ରେଳ ଷ୍ଟେସନ ଗୁଡ଼ିକରେ “ଆନ୍ତର୍ଜାତୀୟ ସମବାୟ ବର୍ଷ-୨୦୨୫” ଉପରେ ବ୍ୟାନର ଏବଂ ପୋଷ୍ଟର ପ୍ରଦର୍ଶନ।

ଖୋର୍ଦ୍ଧା-ଜଟଣୀ  (ଓଡ଼ିଶା ତାଜା ନ୍ୟୁଜ୍) ଜଟଣୀ  :- ନିରନ୍ତର ବିକାଶ ଲକ୍ଷ୍ୟ ହାସଲ କରିବାରେ ସମବାୟର ଭୂମିକା ଉପରେ ଧ୍ୟାନ ଦେବା ପାଇଁ ମିଳିତ ଜାତିସଂଘ ୨୦୨୨୫ କୁ “ଆନ୍ତର୍ଜାତୀୟ ସମବାୟ ବର୍ଷ (ଆଇ ୱାଇ ସି)” ଭାବରେ ଘୋଷଣା କରିଛି । ଏହି ବର୍ଷର ବିଷୟବସ୍ତୁ ହେଉଛି “ସମବାୟ ଏକ ଉନ୍ନତ ବିଶ୍ୱ ନିର୍ମାଣ କରେ” ଯାହା ଭାରତ ସରକାରଙ୍କ “ସହକାର ସେ ସମୃଦ୍ଧି”(ସହଯୋଗ ମାଧ୍ୟମରେ ସମୃଦ୍ଧି) ଦୃଷ୍ଟିକୋଣ ସହିତ ସମନ୍ୱିତ। ସମବାୟ ସଂସ୍ଥାଗୁଡ଼ିକ ଆମ ସମୟର ଉଦୀୟମାନ ଚ୍ୟାଲେଞ୍ଜ ଗୁଡ଼ିକୁ ସଫଳତାର ସହିତ ମୁକାବିଲା କରିଛି,ଏବଂ ଇତିହାସ ବାରମ୍ବାର ଦେଖାଇଛି ଯେ ଏକାଠି ଆମେ ଏକ ଉତ୍ତମ ବିଶ୍ୱ ନିର୍ମାଣ କରୁ ।

” ଆମେ ଯେତେ ଅଧିକ ସହଯୋଗଶୀଳ, ଆମେ ସେତେ ଅଧିକ ମୂଲ୍ୟବାନ ହୋଇଯାଉ। ଆନ୍ତର୍ଜାତୀୟ ସମବାୟ ବର୍ଷ (ଆଇ ୱାଈ ସି) ୨୦୨୫ପାଳନ କରିବା ପାଇଁ, ଭାରତୀୟ ରେଳବାଇ ଇ-ଟିକେଟରେ ଆଇୱାଇସି-୨୦୨୫ ଲୋଗୋ ପ୍ରଦର୍ଶନ କରିବା ଆରମ୍ଭ କରିଛି। ଏହି ପ୍ରୟାସର ଲକ୍ଷ୍ୟ ହେଉଛି ସମଗ୍ର ଦେଶରେ ସମବାୟ ଆନ୍ଦୋଳନର ଗୁରୁତ୍ୱ ବିଷୟରେ ସଚେତନତା ବୃଦ୍ଧି କରିବା ଏବଂ ସମସ୍ତ କ୍ଷେତ୍ରରେ ସମବାୟ ମୂଲ୍ୟବୋଧକୁ ପ୍ରୋତ୍ସାହିତ କରିବା ପାଇଁ ସରକାରଙ୍କ ପ୍ରତିବଦ୍ଧତାକୁ ପ୍ରତିଫଳିତ କରେ।

ଆନ୍ତର୍ଜାତୀୟ ସମବାୟ ବର୍ଷର ଉଦ୍ଦେଶ୍ୟକୁ ପ୍ରୋତ୍ସାହିତ କରିବା ପାଇଁ ଅଭିଯାନରେ ଅଂଶଗ୍ରହଣ କରି, ଖୋର୍ଦ୍ଧାରୋଡ୍ ରେଳ ଡିଭିଜନ ଏହାର ସମସ୍ତ ଗୁରୁତ୍ୱପୂର୍ଣ୍ଣ ରେଳ ଷ୍ଟେସନ,ଯଥା ଭୁବନେଶ୍ୱର, ପୁରୀ,ବ୍ରହ୍ମପୁର, କଟକ,ଖୋର୍ଦ୍ଧା ରୋଡ୍,ଭଦ୍ରକ, ଯାଜପୁର, ପଲାସା ଇତ୍ୟାଦିରେ ବ୍ୟାନର ଏବଂ ପୋଷ୍ଟର ପ୍ରଦର୍ଶନ କରିଛି। ବ୍ୟାନର ଗୁଡ଼ିକ ଆନ୍ତର୍ଜାତୀୟ ସମବାୟ ବର୍ଷ-୨୦୨୫ର ଉଦ୍ଦେଶ୍ୟକୁ ଚିତ୍ରଣ କରୁଛି ଯାହା ଜନସଚେତନତା ବୃଦ୍ଧି କରିବା, ସହାୟକ କାର୍ଯ୍ୟଶୈଳୀ ଗଠନ ପାଇଁ ମାର୍ଗଦର୍ଶନ କରିବା,ବିକାଶକୁ ପ୍ରୋତ୍ସାହିତ କରିବା ଏବଂ ନେତୃତ୍ୱକୁ ପ୍ରେରଣା ଦେବା।