ରାତ୍ର ପେଟ୍ରୋଲିଂ କଡାକଡି କରିବା ପାଇଁ ବୁଦ୍ଧିଜିବି ମହଲରେ ଦାବି

ନୂଆଗାଁ (ଓଡ଼ିଶା ତାଜାନ୍ୟୁଜ) (ନିପ୍ର) :- ନୂଆଗାଁ ଥାନାର ବିଭିନ୍ନ ଅଞ୍ଚଳରୁ ଚୋରି ହେଉଛି। ଏ ନେଇ ଥାନାରେ ଦୁଇଟି ଲିଖିତ ଅଭିଯୋଗ ହୋଇଛି l ସୂଚନl ଅନୁଯାୟୀ – ମହିଡମା ଗ୍ରାମର ଚିତ୍ତରଞ୍ଜନ ପାତ୍ର ତାଙ୍କ ପରିବାର ଲୋକେ ଖାଇପିଇ ଶୋଇଥିଲେ। ରାତି ପ୍ରାୟ ୩ଟା ସମୟରେ ଉଠି ଦେଖିବାରେ ଦାଣ୍ଡପଟ କବାଟ ବାହର ପଟୁ ବନ୍ଦ କରି ଦିଆଯାଇଛି। ବାରି ପଟ କବାଟକୁ ଭଅଁରରେ ଖୋଲି ଚୋର ଘରେ ପଶି ଘରୁ ସୁନା ୯ ଭରି, ରୂପା ୮୦୦ ଗ୍ରାମ ନଗଦ ୫୦ ହଜାର ଟଙ୍କା ଆଦି ଲୁଟି ଚୁଟି ନେଇଛନ୍ତି l

ସେହିପରି ନୂଆଗାଁ ସ୍ବାସ୍ଥ୍ୟ ଉପ କେନ୍ଦ୍ରରୁ ଚୋରି ହୋଇଛି। ସ୍ବାସ୍ଥ୍ୟ ଉପ କେନ୍ଦ୍ରଟି ମୁଦୁରାଙ୍ଗରୁ ନୂଆଗାଁ ରେଳ ଷ୍ଟେଶନକୁ ଯାଇଥିବା ରାସ୍ତାର ଏକ ନିଛାଟିଆ ସ୍ଥାନରେ ସ୍ଥାପନ କରାଯାଇଛି।ଏହା ଗତ ପ୍ରାୟ ୧୫ ଦିନ ହେଲା କାର୍ଯ୍ୟକ୍ଷମ ହୋଇଥିଲେ ମଧ୍ୟ ସେଠାରେ କେହି ରହୁ ନ ଥିଲେ। ଏହାର ସୁବିଧା ନେଇ ଚୋର ଉପକେନ୍ଦ୍ରର ଆଗ କବାଟ ତାଲା କାଟି ଭିତରୁ ଇନଭର୍ଟର ୪ଟି ବ୍ୟାଟେରୀ ସହ ମେସିନ ଲୁଟି ନେଇଛନ୍ତି! ବୁଧବାର ସଳାକୁ ଏଏଏମ୍ କର୍ମଚାରୀ ସ୍ବାସ୍ଥ୍ୟକେନ୍ଦ୍ରକୁ ଯିବାରେ ତାଲା ନ ଥିବା ଦେଖିବା ପରେ ଗୋରି ହୋଇଥିବା ଜାଣିବାକୁ ପାଇଥିଲେ।

ଘଟଣା ବିଷୟରେ କମଚାରୀମାନେ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀ ଦେବୀ ପ୍ରସାଦ ପ୍ରଧାନଙ୍କୁ ଜଣାଇବା ପରେ ଅଧିକାରୀଙ୍କ ନିର୍ଦ୍ଦେଶକ୍ରମେ ନୂଆଗାଁ ଥାନାରେ ଅଭିଯୋଗ କରାଯାଇଛି । ନୂଆଗାଁ ଥାନା ପୋଲିସ ଦୁଇଟି ମମଲl ରୁଜୁ କରିବା ସହ ଉଭୟ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଥିବା ଆନକାରୀ ରଶ୍ମିରଞ୍ଜନ ସାହୁ ସୂଚନା ଦେଇଛନ୍ତି।