ଆର,ଉଦୟଗିର (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଗଜପତି ଜିଲ୍ଲାର ମୋହନା ଥାନା ଅନ୍ତର୍ଗତ ବାଦପୁର ଗ୍ରାମରେ କିଛି ଅସାଧୁ ଲୋକ ଦୀର୍ଘ ବର୍ଷ ଧରି ବେଆଇନ ଦେଶୀ ରନ୍ଧାମଦ ବିକ୍ରି କରି ଆସୁଛନ୍ତି । ଯାହା ଫଳରେ ଅନେକ ନିରୀହ ଲୋକ ମୃତ୍ୟୁବରଣ କରୁଛନ୍ତି । ଏହାକୁ ବିରୋଧ କରି ବାଦପୁର ଗ୍ରାମର ଶତାଧିକ ମହିଳା ଏକତ୍ରିତ ହୋଇ ରାଜରାସ୍ତାକୁ ଆସି ମଦ ବିରୋଧୀ ଆନ୍ଦୋଳନ କରିଛନ୍ତି ।
ମୋହନା ଥାନାରେ ଲିଖିତ ଅଭିଯୋଗ କରିବା ସହ ତୁରନ୍ତ ଦେଶୀ ମଦ ବେଆଇନ ବିକ୍ରି ବନ୍ଦ ନ କଲେ ରାଜରାସ୍ତା ଅବରୋଧ କରି ଆନ୍ଦୋଳନ କରିବାକୁ ବାଧ୍ୟ ହେବୁ ବୋଲି ମହିଳାମାନେ ଗତ ୨ ଦିନ ତଳେ ଚେତାବନୀ ଦେଇଥିଲେ । ମହିଳାମାନଙ୍କ ଏହି ଚେତାବନୀ ପରେ ଗତ ଦୀର୍ଘ ବର୍ଷ ଧରି କୌଣସି କାର୍ଯାନୁଷ୍ଠାନ ଗ୍ରହଣ କରି ନ ଥିବା ପୋଲିସ ଓ ଅବକାରୀ ବିଭାଗ ଚେଇଁ ଉଠିବା ସହ ଦେଶୀ ମଦ ରନ୍ଧା ଓ ବିକ୍ରି ବିରୁଦ୍ଧରେ ବଡ଼ ଧରଣର ଚଢାଉ କରି ବିପୁଳ ପରିମାଣରେ ଦେଶୀ ମଦ ରନ୍ଧା ଓ ପୋଚ ଜବତ କରିଥିବା ସୂଚନା ମିଳିଛି ।
ଗଜପତି ଜିଲ୍ଲା ମୋହନା ଥାନା ବାଦପୂର୍ ଗାଁରେ ପୋଲିସ୍ ଓ ଅବକାରୀ ଟିମ୍ ର ବଡ ଧାରଣାର ଚଢ଼ାଉ କରାଯାଇ ବିପୁଳ ପରିମାଣର ମଦ ଜବତ କରିବା ସହ ପୋଚ ନଷ୍ଟ କରାଯାଇଛି । ଗାଁର କିଛି ବର୍ଷ ହେଲା ବେଆଇନ୍ ମଦ ରନ୍ଧା ଓ ବିକ୍ରୀ ଚାଲିଥିଲା । ମଦ ପିଇ ପରିବାରରେ ଅଶାନ୍ତି ସହ କିଛି ଜଣଙ୍କ ମୃତ୍ୟୁ ଘଟିଥିବା ନେଇ ବାଦପୁରଗାଁର ମହିଳାମାନେ ବିରୋଧ କରି ଥାନାରେ ଅଭିଯୋଗ କରିଥଲେ ।
