ଓଡ଼ିଶା ତାଜା ନ୍ୟୁଜ (୨୫ ଅକ୍ଟୋବର ରବିବାର) ବାଲେଶ୍ୱର :– ସବୁଠୁ ଚର୍ଚିତ ଥିବା ବାଲେଶ୍ୱର ସଦର ଉପ ନିର୍ବାଚନ ରେ ଅକସ୍ମାତ ଧସେଇ ପଶିଛି ବେଣୁ ମଉସା ଙ୍କ ଲୋକପ୍ରିୟତା I ବିନା ଅର୍ଥ ,ଲୋକବଳ ରେ ବିଧାୟକ ପ୍ରାଥୀ ପାଇଁ ନିର୍ବାଚନ ପ୍ରଚାର ପ୍ରସାର କରୁଥିବା ବେଣୁ ବାରିକ ହଠାତ ବାଲେଶ୍ୱର ରାଜନୀତି ରେ ନୂଆ ଚେହେରା ଭାବେ ଉଭା ହେଇଛନ୍ତି I ଚାରିଦିନ ତଳେ ଅଚିନ୍ହା ଥିବା ବେଣୁ ବାରିକ ଏବେ ଦେଉଛନ୍ତି ଟକ୍କର I ବହୁ ଚର୍ଚିତ ଅଭିନେତ୍ରୀ ରାଣୀ ପଣ୍ଡା ଜୋରଦାର ପ୍ରଚାର କରି ଫେରିଯାଇଥିବା ବେଳେ ବେଣୁ ଙ୍କ ପାଇଁ ଖଚାଖଚ ଭିଡ଼ ହେଇଥିଲା I ଏମିତିରେ ଦେଖିବାକୁ ଗଲେ ଏବେ ବେଣୁ ଙ୍କ ପ୍ରତି ଅନୁକମ୍ପା ମୂଳକ ଭୋଟ ଇସାରା କରୁଛି I
ବାଲେଶ୍ୱର ସଦର ର ବୁଦ୍ଧିଜୀବୀ ବେଣୁ ଙ୍କୁ ଥରେ ସୁଯୋଗ ଦିଆଯିବା ଉଚିତ ବୋଲି ସ୍ୱର ଉଠେଇଲେଣି I ତେବେ ମୋଟାମୋଟି କହିବାକୁ ଗଲେ ବେଣୁ ଙ୍କ ଏ ଲୋକପ୍ରିୟତା ବିଶେଷ କରି ବିଜେପି ର ମାନସ ଙ୍କ ପାଇଁ ଅଡୁଆ ସାବ୍ୟସ୍ତ ହେଇପାରେ I ମଦନ ଙ୍କ ଦେହାନ୍ତ ପରେ ଅନୁକମ୍ପା ମୂଳକ ଭୋଟ ମାନସ ଙ୍କ ପ୍ରତି ରହିବା ସ୍ୱାଭାବିକ ,ପ୍ରାଥମିକ ଆକଳନ ଅନୁଯାୟୀ ବିଜେପି ମାନସ ବିଜେଡି ଠାରୁ ବହୁତ ଆଗରେ ଥିଲେ I ବିଜେଡି ରେ ଅନ୍ତଃକନ୍ଦଳ ଚାଲିଥିବା ବେଳେ ବ୍ୟାକ ଫୁଟ ରେ ବିଜେଡି ଏବଂ ଆଗରେ ରହିଥିଲା ବିଜେପି I କିନ୍ତୁ ଏବେ ସ୍ଥିତି ଧୀରେ ଧୀରେ ବଦଳିଗଲାଣି I ପୂର୍ବଥର ବିଜେଡି ପ୍ରାଥୀ ଜୀବନ ପ୍ରଦୀପ 61409 ଭୋଟ ପାଇଥିବା ବେଳେ ବିଜେପି ମଦନ ମୋହନ 74815 ଭୋଟ ପାଇଥିଲେ I ବିଜେଡି ରେ କନ୍ଦଳ ଚାଲିଥିଲେ ମଧ୍ୟ 61ହଜାର ଭୋଟ ବିଜେଡି ପାଖରେ ରହିଛି ,ବାକି ବିଜେପି ର ଅନୁକମ୍ପା ମୂଳକ ଭୋଟ ଉପରେ ବିଜୟ ପରାଜୟ ନିର୍ଭର କରୁଛି I କିନ୍ତୁ ଅଚାନକ ବେଣୁ ମଉସା ସବୁ ହିସାବ ନିକାଶ ଭୁଲ କରିଦେଲେଣି I
ବିଜେପି ଅନୁକମ୍ପା ମୂଳକ ଭୋଟ ସାଉଣ୍ଟିବା ବଦଳରେ ଅନୁକମ୍ପା ମୂଳକ ଭୋଟ ଏବେ ବେଣୁ ମଉସା ଙ୍କ ଆଡକୁ ମୁଁହାଇବାରେ ଲାଗିଛି I ତେବେ ରାଜନୈତିକ ବ୍ଲିଶେଷଜ୍ଞ ଙ୍କ ଆକଳନ ଅନୁଯାୟୀ ଅକସ୍ମାତ ବେଣୁ ମଉସା ଙ୍କ ଏ ଲୋକପ୍ରିୟତା ପଛରେ ବିଜେଡି ନାହିଁ ତ ? କାହିଁକିନା ସରକାରୀ ପ୍ରୋତ୍ସାହିତ ଗଣମାଧ୍ୟମ ଗୁଡିକ ଯେଉଁମାନେ ଦିନରାତି ସରକାର ଙ୍କ ପ୍ରଚାର ରେ ବ୍ୟସ୍ତ ଥାନ୍ତି ସେମାନେ ଏବେ ବିଜେଡି ପ୍ରାଥୀ ଅପେକ୍ଷା ବେଣୁ ମଉସା ଙ୍କୁ ନେଇ ଅଧିକ ଖବର ପ୍ରଚାର ପ୍ରସାର ରେ ବ୍ୟସ୍ତ I ବିଜେପି ମାନସ ଙ୍କ ଅନୁକମ୍ପା ମୂଳକ ଭୋଟ କୁ ଅନ୍ତର କରିବାକୁ ଏହା ଏକ ଯୋଜନା ନୁହେଁ ତ ? ଏପରିକି ଏହି ସନ୍ଦେହ କୁ ଆହୁରି ଦୃଢ କରିଛନ୍ତି ବିଜେଡି ର ମୁଖପାତ୍ର ସତ୍ୟଜିତ ବିମଲ ମିଶ୍ର l ଏନେଇ ସେ ନିଜ ଟାଇମଲାଇନ ରେ ଉଲ୍ଲେଖ କରିଛନ୍ତି କି ବିଜେପି ଅନୁକମ୍ପା ଭୋଟ ପାଇଁ ବିପଦ ହେଲେ ବେଣୁ ମଉସା ଟିପି ରଖ I ଯାହା କି ଏବେ ଅନେକ ଚର୍ଚା ର ବିଷୟ ପାଲଟିଛି I (ଦୀପ୍ତିମାନ ପତି /ବାଲେଶ୍ୱର )
