ଅବକାରୀ ବିଭାଗ ପକ୍ଷରୁ ଚଢ଼ାଉ କରି ଦେଶୀ ମଦ ଜବତ : ଡ୍ରାଇଭରକୁ ଗିରଫ୍ କରି କୋର୍ଟ ଚାଲାଣ

୨୮ ଡିସେମ୍ବର ୨୦୨୪ (ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-  ଆଠଗଡ଼ ଅବକାରୀ ବିଭାଗ ଅଧିକାରୀ ନିମାଇଁ ଚରଣ ସିଂଙ୍କ ନେତୃତ୍ୱରେ ଆଠଗଡ଼ ଓ ବାଙ୍କୀ ଅବକାରୀ ବିଭାଗର ମିଳିତ ଚଢ଼ାଉରେ ଆଜି ତାଳବସ୍ତ ରୋଡରୁ ଚଢ଼ାଉ କରି ଏକ ଟାଟାସୋମ ନଂ- ଓଆର ଜିରୋ -୨ ଏ.ଏଫ୍ ୯୬୫୧ ମଦବୋଝେଇ ଗାଡିକୁ ଜବତ କରି ଡ୍ରାଇଭରକୁ ଗିରଫ୍ କରିଥିଲେ । ଏହାପରେ ଗାଡି ସହ ଡ୍ରାଇଭରକୁ ଗିରଫ୍ କରି ବାଙ୍କୀ ଅବକାରୀ ବିଭାଗ କାର୍ଯ୍ୟାଳୟକୁ ଆଣିଥିଲେ । ୨୮ଟି ବ୍ଲାଡରରେ ୫୬୦ଲିଟର ଚୋରାଦେଶୀ ମଦ ଜବତ କରିଥିଲେ । ଏହି ଗାଡିଟି ଆଠଗଡ଼ ଅଞ୍ଚଳରୁ ଜାତମୁଣ୍ଡିଆ ଦେଇ ଖୋଦ୍ଧା ଯାଉଥିବା ବେଳେ ତାଳବସ୍ତ ଠାରେ ଅବକାରୀ ବିଭାଗ ଧରିଥିଲେ । ମଦ ଜବତ କରିବା ସହ ଡ୍ରାଇଭର ଭୀମ ବିଶ୍ୱାଳଙ୍କୁ କୋର୍ଟ ଚାଲାଣ କରିଥିଲେ । କେସ୍ ନଂ-ପି.ଆର୍ ୧୬୧/୨୪-୨୫ମାମଲା ରୁଜୁ କରାଯାଇଛି । ଏହି ଚଢ଼ାଉ ସମୟରେ ଆଠଗଡ଼ ଅବକାରୀ ବିଭାଗ ଓଆଇସି ଅରୁଣ ଭୋଇ, ବାଙ୍କୀ ଅବକାରୀ ବିଭାଗ ଅଧିକାରୀ ସୌମ୍ୟରଞ୍ଜନ ମାଝୀ, ଏ.ଏସ୍‌.ଆଇ ପ୍ରଦୀପ କୁମାର ଦଳେଇଙ୍କ ସମେତ ଅବକାରୀ କର୍ମଚାରୀମାନେ ସହଯୋଗ କରିଥିଲେ ।