ସାକ୍ଷରତା ଅଭିଯାନ ଉପରେ ଆଧାରିତ ନାଟକ ଆଏଁକ୍ ଥାଉ ଥାଉ କଣା ଉନ୍ମୋଚିତ।

ଓଡ଼ିଶା ତାଜା ନ୍ୟୁଜ(୧୪ ନଭେମ୍ବର ଶନିବାର) କଳାହାଣ୍ଡି  : –  ପବିତ୍ର ଦିପାବଳୀ ଅବସରରେ ନର୍ଲା ବ୍ଳକ ଅନ୍ତର୍ଗତ ଲମସିଂହା ବାପୁଜୀ ୟଙ୍ଗ କ୍ଲବ ଆନୁକୂଲ୍ୟରେ ଆଏଁକ୍ ଥାଉ ଥାଉ କଣା ପୁସ୍ତକ ଉନ୍ମୋଚିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ସମାଜସେବୀ ମନୋଜ କୁମାର ପଟ୍ଟନାୟକ, ମୁଖ୍ୟ ବକ୍ତା ରୂପେ ନର୍ଲା ସମାଜ ଖବରକାଗଜ ପ୍ରତିନିଧି ମନୋଜ ଷଡ଼ଙ୍ଗୀ,ବରିଷ୍ଠ ଶିକ୍ଷାପ୍ରେମୀ ତଥା ବଂଶୀବାଦକ ବିଶେଶ୍ଵର ପଧାନ, ପୂର୍ବତନ ନର୍ଲା ବ୍ଳକ ଅଧ୍ୟକ୍ଷ ନୀଳମଣି ସାହୁଙ୍କ ଉପସ୍ଥିତରେ ପୁସ୍ତକଟି ଉନ୍ମୋଚିତ ହୋଇଛି ।

ସାକ୍ଷରତା ଅଭିଯାନ ଉପରେ ଆଧାରିତ ନାଟକଟିକୁ କନ୍ଧ ସଂସ୍କୃତିର ଗବେଷକ ମେଦିନୀଧର ଜାନି ରଚନା କରିଛନ୍ତି। ଉକ୍ତ ନାଟକଟି ୧୯୯୩ ମସିହାରେ ଲମସିଂହାର ତରୁଣ କଳାକାରଙ୍କୁ ନେଇ ମଞ୍ଚସ୍ଥ ହୋଇଥିଲା ଏବଂ ସେହି ସମୟରେ ନାଟକଟି ବେଶ ଲୋକପ୍ରିୟ ହୋଇଥିଲା ।

ଉନ୍ମୋଚନ ଉତ୍ସବରେ ଅନ୍ୟମାନଙ୍କ ମଧ୍ୟରେ ଶତାବ୍ଦୀ ପୁରୁଷ ଧନେଶ୍ଵର ପଧାନ , ନିତ୍ୟାନନ୍ଦ ପଧାନ, ଅବସରପ୍ରାପ୍ତ ଶିକ୍ଷକ ଭଗବାନ ପଧାନ,କବି କୁମୁଦ ନାଏକ,ଦେଶରାଜ ଗଡତିଆ,ଚତୃଭୂଜ ସାହୁ,ବ୍ୟଙ୍ଗ କଳାକାର ଓମପ୍ରକାଶ ମାଝୀ, ଉମାଶଙ୍କର ପଧାନ,ଗଗନ ବିହାରୀ ସା ପ୍ରମୁଖ ଯୋଗଦାନ କରି ନାଟ୍ୟକାର ଶ୍ରୀ ଜାନୀଙ୍କ ଆନ୍ତରିକ ଉଦ୍ୟମକୁ ପ୍ରଶଂସା କରିଥିଲେ। ପୁସ୍ତକଟିକୁ କବି କୁଳମଣି ସାହୁଙ୍କ ଦ୍ଵାରା ପରିଚାଳିତ କୁଳଦୀପ ପବ୍ଳିକେଶନରେ ପ୍ରକାଶନ ହୋଇ ପ୍ରଚାର ପ୍ରସାର କରାଯାଇଛି। ଉତ୍ସବରେ ପୁଣି କୋଭିଡ ୧୯ ନିୟମକୁ ପାଳନ ପୂର୍ବକ ମାସ୍କ ବଣ୍ଟନ କରାଯାଇଛି। ଶେଷରେ ସୁନାମଧନ୍ୟ ଉଦଘୋଷକ ଯାଜ୍ଞସେନ ପଧାନ ଧନ୍ୟବାଦ ଅର୍ପଣ କରିଥିଲେ।      (ରିପୋର୍ଟ ପ୍ରଦୀପ କୁମାର ଗଉଡ)