ସମୁଦ୍ର ଭିତରେ ମଦ୍ୟପାନ ବଡଦାଣ୍ଡରେ ମଦ୍ୟପାନ ବନ୍ଦ

ପୁରୀ (ଓଡ଼ିଶା ତାଜା ନ୍ୟୂଜ୍) (ନିପ୍ର) :- ରାଜ୍ଯ ସରକାର ବଡଦାଣ୍ଡରେ ମଦ ଦୋକାନ ନଖୋଲିବା ପାଇଁ ବଡଦାଣ୍ଡରେ ବିଜ୍ଞପ୍ତି ପ୍ରକାଶ କରିଛନ୍ତି । ଅନ୍ଯ ପକ୍ଷରେ ସମୁଦ୍ରକୂଳେ ହୋଟେଲ ବାର ଖୋଲିବା , ଠିପି ଖୋଲା ଠିପି ବନ୍ଦ ମଦ ଦୋକାନ ଖୋଲିବା ଓ ବିୟର ପାଲର ଖୋଲାଯାଇଛି । ନିଶା ସେବନ ଯୋଗୁ ସମୁଦ୍ରରେ ଅନେକ ବ୍ଯକ୍ତି ଜଳ ସମାଧି ହୋଇଛନ୍ତି ।

ପର୍ଯ୍ୟଟକ ରହୁଥିବା ହୋଟେଲରେ ମଦ୍ୟପାନ କରି ସମୁଦ୍ରକୁ ନଯିବା ପାଇଁ ସଚେତନତା ବୋର୍ଡ ମରାଯାଇନାହିଁ । ଗୁରୁବାର ୪ଜଣ ବଙ୍ଗୀୟ ଯୁବକ ୪ଟି ବିୟର କେନ ଧରି ସମୁଦ୍ର ପାଣିରେ ମଦ୍ୟପାନ କରୁଥିବା ଦୃଶ୍ଯ ଦେଖାଯାଇଥିଲା । ଲାଇଫଗାର୍ଡ ମାନେ ଡାକବାଜି ଯନ୍ତ୍ର ଦ୍ବାରା ବାରଣ କରିବା ସତ୍ତ୍ବେ ସେମାନେ ମାନି ନଥିଲେ । ଏହି ଦୃଶ୍ଯ ପୁରୀରେ ବେଶ ଚର୍ଚ୍ଚା ହୋଇଥିଲା । ବୃନ୍ଦାବନ କ୍ଷେତ୍ର ପରି ଶ୍ରୀକ୍ଷେତ୍ରର ପାଞ୍ଚ କିଲୋମିଟର ପରିଧି ମଧ୍ଯରେ ମଦ ଦୋକାନ ଖୋଲିବା ଓ ମଦ୍ୟପାନ କରିବା ନିଷିଦ୍ଧ କରିବାକୁ ବୁଦ୍ଧିଜୀବୀ ମାନେ ଆଲୋଚନା କରୁଛନ୍ତି ।