ନୟାଗଡ (ଓଡ଼ିଶା ତାଜା ନ୍ୟୁଜ୍) :- ନୟାଗଡ ଜିଲ୍ଲା ଦୌରା ଜଜ ତଥା ଆଇନ ସେବା ପ୍ରାଧିକରଣ ଅଧ୍ୟକ୍ଷ ଆନନ୍ଦ ନାରାୟଣ ମହାରଣାଙ୍କ ନିର୍ଦ୍ଦେଶକ୍ରମେ ସଚିବ ଅଞ୍ଜଳି ମଚ୍ଛଖଣ୍ଡଙ୍କ ତତ୍ବାବଧାନରେ ଜିଲ୍ଲା ଜଜଙ୍କ ସମ୍ମିଳନୀ କକ୍ଷରେ ଓକିଲ ଓ ପାରା ଲିଗାଲ ସ୍ଵେଚ୍ଛାସେବୀମାନଙ୍କୁ ନେଇ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏଥିରେ ସଚିବ ଅଞ୍ଜଳି ମଚ୍ଛଖଣ୍ଡ ସ୍ଵାଗତ ଭାଷଣ ଦେଇ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ ।
ମୁଖ୍ୟ ଅତିଥିଭାବେ ଅତିରିକ୍ତ ଜିଲ୍ଲାଜଜ ପୋକସୋ କୋର୍ଟ ମାନସ କୁମାର ପଣ୍ଡା ପ୍ରାକ ମୋକଦ୍ଦମା ଓ ମଧ୍ୟସ୍ଥତା ମାଧ୍ୟମରେ ବିବାଦର ସମାଧାନ ଉପରେ ଆଲୋକପାତ କରିଥିଲେ । ଏଥିରେ ସମ୍ମାନିତ ଅତିଥି ଭାବେ ବରିଷ୍ଠବର୍ଗ ଦେୱାନି ଜଜ ତଥା ଆସିଷ୍ଟାନ୍ଟ ସେସନ୍ସ ଜଜ ସ୍ଵାୟଂପ୍ରଭା ଆଚାର୍ଯ୍ୟ, ବରିଷ୍ଠ ବର୍ଗ ଦେୱାନି ଜଜ ସତ୍ୟବ୍ରତ ରଣା ବରିଷ୍ଠ ଓକିଲ ଦଣ୍ଡପାଣି ସ୍ଵାଇଁ ସ୍ଥାୟୀ ଓ ନିରନ୍ତର ଲୋକ ଅଦାଲତ ଦ୍ଵାରା ସମାଧାନ ଉପରେ ଗୁରୁତ୍ଵ ଦେଇଥିଲେ।
