ପୁରୀ ( ଓଡିଶା ତାଜାନ୍ୟୁଜ ) ନି. ପ୍ର :- ତାଳବଣିଆ ଥାନା ପକ୍ଷରୁ ପାଟ୍ରୋଲିଂ ଚାଲିଥିବା ବେଳେ ନିର୍ଭର ସୁତରୁ ଖବର ମିଳିଲା ଯେ ହୁଳୁହୁଳିଆ ବ୍ରିଜ ନିକଟରେ ଦୁଇ ଜଣ ଯୁବକ ଲୁହା ରଡ ଦେଖାଇ ବାଇକ ଆରୋହୀଙ୍କ ଠାରୁ ଟଙ୍କା ଛଡାଇ ନେଉଛନ୍ତି ଓ ଆତଙ୍କରାଜ ସୃଷ୍ଟି କରୁଛନ୍ତି । ଏହି ସମୟରେ ପିସିଆର ଭ୍ଯାନ ସେଠାରେ ପହଞ୍ଚିଥିଲା । ସବ ଇନ୍ସପେକ୍ଟର ଜି.ସି ଘଡ଼େଇ ସେମାନଙ୍କୁ ଧରିବା ପାଇଁ ଚେଷ୍ଟା କରିଥିଲେ । ଲୁହା ରଡରେ ପୋଲିସକୁ ପିଟିବା ପାଇଁ ଉଦ୍ୟମ କରୁଥିବା ବେଳେ ସବଇନ୍ସପେକ୍ଟରଙ୍କ ବାମ ହାତରେ ବାଜିଥିଲା । ପୋଲିସକୁ ମଧ୍ଯ ଅଶ୍ଲୀଳ ଭାଷାରେ ଗାଳିଗୁଲଜ କରିଥିଲେ ।
