ରୋଟାରୀ କ୍ଲବ ପକ୍ଷରୁ ବାଙ୍କୀରେ ମଶାରୀ ଏବଂ କମ୍ବଳ ବଣ୍ଟନ

୦୭ ଜାନୁଆରୀ ୨୦୨୫ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ଆନ୍ତର୍ଜାତୀୟ ନୋଟାରୀ କ୍ଲବ ଏବଂ ଜିଲ୍ଲା ମିଡ୍‌ଟାଉନ୍ ରୋଟାରୀ ଆନୁକୁଲ୍ୟରେ ମଶାରୀ ଏବଂ କମ୍ବଳ ଗୟଳବାଙ୍କ ଆଦିବାସୀ ସାହିରେ ବଣ୍ଟନ କରାଯାଇଥିଲା । ଏହି କାର୍ଯ୍ୟକ୍ରମରେ ବାଙ୍କୀର ଅଗ୍ରଣୀ ଅନୁଷ୍ଠାନ ଆଦାବାସୀ ହରିଜନକଲ୍ୟାଣ ପରିଷଦର ସଂପାଦକ କେଶବ ଚନ୍ଦ୍ର ବେହେରା ଓ ସଭ୍ୟମାନେ ସହଯୋଗ କରିଥିଲେ । ଏହି ଉପଲକ୍ଷେ ଆୟୋଜିତ ଏକ ସଚେତନ ସଭା ଅନୁଷ୍ଠିତ ହୋଇଥିଲା ।

ଏଥିରେ ଡକ୍ଟର ଆଶୁତୋଷ ଦେବତା ମୁଖ୍ୟଅତିଥି ଏବଂ ମୁଖ୍ୟବକ୍ତା ଭାବେ ଜିଲ୍ଲା ଗଭର୍ନର ରୋଟାରୀଆନ୍ ଯଜ୍ଞଶ୍ରୀ ମହାପାତ୍ର ଏବଂ ସମ୍ମାନିତ ଅତିଥି ଭାବେ ରନ୍‌ହୁଇଲ୍ କ୍ଲବର ଡ଼ମିତା ଦେବତା ଅଂଶ ଗ୍ରହଣ କରି ଲୋକମାନେ କିପରି ସୁବିଧାରେ ରହିପାରିବେ ତାହା ଉପରେ ଆଲୋଚନା କରିଥିଲେ । ଗୟଳବାଙ୍କ ଆଦିବାସୀ ବସ୍ତିରେ ମଶରୀ ଏବଂ ଇନ୍ଦୁମତୀ ପାଟଣା ବରିଷ୍ଠ ନାଗରିକ ନିବାସରେ କମ୍ବଳ ବଣ୍ଟନ କରାଯାଇଥିଲା । ବାଙ୍କୀ ଜନକଲ୍ୟାଣ ବରିଷ୍ଠ ନାଗରିକ ସଂଘ ତରଫରୁ ଡକ୍ଟର ଦେବତା ଏବଂ ଦୁଇ ଅତିଥିଙ୍କୁ ପୁଷ୍ପଗୁଚ୍ଛ ସହ ସମ୍ବର୍ଦ୍ଧନା କରାଯାଇଥିଲା । ଶେଷରେ ବରେନ୍ଦ୍ର ବେହେରା ଧନ୍ୟବାଦ ଅର୍ପଣ କରିଥିଲେ ।