ପୁରୀ (ଓଡ଼ିଶା ତାଜା ନ୍ୟୁଜ୍) :- ଗତକାଲି ଆମ ଖବରକାଗଜ ରେ ପ୍ରକାଶ ପାଇଥିଲା ଯେ ପୁରୀ ଜିଲ୍ଲା ମୁଖ୍ୟ ଚିକିତ୍ସଳୟ ରେ ଗର୍ଭବତୀ ଓ ପ୍ରସୂତି ଙ୍କୁ ଟାଣ ଭାତ ଓ ପାଣିଆ ଡାଲି ମିଳୁଛି | ଏ ସମ୍ପର୍କରେ ଖବର ପ୍ରକାଶ ପାଇବାପରେ ରାଜଧାନୀ ଅଧିକାରୀ ମାନଙ୍କ ଚାପ ପୁରୀ ମେଡିକାଲ ଅଧିକାରୀ ଙ୍କ ଉପରେ ପଡିଥିଲା | ଆଜି ରୋଗୀ ମାନଙ୍କୁ କ୍ୱାଲିଟି ଖାଦ୍ୟ ଭାବେ ଭାତ, ବହଳିଆ ଡାଲି, ଅଣ୍ଡାଆଳୁ ତରକାରୀ, ସାଲାଡ଼ ଦିଆଯାଇଥିବା ଦେଖିବାକୁ ମିଳିଥିଲା | ଏକ ଟିମ ଖାଦ୍ୟ ଦେବାସମୟରେ ପରିଦର୍ଶନ କରିଥିଲା | ଏହି ଖବର ମଧ୍ୟ ସାମାଜିକ ଗଣମାଧ୍ୟମ ରେ ପ୍ରଚାରିତ ହୋଇଥିଲା |
ମୁଖ୍ୟ ଚିକିତ୍ସାଳୟରେ ମହିଳାମାନେ ସନ୍ତାନ ପ୍ରସବ କରିବାକୁ ଆସି ଆଡ଼ମିସନ ହୋଇଥିଲେ |ସେମାନଙ୍କୁ ପେଟପୁରା ଖାଦ୍ୟ ମିଳୁନ ଥିବା ଅଭିଯୋଗ ହୋଇଥିଲା | ଯେଉଁ ଖାଦ୍ୟ ମିଳୁଛି ତାହା ମଧ୍ୟ ପୃଷ୍ଟିକର ନୁହେଁ | ସକାଳର ଖାଦ୍ୟରେ ଶୁଖିଲା ଉପମା ଦିଆଯାଉଥିଲା | ରୋଗୀ ମାନେ ଯଦି କହୁଛନ୍ତି ଆମେ ଶୁଖିଲା ଉପମା ଓ ରୁଟି କେମିତି ଖାଇବୁ ତେବେ ତାଙ୍କୁ ଉତ୍ତର ମିଳୁଥିଲା ତରକାରୀ ଫୁଟୁଛି ଦିନ ଦୁଇଟାରେ ମିଳିବ |
