ବାଙ୍କୀରେ ବିଜୁ ପଟ୍ଟନାୟକଙ୍କ ୧୦୯ତମ ଜୟନ୍ତୀ ପାଳିତ

୫ ମାର୍ଚ୍ଚ ୨୦୨୫ (ଓଡ଼ିଶା ତାଜା ନ୍ୟୁଜ୍)  ଡମପଡ଼ା  :- ବାଙ୍କୀ ବିଜୁ ଜନତାଦଳ କାର୍ଯ୍ୟାଳୟ ଠାରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କର ୧୦୯ତମ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି । ପ୍ରଥମେ ବାଙ୍କୀ କଚେରୀ ପଡିଆ ଠାରେ ଥିବା ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ଏବଂ ରାଣୀ ଶୁକଦେଈ ମହିଳା ମହାବିଦ୍ୟାଳୟ ଠାରେ ଥିବା ପ୍ରତିମୂର୍ତ୍ତିରେ ଫୁଲମାଳ ଦିଆଯାଇଥିଲା । ଏଥିରେ ଉପନଗରପାଳ ସନ୍ତୋଷ କୁମାର ରଣା, କାଉନସିଲର ପଠାଣୀ ବେହେରା, ସନ୍ତୋଷ କୁମାର ରଣା, ଛାତ୍ରବିଜେଡି ସଭାପତି ବ୍ରଜବଲ୍ଲଭ କର, ଯୁବନେତା ଶ୍ରୀନିବାସ ବେହେରା ପ୍ରମୁଖ ଉପସ୍ଥିତ ଥିଲେ ।

ବାଙ୍କୀ ଉପଖଣ୍ଡ ଚିକିତ୍ସାଳୟରେ ରୋଗୀମାନଙ୍କୁ ଏବଂ ଉପକାରାଗାରାରେ କଇଦିମାନଙ୍କୁ ମିଷ୍ଠାନ ବଣ୍ଟନ କରାଯାଇଥିଲା ।ବିଜୁଜନତାଦଳ କାର୍ଯ୍ୟାଳୟ ଠାରେ ଏକ ସମାବେଶ ଉପନଗରପାଳ ସନ୍ତୋଷ କୁମାର ରଣାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ବାଙ୍କୀ ନଗରପାଳ ମାଣିକ ସାହୁ, ବାଙ୍କୀ କେନ୍ଦ୍ରବ୍ୟାଙ୍କ ସଭାପତି ସୁବାସ ଚନ୍ଦ୍ର ପାଢ଼ୀ, କଟକ ଜିଲ୍ଲା ବିଜେଡି ସଂପାଦକ ସନାତନ ବେହେରା, ଡମପଡ଼ା ବ୍ଲକ ବିଜେଡି ସଭାପତି ଆର୍ତ୍ତତ୍ରାଣ ସ୍ୱାଇଁ, ସମିତି ସଭ୍ୟ ନାରାୟଣ ଜେନା, ସମବାୟବିତ୍ ସମରେନ୍ଦ୍ର ମହାପାତ୍ର, ପ୍ରତିଲତା ଗିରି,କାଉନସିଲର ଜାମିନିକାନ୍ତ ମହାପାତ୍ର, ଚନ୍ଦନ ଗଣ୍ଠିଆ, ରାଜେନ୍ଦ୍ର ମହାପାତ୍ର, ଆଇନଜୀବୀ ପ୍ରଦୀପ ପୃଷ୍ଟି, ସନ୍ତୋଷ ମିଶ୍ର ସହ ଛାତ୍ରବିଜେଡି ,

ଯୁବବିଜେଡି, ମହିଳାବିଜେଡି ଯୋଗଦେଇ ବିଜୁବାବୁଙ୍କର ଗୁଣଗାନ କରିବା ସହ ଓଡ଼ିଶା ସରକାର ତାଙ୍କର ଜନ୍ମଜୟନ୍ତୀରେ ପଂଚାୟତରାଜ ଦିବସ ପାଳନ କରୁନଥିବାରୁ ସଭାରେ କ୍ଷୋଭ ପ୍ରକାଶ କରାଯାଇଥିଲା । ଏଭଳି ଜଣେ ଜନନାୟକଙ୍କ ନାମରେ ପଂଚାୟତ ଦିବସ ପାଳନ ନକରିବା ଏକ ପରିତାପର ବିିଷୟ । ଏହାକୁ ଘୋର ନିନ୍ଦା କରାଯାଇଥିଲା । ଶେଷରେ ନଗର ଯୁବବିଜେଡି ସଭାପତି ପଠାଣୀ ବେହେରା ଧନ୍ୟବାଦ ଅର୍ପଣ କରିଥିଲେ ।