ବିଶ୍ବ କବିତା ଦିବସ ରେ ନବୀନ ସୂତ୍ରଧର କବିତା ସମ୍ମାନ ରେ ସମ୍ମାନିତ ହେଲେ ଓଡ଼ିଶାର ଦୁଇ ବରେଣ୍ୟ କବି ଓ ଗୀତିକାର

ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :-  ସ୍ଥାନୀୟ ଗୀତଗୋବିନ୍ଦ ସଦନ ରେ ନୂତନ ଭବିଷ୍ୟତ ନିର୍ମାଣ ର ସୂତ୍ରଧର (ନବୀନ ସୂତ୍ରଧର ) ଟ୍ରଷ୍ଟ ପକ୍ଷରୁ ବିଶ୍ଵ କବିତା ଦିବସ ମହା ସମାରୋହ ରେ ପାଳନ କରାଯାଇଛି । ଯେଉଁଥିରେ ଓଡ଼ିଶାର ଦୁଇ ବରେଣ୍ୟ କବି ଓ ଗୀତିକାର ଯଥାକ୍ରମେ ଶ୍ରୀଯୁକ୍ତ ଦେବଦାସ ଛୋଟରାୟ ଓ ଗୁରୁପ୍ରସାଦ ଶତପଥୀ ଙ୍କୁ ଅନୁଷ୍ଠାନ ର ଶ୍ରେଷ୍ଠ ସମ୍ମାନ ନବୀନ ସୂତ୍ରଧର କବିତା ସମ୍ମାନ ପ୍ରଦାନ କରାଯାଇଛି । ଏହା ସହିତ ୯ ଜଣ ଯୁବ ଓ ପ୍ରବୀଣ ଓଡ଼ିଆ ଜାତିର ବର୍ତାବହଙ୍କୁ ନବୀନ ସୁତଧର କବିତା ଆଶିର୍ବାଦ ସମ୍ମାନ ପ୍ରଦାନ କରାଯାଇଛି ।

ଉଲ୍ଲେଖଯୋଗ୍ୟ କି ଅନୁଷ୍ଠାନ ପକ୍ଷରୁ ଗତ ବର୍ଷ ଠାରୁ ଓଡ଼ିଆ ଭାଷା,ସହିତ ,ସଙ୍ଗୀତ ଓ ସଂସ୍କୃତି କୁ ଆଗାମୀ ଭବିଷ୍ୟତ ପିଢ଼ିଙ୍କ ମାଧ୍ୟମରେ ରୁଦ୍ଧିମନ୍ତ କରିବା ଉଦ୍ଦେଶ୍ୟରେ ବିଶ୍ବ କବିତା ଦିବସ ପାଳନ କରାଯାଉଛି । ଆଜି ପ୍ରଥମ ପର୍ଯ୍ୟାୟର ଆୟୋଜିତ ହୋଇଥିବା ସଭାକୁ ଉଦ୍ଘାଟନ କରି ବିଶିଷ୍ଟ କବି ତଥା ସାହିତ୍ୟିକ ଏବଂ ଓଡ଼ିଆ ସାହିତ୍ୟ ଏକାଡେମୀ ର ପ୍ରାକ୍ତନ ସଚିବ ଶ୍ରୀଯୁକ୍ତ ଅଶ୍ଵିନୀ ମିଶ୍ର କବିତା ର ଭାଷା ସର୍ବଦା ଜନମାନସ ର ବୁଝିବା ର ଭାଷା ହୋଇ ସମାଜ କୁ ସଠିକ୍ ପଥରେ ଯିବା ପାଇଁ ମାର୍ଗ ଦର୍ଶନ କରିବା ଉଚିତ୍ ବୋଲି ମତ ପୋଷଣ କରିଥିଲେ ।

