ଗାଡିଶାଗଦା ରେ ୮୫ କେଜି ଗନ ପାଉଡର ଜବତ : ଅଭିଯୁକ୍ତ ଫେରାର

ପୁରୀ  (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଶୁକ୍ରବାର ସକାଳ ସାଢେ ଏଗାରଟା ବେଳେ 1 ଗାଡିଶାଗଦା ଥାନାର ଏସ୍‌ଆଇ ଟି. କେ. ମିଶ୍ର ନେତୃତ୍ୱରେ ପ୍ୟାଟ୍ରୋଲିଂ କରୁଥିଲେ | ଏହି ସମୟରେ ଗୁପ୍ତ ସୂଚନା ପାଇଥିଲେ ଯେ କଳାମାଟି ଗ୍ରାମର ରାମ ରଞ୍ଜନ ମହାପାତ୍ର ନାମକ ବ୍ୟକ୍ତି ତାଙ୍କ ଘରେ ବହୁ ପରିମାଣରେ ଗନପାଉଡର ଓ ଫୋଟୋକା ତିଆରି ପାଇଁ ବ୍ୟବହୃତ ବିସ୍ଫୋରକ ସାମଗ୍ରୀ ସଞ୍ଚୟ କରି ରଖିଛି । ଏହି ସୂଚନା ପାଇ ପୋଲିସ ଦଳ ତତ୍କ୍ଷଣାତ୍ ଘଟଣାସ୍ଥଳରେ ଚଡ଼ାଉ କରିଥିଲେ ।

ଚଡ଼ାଉ ସମୟରେ ଉକ୍ତ ସ୍ଥାନରୁ ମୋଟ ୮୫ କେଜି ଗନପାଉଡର, ୧୭୫ଟି ଘଡ଼ି, ୨୦ଟି ସିଙ୍ଗଲ୍ ସଟ୍ ଓ ୫୦ଟି ନଡ଼ିଆ ବୋମା ଜବତ କରାଯାଇଛି। ପୋଲିସ ସ୍ଥଳରେ ପହଞ୍ଚିବା ପୂର୍ବରୁ ଅଭିଯୁକ୍ତ ରାମ ରଞ୍ଜନ ମହାପାତ୍ର ସ୍ଥାନ ଛାଡ଼ି ପଳାଇ ଯାଇଥିବାରୁ ବର୍ତ୍ତମାନ ସେ ଫେରାର ଅଛନ୍ତି। ଏହି ସମ୍ପର୍କରେ ଗାଡିଶାଗଦା ଥାନା କେସ୍ ନଂ ୪୬/୨୬ ଧାରା ୪/୫ ଏକ୍ସପ୍ଲୋସିଭ ସବଷ୍ଟାନ୍ସ ଆକ୍ଟ ରେ ମାମଲା ରୁଜୁ କରାଯାଇଛି | ପୋଲିସ ତଦନ୍ତ ଜାରି ରହିଛି। ପଳାତକ ଅଭିଯୁକ୍ତଙ୍କୁ ଶୀଘ୍ର ଗିରଫ କରିବା ପାଇଁ ପୋଲିସ ପକ୍ଷରୁ ପ୍ରୟାସ ଜାରି ରହିଛି ।