ହିଞ୍ଜିଳିକାଟୁ (ଓଡ଼ିଶା ତାଜା ନ୍ୟୁଜ) (ନିପ୍ର) :- ହିଞ୍ଜିଳିକାଟୁ ଥାନା ଅଞ୍ଚଳରେ ଗାଈ,ଗୋରୁ ପୋଢ ଓ ମଇଁଷି ବେଧଡକ ଭାବେ ଚାଲାଣ ହେଉଥିବା ଜଣାପଡ଼ିଛି। ଏବେ ଗୋମାଫିଆ ଓ ସିଣ୍ଡିକେଟ ଦୁହେଁ ଦୁହିଁଙ୍କ ଭାଇ ପାଲଟି ଯାଇଥିବା ସୂତ୍ରରୁ ଜଣାପଡ଼ିଛି। ପ୍ରଚ୍ଛଦ ପଟରେ ସିଣ୍ଡିକେଟ ଗୋମାଫିଆଙ୍କୁ ସାହସ ଦେବା ଫଳରେ ଗାଁ ଗହଳରୁ ଗାଈ, ଗୋରୁ, ପୋଢ ଓ ମଇଁଷି ବେଧଡକ ଭାବେ ହିଞ୍ଜିଳି ଥାନା ଅଞ୍ଚଳ ଦେଇ ପରିବହନ ହେଉଥିବା ନୀତି ଦିନିଆ ଘଟଣା ପାଲଟିଛି। ପୂର୍ବରୁ ହିଞ୍ଜିଳି ଥାନା ପୁଲିସ କିଛି ଗୋମାଫିଆଙ୍କୁ ବାନ୍ଧି ଜେଲ ଠୁଙ୍କିବା ଫଳରେ କିଛି ଦିନ ପାଇଁ ଆଖପାଖ ଅଞ୍ଚଳର ଗାଁରୁ ଗୋଚାଲାଣ କାରବାର ଥମିଥିବା ଜଣା ପଡ଼ିଥିଲା। କିନ୍ତୁ କିଛି ଦିନର ନିରବତା ପରେ ଏବେ ପୁଣି ଗୋମାଫିଆଙ୍କ ସାହସ ପୁରାପୁରି ବଢ଼ି ଯାଇଛି ।
