ବୋଲଗଡ଼ ରତ୍ନଙ୍କ ପ୍ରଥମ ଶ୍ରାଦ୍ଧ ବାର୍ଷିକ ଉତ୍ସବ

ବୋଲଗଡ଼  (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ବୋଲଗଡ଼ ରତ୍ନ କୃଷ୍ଣ ମୋହନ ପାଲଟାସିଂହଙ୍କ ପ୍ରଥମ ଶ୍ରାଦ୍ଧ ବାର୍ଷିକ ଉତ୍ସବ ନିଜ ବାସ ଭବନ ନିକଟ ପାଲଟାସିଂହ ମୈଦାନରେ ଗୁରୁବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି।ଆୟୋଜିତ ଉତ୍ସବରେ ପ୍ରାକ୍ତନ ପଂଚାୟତ ସମିତି ଅଧକ୍ଷ ଅକ୍ଷୟ କୁମାର ପଟ୍ଟନାୟକଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ସ୍ଥାନୀୟ ବିଧାୟକ ପ୍ରଦୀପ କୁମାର ସାହୁ ଯୋଗ ଦେଇ ସ୍ୱର୍ଗତ କୃଷ୍ଣ ମୋହନଙ୍କ ବହୁ ଗୁଣ ସମ୍ପର୍କରେ ବିଶେଷ ଆଲୋକପାତ କରିଥିଲେ। ସେ ଏକାଧାରରେ ସଙ୍ଗୀତଜ୍ଞ, ନାଟ୍ୟକାର,ପ୍ରାକ୍ତନ କମ୍ୟୁନିଷ୍ଟ ଓ ଭାଗଚାଷୀ ନେତା,କଳାକାର, ରାଜନୈତିକ, ପୂର୍ବତନ ସରପଞ୍ଚ ଓ ସର୍ବୋପରି ବୋଲଗଡ଼ ମହୋତ୍ସବର କାର୍ଯ୍ୟକାରୀ ସଭାପତି ଥିଲେ।

ପରେ କଂଗ୍ରେସରେ ଯୋଗଦେଇ ପ୍ରାକ୍ତନ ମୁଖ୍ୟମନ୍ତ୍ରୀ ସ୍ୱର୍ଗତ ଜାନକୀ ବଲ୍ଲଭ ପଟ୍ଟନାୟକଙ୍କର ଏକାନ୍ତ ଅନୁଗତ ହୋଇ ପାରିଥିଲେ।ସେହିପରି ମୁଖ୍ୟବକ୍ତା ଭାବେ ରବିନ୍ଦ୍ର ପରିଡା ଯୋଗଦେଇ ସ୍ୱଗତ ରତ୍ନଙ୍କ ଜୀବନୀ ସମ୍ପର୍କରେ ଆଲୋକପାତ କରିଥିଲେ।ସଂମ୍ମାନୀତ ଅତିଥି ଭାବେ ପ୍ରାଧ୍ୟାପକ ପ୍ରଫୁଲ୍ଲ ସୁବୁଦ୍ଧି, ପ୍ରାଧ୍ୟାପକ ସୁନୀଲ କୁମାର, ପ୍ରାଧ୍ୟାପକ ଭବାନୀ ଶଙ୍କର ପଟ୍ଟନାୟକ,ମହୋତ୍ସବ ସାଧାରଣ ସମ୍ପାଦକ ବୀର ଦାସ,ବିଜେପି ନେତା ପ୍ରକାଶ ବିଜୁଳି,ବାସୁଦେବ ସାହୁ, ଗୋପୀନାଥ ଖାଡଙ୍ଗା,ପ୍ରଫୁଲ୍ଲ ମହାପାତ୍ର,ରଘୁନାଥ ଦଳବେହେରା, ଲୋତକ ପଟ୍ଟନାୟକ,ଦିବାକର ପରମଗୁରୁ,ରାଧାଶ୍ୟାମ ରାୟ ଗୁରୁ,ଶାରଙ୍ଗ ମାର୍ଥ।,ରଘୁନାଥ ସାହୁ,

ନକୁଳ ରାଉତରାୟ, ହରିବନ୍ଧୁ ସାହୁ,ପ୍ରସନ୍ନ ଶ୍ରୀଚନ୍ଦନ,ଶୁଭେନ୍ଦ୍ର କୁମାର ସାହୁ, ଗୋପାଳପୁର ସରପଞ୍ଚ ପ୍ରଦୀପ ବାରିକ,ବଡ଼କୁମାରୀ ସରପଞ୍ଚ ପ୍ରଫୁଲ୍ଲ ପ୍ରଧାନ, ବୋଲଗଡ ଏକ୍ସପ୍ରେସ ବ୍ରଜ ସୁବୁଦ୍ଧି,ସୁଶ୍ରୀ ଗୌରୀ ଦେବୀ,ଅଭୟ ପଟ୍ଟନାୟକ, ବୈକୁଣ୍ଠ ମହାରଣା ଓ ମନ ମୋହନ କହଲ ସିଂହ ପ୍ରମୁଖ ଯୋଗଦେଇଥିଲେ ।ପ୍ରାରମ୍ଭରେ ଅତିଥି ମାନେ ସ୍ୱର୍ଗତଙ୍କ ଫଟୋ ଚିତ୍ରରେ ଶ୍ରଦ୍ଧା ସୁମନ ଅର୍ପଣ କରିଥିଲେ।ପରେ ୧ମି ନିରବ ପ୍ରାର୍ଥନା କରାଯାଇ ଭକ୍ତ ବଲ୍ଲଭ ପଟ୍ଟନାୟକ ବେଦ ପାଠ କରିଥିଲେ ।

ଉତ୍ସବକୁ ଆଇନଜୀବି ତଥା ଭାସ୍ୟକାର ଚନ୍ଦ୍ର ବିଜୟୀ ମିଶ୍ର ସଂଯୋଜନା କରିଥିଲେ । ଅତିଥି ମାନେ ବୋଲଗଡ଼ ରତ୍ନ ସ୍ୱର୍ଗତ ପାଲଟାସିଂହଙ୍କ ଉଦେଶ୍ୟରେ “ସ୍ମୃତିରେ କୃଷ୍ଣମୋହନ” ନାମକ ଏକ ସ୍ମରଣୀକା ଉନ୍ମୋଚନ କରିଥିଲେ । ଶେଷରେ ସ୍ବର୍ଗତ ଶ୍ରୀ ପାଲଟାସିଂହଙ୍କ ସୁପୁତ୍ର ଅଧ୍ୟାପକ ବଜେନ୍ଦ୍ର ପାଲଟାସିଂହ ଧନ୍ୟବାଦ ଦେଇଥିଲେ । କାର୍ଯ୍ୟକ୍ରମକୁ କନିଷ୍ଠ ପୁତ୍ର ବରିଷ୍ଠ ଆଇନଯିବି କୁନା ପାଲଟାସିଂହ ପରିଚାଳନା କରିଥିଲେ ।