ମୋତିଆ ବିନ୍ଦୁ ଚିହ୍ନଟ ଓ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ

ବାଲିପାଟଣା (ଓଡିଶା ତାଜାନ୍ୟୁଜ) (ନି.ପ୍ର) :- ଭୁବନେଶ୍ଵର ଉପକଣ୍ଠ ଖୋର୍ଦ୍ଧା ଜିଲ୍ଲା, ବାଲିପାଟଣା ବ୍ଲକ ଅନ୍ତର୍ଗତ ଆଳୋଇ ସ୍ବାସ୍ଥ୍ୟ ଉପକେନ୍ଦ୍ର ଠାରେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟ ପକ୍ଷରୁ ଭ୍ରାମ୍ୟମାଣ ମୋତିଆ ବିନ୍ଦୁ ଚିହ୍ନଟ ଓ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି । ବାଲିପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ବରିଷ୍ଠ ଚକ୍ଷୁ ଚିକିତ୍ସା ଅଧିକାରୀ ଗୌତମ ଦାସ ଓ ଅଖିଳ ମଲ୍ଲିକ ଏହି ଶିବିରରେ ଉପସ୍ଥିତ ରହି ଆଲୋଇ ,

ଶୁମୁଦୀ, ପଦ୍ମପୁର, ସମେତ ଆଖପାଖ ଅଞ୍ଚଳର ବହୁ ଚକ୍ଷୁ ରୋଗୀମାନଙ୍କୁ ଚିକିତ୍ସା, ସମେତ ଔଷଧ ଓ ମାଗଣା ଚଷମା ବଣ୍ଟନ କରିଥିଲେ। ସ୍ୱାସ୍ଥ୍ୟ କେନ୍ଦ୍ରର ଏଭଳି ଏକ ମହତ ପୂର୍ଣ୍ଣ ଜନହିତକର କାର୍ଯ୍ୟ ପାଇଁ ସ୍ଥାନୀୟ ଅଞ୍ଚଳର ବୁଦ୍ଧିଜିବୀମାନେ ସାଧୁବାଦ୍ ଜଣାଇଛନ୍ତି। ଅଲୋଇ ଉପ ସ୍ୱାସ୍ଥ୍ୟ କେନ୍ଦ୍ରର ଏଏନଏମ୍ ହେମଲତା ରଥ, ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀ ଡାକ୍ତର ଉବେଶ ସାହୁ, ଆଶା କର୍ମୀ ସନ୍ଧ୍ୟାରାଣି ଭୋଇ ପ୍ରମୁଖ ସକ୍ରିୟ ସହଯୋଗ କରିଥିଲେ ।