ରଣପୁର (ଓଡ଼ିଶା ତାଜା ନ୍ୟୁଜ୍) ନି.ପ୍ର :- ଛାତ୍ର ଛାତ୍ରୀ ମାନଙ୍କ ମଧ୍ୟରେ ପାଠ ପଢା ସହିତ ବିଭିନ୍ନ ଗୁଣର ବିକାଶ ତଥା ପରିପ୍ରକାଶ ନିମନ୍ତେ ରାଜ୍ୟ ସରକାରଙ୍କ ଶିକ୍ଷା ବିଭାଗ ତରଫରୁ ବିଦ୍ୟାଳୟ ଗୁଡିକରେ ଶିଶୁ ମହୋତ୍ସବ ‘ସୁରଭୀ ‘ କାର୍ଯ୍ୟକ୍ରମ କରାଯାଇ ଥାଏ । ଏହି ଅବସରରେ ୧୩ ଅକ୍ଟୋବର ୨୦୨୫ ରେ ନୟାଗଡ ଜିଲ୍ଲା ରଣପୁର ବ୍ଲକ୍ ଶିକ୍ଷା ମଣ୍ଡଳ ଅନ୍ତର୍ଗତ କୁଳାସର କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭୀ – ୨୦୨୫ ଜନତା ନୋଡାଲ ଉଚ୍ଚ ବିଦ୍ୟାଳୟ, କୁଳାସରରେ ମହା ଆଡ଼ମ୍ବରରେ ଅନୁଷ୍ଠିତ ହୋଇ ଯାଇଛି । ଉଦଘାଟନୀ ଉତ୍ସବରେ ମୁଖ୍ୟ ଅତିଥି କୂଳାସର ସମିତି ସଦସ୍ୟା ପବିତ୍ରା ନନ୍ଦ ,
ସମ୍ମାନୀତ ଅତିଥି ମାନେ ବଡ ପଥୁରିଆ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ରମେଶ ଚନ୍ଦ୍ର ସାମନ୍ତରାୟ, ତାଳକଣୀ ପ୍ରଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବ୍ରଜ କିଶୋର ଦାସ, ଅବସର ପ୍ରାପ୍ତ ପ୍ରଧାନ ଶିକ୍ଷକ ( ତାଳକଣି ଉଚ୍ଚ ପ୍ରାଥମିକ ବିଦ୍ୟାଳୟ) ହେମନ୍ତ କୁମାର ବିଶ୍ବାଳ, ଜନତା ନୋଡାଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ପ୍ରମୁଖ ଉପସ୍ଥିତ ରହି ପ୍ରଭୁ ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ଜ୍ୱଳନ ସହିତ ପୁଷ୍ପ ଅର୍ପଣ କରି ସୁରଭୀ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଶୁଭ ଉଦଘାଟନ କରିଥିଲେ ।
କ୍ଲଷ୍ଟରର ସମୁଦାୟ ଆଠଟି ବିଦ୍ୟାଳୟ, ନୀଳପଲ୍ଲୀ, କୁଳାସର, ବାଲିପାଟଣା, ତାଳକଣି, ଗିରିଧରପୁର, କୋଟପୋଖରି ର ପ୍ରାଥମିକ ବିଦ୍ୟାଳୟ ଗୁଡ଼ିକ, ବଡ ପଥୁରିଆ ଉଚ୍ଚ ପ୍ରାଥମିକ ବିଦ୍ୟାଳୟ, ତାଳକଣି ଉଚ୍ଚ ପ୍ରାଥମିକ ବିଦ୍ୟାଳୟ, ଜନତା ନୋଡାଲ ଉଚ୍ଚ ବିଦ୍ୟାଳୟ ର ସମସ୍ତ ଛାତ୍ର ଛାତ୍ରୀ ମାନେ ବିଭିନ୍ନ ପ୍ରତିଯୋଗିତା , ସାଧାରଣ ଜ୍ଞାନ, ରଚନା, ବତ୍କୃତା, ଚିତ୍ରାଙ୍କନ, ଏମ୍ ଡି ଏମ ଚିତ୍ରକଳା, ହସ୍ତ ଶିଳ୍ପ କାରିଗରି, ସୃଜନଶିଳ ଲିଖନୀ, ଗୀତ, ନୃତ୍ୟ, ଗଣିତ ଦୌଡ଼, ଆଦି ୨୭ ଟି ବିଭାଗରେ ଭାଗ ନେଇ ନିଜ ନିଜର ପ୍ରତିଭାକୁ ପ୍ରତିପାଦନ କରିଥିବା ଜଣା ପଡିଛି ।
