ବ୍ଲକସ୍ତରୀୟ କନିଷ୍ଠ ରେଡ଼କ୍ରସ ପ୍ରଶିକ୍ଷଣ ତାଲିମ ଶିବିର ଉଦଘାଟିତ

ବୋଲଗଡ଼ (ଓଡ଼ିଶା ତାଜା ନ୍ୟୁଜ୍) (ନି.ପ୍ର ) :- ଖୋର୍ଦ୍ଧା ଜିଲ୍ଲାପlଳଙ୍କ ନିର୍ଦେଶକ୍ରମେ ଓ ଖୋର୍ଦ୍ଧାଜିଲ୍ଲା ରେଡକ୍ରସ ସମିତି ଆନୁକୂଲ୍ୟରେ ବୁଧବାର ଦିନ ଏକ ଦିବାସୀୟ ବ୍ଲକ ସ୍ତରୀୟ କନିଷ୍ଠ ରେଡକ୍ରସ କାଉନସିଲର ପ୍ରଶିକ୍ଷଣ ତାଲିମ ଶିବିର ବୋଲଗଡ଼ସ୍ଥିତ ସରକାରୀ ବାମନ ଉଚ୍ଚ ବିଦ୍ୟାଳୟର ସମ୍ମିଳନୀ କକ୍ଷରେ ବୁଧବାରଦିନ ଅନୁଷ୍ଠିତ ହୋଇଯାଇଅଛି ! ଏହି ପ୍ରଶିକ୍ଷଣ ତାଲିମ ଶିବିରରେ ମୁଖ୍ୟ ଅତିଥିଭାବେ ବୋଲଗଡ଼ ଗୋଷ୍ଠୀ ଶିକ୍ଷା ଅଧିକାରୀ ପ୍ରମୋଦ କୁମାର ସ୍ୱାଇଁ,

ମୁଖ୍ୟ ବକ୍ତାଭାବେ ସରକାରୀ ବାମନ ଉଚ୍ଚ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ପୀତବାସ ଲେଙ୍କା ଓ ସଂମ୍ମାନିତ ଅତିଥିଭାବେ ଶିକ୍ଷକ ବୋଲଗଡ଼ ବ୍ଲକ ରେଡ଼କ୍ରସ ସଂଯୋଜକ ଦୀପକ କୁମାର ତ୍ରିପାଠୀ ପ୍ରମୁଖ ଯୋଗଦେଇଥିଲେ ! ଏହି କାର୍ଯ୍ୟକ୍ରମରେ ବୋଲଗଡ଼ ଶିକ୍ଷା ବ୍ଲକ ଅନ୍ତର୍ଗତ ୨୮ଟି ସରକାରୀ ଉଚ୍ଚ ବିଦ୍ୟାଳୟ ଓ ୧୫ଟି ବେସରକାରୀ ଶିକ୍ଷା ଅନୁଷ୍ଠାନର ସମୁଦାୟ ୩୦ରୁ ଉର୍ଦ୍ଧ କନିଷ୍ଠ ରେଡ କ୍ରସ କାଉନସିଲରମାନେ ଯୋଗଦେଇ ସ୍ୱାସ୍ଥ୍ୟ, ସେବା,ବନ୍ଧୁତ୍ୱ, ଦୁର୍ଘଟଣା ଜନିତ ତଥା ଅଗ୍ନି ବିପନ୍ନ ବ୍ୟକ୍ତିମାନଙ୍କୁ ସୁରକ୍ଷା, ଅସହାୟଙ୍କୁ ସାହାଯ୍ୟ ଓ ଭୟାବହ ଏଡସ ରୋଗ ନିରାକରଣ ସଚେତନତା ସମ୍ପର୍କରେ ତାଲିମ ନେଇଥିଲେ !