେନାମୀ କମ୍ପାନୀ ରୁ ଏକ ଲକ୍ଷ ଟଙ୍କା ଜବତ କରିଛନ୍ତି ଚାନ୍ଦପୁର ପୋଲିସ । ପୁର୍ବରୁ ମଦ ,ବେଆଇନ ଖଣି ରେ ବିନିଯୋଗ କରିଥିବା ପାଞ୍ଚ ଲକ୍ଷ ଟଙ୍କା ଜବତ କରିଥିଲେ ଚାନ୍ଦପୁର ଥାନା ଅଧିକାରୀ । ବିଶେଷ ସୂତ୍ର ରୁ ପ୍ରକାଶ କି ଗତ କାଲି ରାତ୍ରି ରେ ଚାନ୍ଦପୁର ପୋଲିସ ର ଦୁଇଟି ଟିମ୍ ଅଚାନକ ଚଢଉ କରିଥିବା ବେଳେ ସମ୍ପୃକ୍ତ ପୂର୍ବତନ ଆଇଆଇସି ଗିରିଜା ରଥ କୁ ଧରିବାକୁ ପ୍ରୟାସ କରିଥିଲେ ଫଳତଃ ଉକ୍ତ ଅଭିଯୁକ୍ତ ପୋଲିସ ଠାରୁ ଖସି ପଳାଇ ଯିବାରେ ସକ୍ଷମ ହୋଇଥିଲେ ।

ପୋଲିସ ର ଦୁଇଟି ସ୍ପେଶାଲ ଟିମ ଦିନରାତି ଅଭିଯୁକ୍ତ ଙ୍କୁ ଖୋଜାଖୋଜି ଜାରି ରଖିଛନ୍ତି । ଏବେ ସୁଦ୍ଧା ପୋଲିସ ହାତରେ ଲାଗିଛି କାହ୍ନୁ ଲୁଟ୍ ର ୬ ଲକ୍ଷ ଟଙ୍କା , ଏପରିକି କାହ୍ନୁ ର ବେଆଇନ ଆୟ ବହୁଳ ଲକ୍ଷାଧିକ ଟଙ୍କାର ମଦ ଦୋକାନ ,କମ୍ପାନୀ, ଖଣି ରେ ବିନିଯୋଗ କରିଥିବା ଟଙ୍କା କୁ ଜବତ କରିବାକୁ ଚେଷ୍ଟା ଚଳାଇଛନ୍ତି ପୋଲିସ । ପୁର୍ବରୁ ଜଣେ ଜୈନିକ ମହିଳା ନ୍ୟାୟ ପାଇବାରୁ ୬ ମାସ ହେଲା ବଞ୍ଚିତ ହେଉଥିବାରୁ ତାଙ୍କୁ ଡରାଇ ଧମକାଇ ତାଙ୍କ ଠାରୁ ଟଙ୍କା ନେଇ କାହ୍ନୁ ଓ ସହଯୋଗୀ ଦିଲ୍ଲୀପ ପରସ୍ପର ମଧ୍ୟରେ ଭାଗ ବଣ୍ଟା କରିଥିଲେ ।

ମହିଳା ଙ୍କ ଆଭିଯୋଗ କୁ ଆଧାର କରି ସର୍ଚ୍ଚ ୱାରେଣ୍ଟ ଜାରି କରାଯାଇ ତାହା ଅନୁସାରେ ଦିଲ୍ଲୀପ ରଣ ହନ୍ଦାଳ ଙ୍କୁ ଗିରଫ କରିଛନ୍ତି ପୋଲିସ ଏବଂ ତାଙ୍କ ଠାରୁ ଏକ ଲକ୍ଷ ଟଙ୍କା ଆଦାୟ ହୋଈଛି । ଗୋଟିଏ ପରେ ଗୋଟିଏ କାହ୍ନୁ ବେଆଇନ ଆଦାୟ କରିଥିବା ଟଙ୍କା କୁ ଜବତ କରିବାରେ ଲାଗିଛନ୍ତି ପୋଲିସ ଏବଂ ଚାନ୍ଦପୁର ପୋଲିସ ଅନ୍ୟ ମୁଦଲା ମାନଙ୍କୁ ଖୁବଶୀଘ୍ର ଧରିବାରେ ସଫଳ ହେବ ବୋଲି ପ୍ରୟାସ ଚଳାଇଛି ।