ଏହି ଅବସରରେ ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ, ଛାତ୍ର ଛାତ୍ରୀ ମାନେ ସହଯୋଗ କରିଥିବା ବେଳେ , ଜନତା ନୋଡାଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀଙ୍କ ତତ୍ତ୍ୱାବଧାନରେ ଅତି ଶୃଙ୍ଖଳାର ସହ ସମାପନ ହୋଇ ଥିବା ଜଣା ପଡିଛି। ସମସ୍ତ କୃତୀ ଛାତ୍ର ଛାତ୍ରୀ ମାନଙ୍କୁ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ବ୍ଲକ୍ ଅତିରିକ୍ତ ଶିକ୍ଷ୍ୟା ଅଧିକାରିଣୀ ଲକ୍ଷ୍ମୀ ଦେଇ, ଓ ଅନ୍ୟାନ୍ୟ ଅତିଥି ଭାବେ ସି ଆର୍ ସି ସଞ୍ଜୟ କୁମାର ବରାଡ, ଶିକ୍ଷକ ସଂଘ୍ ମିଡ଼ିଆ ସଂଯୋଜକ ସୁଶିଲ ରଣା,
ଗଡବାଣୀକିଲୋ ଉଚ୍ଚ ବିଦ୍ୟାଳୟର ଶିକ୍ଷକ ପୁରୁଷୋତ୍ତମ ସାହୁ, ଶିକ୍ଷୟତ୍ରୀ ବିନୋଦିନୀ ମହାପାତ୍ର ପ୍ରମୁଖ ଉପସ୍ଥିତ ରହି ପ୍ରମାଣ ପତ୍ର ସହ ଟ୍ରଫି ପ୍ରଦାନ କରିଥିଲେ । ଜନତା ନୋଡାଲ ଉଚ୍ଚ ବିଦ୍ୟାଳୟର ସହକାରୀ ଶିକ୍ଷକ ରଞ୍ଜନ କୁମାର ସାହୁ ଅତି ସୁନ୍ଦର ଭାବରେ ମଞ୍ଚ ପରିଚାଳନା କରିଥିଲେ । କୃତକାର୍ଯ୍ୟ ହୋଇନଥିବା ପ୍ରତିଭାଗୀ ମାନଙ୍କୁ ସାନ୍ତ୍ଵନା ମୂଳକ ପୁରସ୍କାର ଭାବେ ଗୋଟିଏ ଲେଖାଏଁ ଖାତା ଓ ଡ଼ଟ୍ ପେନ୍ ପ୍ରଦାନ କରଯାଇଥିଲା ।
ସମସ୍ତ ଛାତ୍ର ଛାତ୍ରୀ ମାନେ ସୁରଭୀ କାର୍ଯ୍ୟକ୍ରମକୁ ଉତ୍ସାହର ସହ ପାଳିତ କରିଥିବା ଦେଖିବାକୁ ମିଳିଥିଲା । ଅତିଥି ମାନଙ୍କୁ ଓ ସାମ୍ବାଦିକ ଵିନୋଦ କୁମାର ସାହୁଙ୍କୁ ଉତ୍ତରୀୟ ଓ ଫୁଲ ତୋଡା ଦେଇ ସମ୍ବର୍ଦ୍ଧିତ କରଯାଇଥିଲା । ଛାତ୍ରୀ ମାନେ ଆଗନ୍ତୁକ ଅତିଥି, ଅଭିଭାବକ ମାନଙ୍କୁ ଚନ୍ଦନ ଟୀକା ଲଗାଇ ଓ ପୁଷ୍ପ ଅର୍ପଣ କରି ସ୍ବାଗତ କରୁଥିବା ଦେଖିବାକୁ ମିଳିଥିଲା । ସମସ୍ତଙ୍କ ପାଇଁ ବିଦ୍ୟାଳୟ ତରଫରୁ ମଧ୍ୟାହ୍ନ ଭୋଜନ ବ୍ୟବସ୍ଥା କରଯାଇଥିଲା । ସର୍ବଶେଷରେ ବଡ଼ ପଥୁରିଆ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ରମେଶ ଚନ୍ଦ୍ର ସାମନ୍ତରାୟ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