ସେହି ଭଳି ଅନ୍ୟତମ ଅତିଥି ବିଶିଷ୍ଟ ସାହିତ୍ୟିକା ଶ୍ରୀମତୀ ସଂଘମିତ୍ରା ମିଶ୍ର,ଶ୍ରୀଯୁକ୍ତ ହୃଷୀକେଶ ମଲ୍ଲିକ,ଶ୍ରୀଯୁକ୍ତ ସୂର୍ଯ୍ୟ ମିଶ୍ର ପ୍ରମୁଖ ଭାଷା ସାହିତ୍ୟ ର ବିଭିନ୍ନ ଅନାଲୋଚିତ ଦିଗ ଯାହା ସମାଜ କୁ ପ୍ରେରିତ କରିବ,ସେ ବିଷୟରେ ଆଲୋକପାତ କରିଥିଲେ । ପରେ ପରେ ସାରା ରାଜ୍ୟରୁ ଏପରିକି ରାଜ୍ୟ ବାହାରିଥିବା ୮୦ ରୁ ଉର୍ଦ୍ଧ ଓଡ଼ିଆ କବି ସେମାନଙ୍କ ସ୍ବରଚିତ କବିତା ପାଠ କରିଥିଲେ । ସେମାନଙ୍କ ମଧ୍ୟରୁ ଶ୍ରେଷ୍ଠ ୯ଜଣଙ୍କୁ (ନବୀନ ସୁତଧର କବିତା ଆଶିର୍ବାଦ ସମ୍ମାନ ପ୍ରଦାନ କରାଯାଇଥିଲା ।

ପରବର୍ତ୍ତୀ ସୋପାନ ରେ ଚଳିତ ବର୍ଷ ର ଶୀର୍ଷକ କବିତା: ଶାନ୍ତି ଓ ଅନ୍ତର୍ଭୁକ୍ତ ର ସେତୁ ଉପରେ ଆଲୋଚନା ଅନୁଷ୍ଠିତ ହୋଇଥିଲା । ଯେଉଁଥିରେ ରାଜ୍ୟର ବହୁ ପ୍ରବୀଣ କବି ଓ ସାହିତ୍ୟିକ ଯଥା ଡ଼ଃ ଦେବାଶିଷ ମହାପାତ୍ର, ଡ଼ଃ ରମେଶ ପାଣି ,ଶୁଭଶ୍ରୀ ଲେଙ୍କା,ସରୋଜିନୀ ପାଣି, ଡ଼ଃ ଏନ ଲକ୍ଷ୍ମୀ ଜଗଦେବ ପ୍ରମୁଖ ଆଲୋକପାତ କରିଥିଲେ । ଉଦଯାପନୀ ଉତ୍ସବରେ ବରିଷ୍ଠ ସାମ୍ବାଦିକ ପ୍ରଦୋଷ ପଟ୍ଟନାୟକଙ୍କ ପୌରହିତ୍ୟ ରେ ଅନୁଷ୍ଠିତ ସଭାରେ ସମ୍ମାନ ପ୍ରଦାନ କରାଯାଇଥିଲା ।

ଅନ୍ୟମାନଙ୍କ ମଧ୍ୟରେ ବିଶିଷ୍ଟ କବି ଶ୍ରୀଯୁକ୍ତ ଶରତ ଦାଶ,କାଦମ୍ବିନୀ ର ସମ୍ପାଦିକା ଶ୍ରୀମତୀ ଇତି ସାମନ୍ତ,ବରିଷ୍ଠ କବି ରକ୍ଷକ ନାୟକ,ସୁନାମଧନ୍ୟ ଗାୟିକା ତଥା ସ୍ତମ୍ଭକାର ଶ୍ରୀମତୀ ଛନ୍ଦା ମିଶ୍ର,ଦର୍ଶନ ଖବର କାଗଜ ର ସମ୍ପାଦକ ଇଞ୍ଜିନିୟର ବିଭୂତି ଭୂଷଣ ନାୟକ ପ୍ରମୁଖ ଅତିଥିଭାବେ ଯୋଗଦାନ କରି ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି କୁ ସରକାରୀ ସ୍ତରରେ ଯେଉଁଭଳି ଭାବେ ଅନ୍ତରିକ୍ତା ପ୍ରଦର୍ଶନ କରିବା କଥା ତାହା ହେଉ ନଥିବା ପ୍ରକାଶ କରିଥିଲେ । ଦିବସ ବ୍ୟାପୀ ଅନୁଷ୍ଠିତ କାର୍ଯ୍ୟକ୍ରମ କୁ ଯଥାକ୍ରମେ ଚମକ୍ ଚାନ୍ଦିନୀ ଦାଶ,ସୁଷମା ସ୍ୱାଇଁ ଓ ଦେବଦତ୍ତ ପତି ସଞ୍ଚାଳନ କରିଥିଲେ । ଶେଷ ରେ ଅନୁଷ୍ଠାନ ର ମୁଖ୍ୟ ତଥା ଅଧକ୍ଷ ଶ୍ରୀମାନ ଲକ୍ଷ୍ମୀକାନ୍ତ ନବୀନ ଦାସ ଧନ୍ୟବାଦ ଅର୍ପଣ କରିଥିଲେ ।