ଆଦର୍ଶ ଶିଶୁ ନିକେତନ ପକ୍ଷରୁ A-1ଗ୍ରେଡ ୧୧ ଜଣ ମେଧାବୀ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ

ବାଲିପାଟଣା (ଓଡ଼ିଶା ତାଜା ନ୍ୟୁଜ୍) :- ଭୁବନେଶ୍ୱର ଉପକଣ୍ଠ ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକର ଚଳିତ ବର୍ଷର ମାଟ୍ରିକ ପରୀକ୍ଷାରେ A -1 ଗ୍ରେଡରେ ଉତ୍ତୀର୍ଣ୍ଣ ହୋଇଥିବା ୧୧ ଜଣ ମେଧାବୀ ଛାତ୍ରଛାତ୍ରୀଙ୍କୁ ଆଦର୍ଶ ଶିଶୁ ନିକେତନ ବନମାଳୀପୁର ପକ୍ଷରୁ ଆଜି ସମ୍ବର୍ଦ୍ଧିତ କରାଯାଇଥିଲା । ଅବସର ପ୍ରାପ୍ତ ପିଟି ଶିକ୍ଷକ ଶିବ ପ୍ରସାଦ ଶତପଥୀଙ୍କ ଅଧକ୍ଷତାରେ ବିଦ୍ୟାଳୟର ପରିସରରେ ଆୟୋଜିତ ସମ୍ବର୍ଦ୍ଧନା ଉତ୍ସବରେ ମୁଖ୍ୟ ଅତିଥି ଭାବେ ବାଲିପାଟଣା ବ୍ଲକ ବିଇଓ ଡକ୍ଟର ପ୍ରଭାତ କୁମାର ରଥ, ଏବଂ ସମ୍ମାନୀତ ଅତିଥିଭାବେ ଅବସର ପ୍ରାପ୍ତ ପ୍ରଧାନ ଶିକ୍ଷକ ରଘୁନାଥ ଲେଙ୍କା, ଆଦର୍ଶ ଶିଶୁ ନିକେତନର ପ୍ରଧାନ ଶିକ୍ଷୟତ୍ରୀ ଶୈଳବାଳା ମେକାପ, ରାମଚନ୍ଦ୍ରପୁର ହାଇସ୍କୁଲର ପ୍ରଧାନ ଶିକ୍ଷକ ବିଜୟ କୁମାର ବେହେରା,

ଅନୁଷ୍ଠାନର ସମ୍ପାଦକ ସୁରେନ୍ଦ୍ର ନାଥ ସାହୁ, ପ୍ରମୁଖ ଯୋଗ ଦେଇ ମାଟ୍ରିକ ପରୀକ୍ଷାରେ ସଫଳତା ହାସଲ କରିଥିବା କୃତୀଛାତ୍ର ଛାତ୍ରୀ ଏବଂ ବିଦ୍ୟାଳୟ ପ୍ରଧାନ ଶିକ୍ଷକ, ଶିକ୍ଷୟତ୍ରୀଙ୍କୁ ଜଗନ୍ନାଥଙ୍କ ଫଟୋ ଚିତ୍ର ସହିତ ଉତ୍ତରୀୟ ଦେଇ ସମ୍ବର୍ଦ୍ଧିତ କରିବା ସହ ସେମାନଙ୍କର ଗୁଣାବଳୀର ଭୂୟସୀ ପ୍ରଶଂସା କରିଥିଲେ । ଏଥିରେ ବାଲିପାଟଣା ବ୍ଲକର ପୁବାଗଡ ହାଇସ୍କୁଲର ପ୍ରଧାନ ଶିକ୍ଷକ ଶରତ ଚନ୍ଦ୍ର ଆଚାର୍ଯ୍ୟ,ଗୋପବନ୍ଧୁ ହାଇସ୍କୁଲ ର ପ୍ରଧାନ ଶିକ୍ଷକ ସଞ୍ଜୀବ କୁମାର ପଟ୍ଟନାୟକ, କୁଶ ଭଦ୍ରା ହାଇସ୍କୁଲର ପ୍ରଧାନ ଶିକ୍ଷକ ପ୍ରଦୀପ୍ତ କୁମାର ପ୍ରଧାନ, ବିପିନ ବିହାରୀ ହାଇସ୍କୁଲର ଶିକ୍ଷକ ଦିନବନ୍ଧୁ ମହାନ୍ତି, ମୁକୁନ୍ଦଦାସପୁର ହାଇସ୍କୁଲର ପ୍ରଧାନ ଶିକ୍ଷକ ଭକ୍ତବତ୍ସଳ ମହାପାତ୍ର,

ଚଣାହାଟ ହାଇସ୍କୁଲର ଶିକ୍ଷକ ବିଷ୍ଣୁପ୍ରିୟା ବାରିହା,ଅବସରପ୍ରାପ୍ତ ଶିକ୍ଷକ ରଘୁନାଥ ଲେଙ୍କା,ପରିଚାଳନା କମିଟି ସଦସ୍ୟ ବିଜୟ କୁମାର ବେହେରା, ନରିଶୋ ପଞ୍ଚାୟତ ହାଇସ୍କୁଲର ଶିକ୍ଷକ ମହେନ୍ଦ୍ର ମହାନ୍ତି, ପ୍ରମୁଖଙ୍କ ସମେତ ବ୍ଲକର ବହୁ ହାଇସ୍କୁଲର ପ୍ରଧାନ ଶିକ୍ଷକ ,ଶିକ୍ଷୟତ୍ରୀ ଯୋଗ ଦେଇ ଆଜିର ଛାତ୍ରଛାତ୍ରୀମାନେ ପିତା ମାତାଙ୍କୁ ଭକ୍ତି ପ୍ରଦାନ କଲେ ତାଙ୍କର ଆଶୀର୍ବାଦ ଶ୍ରେଷ୍ଠ ଆଶୀର୍ବାଦ ହେବା ସହ ଦୁନିଆଁରେ ଭଲ ମଣିଷ ହୋଇପାରିବେ ବୋଲି ମତବ୍ୟକ୍ତ କରିଥିଲେ ।

ଆଦର୍ଶ ଶିଶୁ ନିକେତନ ବିଦ୍ୟାଳୟର ଏହି ସମ୍ବର୍ଧନା ଉତ୍ସବର ମହତ୍ କାର୍ଯ୍ୟକ୍ରମକୁ ବ୍ଲକ ଅଞ୍ଚଳରେ ଧନ୍ୟବାଦ୍ ପ୍ରଦାନ କରାଯାଇଛି । ଏହି ସମ୍ବର୍ଦ୍ଧନା ଉତ୍ସବର ମଞ୍ଚ ପରିଚାଳନାରେ ଆଇନଜୀବୀ ଅବଦୁଲ୍ ବାରୀ ସହଯୋଗ କରିଥିଲାବେଳେ ଅନୁଷ୍ଠାନର ସମ୍ପାଦକ ସୁରେନ୍ଦ୍ର ନାଥ ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଏହି ଉତ୍ସଵକୁ ପରିଚାଳନା କମିଟି ସମସ୍ତ ସଭ୍ୟ, ସଭ୍ୟା ସମେତ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀମାନେ ପରିଚାଳନାରେ ସହଯୋଗ କରିଥିଲେ ।