ରାଜସୁନାଖଳା (ଓଡ଼ିଶା ତାଜା ନ୍ୟୁଜ) (ନିପ୍ର) :- ରଣପୁର ବ୍ଲକ ଅନ୍ତର୍ଗତ ରାଜସୁନାଖଳାସ୍ଥିତ ଶ୍ରୀ ଶ୍ରୀ ଜଗନ୍ନଥ ଚାରିଟେବୁଲ ସୋସାଇଟ ପକ୍ଷରୁ ସୋମବାର ନୀଳାଦ୍ରି ବିଜେ ନୀତି ସମ୍ପନ୍ନ ହୋଇଛି lପବିତ୍ର ରଥଯାତ୍ରାର ଅନ୍ତିମ ଅଧ୍ୟାୟ ହେଉଛି ନୀଳାଦ୍ରି ବିଜେ । ଦୀର୍ଘ ନଅ ଦିନର ଲୀଳା ସମାପନ କରି ମହାପ୍ରଭୁ ଶ୍ରୀ ଜଗନ୍ନାଥ ଶ୍ରୀମନ୍ଦିରକୁ ଫେରି ଆସିଛନ୍ତି। ରଥଯାତ୍ରାର ଆନନ୍ଦ, ଭକ୍ତଙ୍କ ଭାବାବେଗ ଓ ମହାପ୍ରଭୁଙ୍କ ଦିବ୍ୟ ଲୀଳାରେ ନୀଳାଦ୍ରି ବିଜେ ଏକ ଅପୂର୍ବ ଆଧ୍ୟାତ୍ମିକ ମୁହୂର୍ତ୍ତ। ବାହୁଡ଼ା ଯାତ୍ରାପରେ ଶ୍ରୀମନ୍ଦିର ସମ୍ମୁଖରେ ରଥ ଉପରେ ମହାପ୍ରଭୁଙ୍କ ଶେଷ ଦର୍ଶନ ଓ ଅନ୍ୟାନ୍ୟ ନୀତି ସମାପନ ହୁଏ ।
ଏହାପରେ ଶ୍ରୀବିଗ୍ରହ ରଥରୁ ଓହ୍ଲାଇ ଶ୍ରୀମନ୍ଦିର ଅଭିମୁଖେ ବିଜେ କରିଥିଲେ। ନୀଳାଦ୍ରି ବିଜେ ସମୟରେ ମହାପ୍ରଭୁ ଶ୍ରୀ ଜଗନ୍ନାଥ ଓ ମା’ ଲକ୍ଷ୍ମୀଙ୍କ ମଧ୍ୟରେ ଘଟୁଥିବା ମନୋହର ଲୀଳା ଏହି ପର୍ବର ଅନ୍ୟତମ ଆକର୍ଷଣ। ରଥଯାତ୍ରା ସମୟରେ ମହାପ୍ରଭୁ ମା’ ଲକ୍ଷ୍ମୀଙ୍କୁ ସାଙ୍ଗରେ ନନେଇ ଶ୍ରୀଗୁଣ୍ଡିଚା ମନ୍ଦିରକୁ ଯାଇଥିବାରୁ ମା’ ଲକ୍ଷ୍ମୀଙ୍କ “ମାନ “କରିଥିଲେ । ମହାପ୍ରଭୁ “ମା ଙ୍କ ମାନଭଞ୍ଜନ କରିବା ସହିତ ଶ୍ରୀମନ୍ଦିରକୁ ପ୍ରବେଶ କରିଛନ୍ତି । ଏହି ଅବସରରେ ମହାପ୍ରଭୁ ମା’ ଲକ୍ଷ୍ମୀଙ୍କ ପାଇଁ ରସଗୋଲା ଭୋଗ ପରମ୍ପରା ଅନୁଯାୟୀ ଅର୍ପଣ କରିଛନ୍ତି ।
