ଓଡିଶା ତାଜା ନ୍ୟୁଜ୍ (୨୧ ଅଗଷ୍ଟ ଶୁକ୍ରବାର ) ପାରଳଖେମୁଣ୍ଡି :–ଗଜପତି ଜିଲ୍ଲା ଅନ୍ତର୍ଗତ ଆର ଉଦୟଗିରି ଥାନାର ପୋଲିସ ଗଜପତି ଓ ଗଞ୍ଜାମ ଜିଲ୍ଲା କୁ ସଂଯୋଗ କରୁଥିବା ସୀମାରେ ଏକ ମେକ୍ସ ପିକପ୍ ଗାଡି କୁ ଯାଞ୍ଚ କରି ତାହା ମଧ୍ୟରୁ ୫୨ ବସ୍ତା ଗଞ୍ଜେଇ ଜବତ କରିବା ସହ ମୋଟ ୩ ଜଣଙ୍କୁ ଗିରଫ କରିଛି l ଗିରଫ ବ୍ୟକ୍ତି ମାନେ ହେଲେ ଗଜପତି ଜିଲ୍ଲା ଅନ୍ତର୍ଗତ ଗୁଙ୍ଗୀମେରା ଗ୍ରାମର କରୁଣା ଗୋମଙ୍ଗ, ପୁରୀ ଜିଲ୍ଲା ବ୍ରହ୍ମଗିରି ଥାନା ଅନ୍ତର୍ଗତ ବେନ୍ତାପଡା ଗ୍ରାମର ଶରତ ଦେ ଓ ପୁରୀ ସଦର ଥାନା ଅନ୍ତର୍ଗତ ନିଶି ଭରଣ ଗ୍ରାମର ପ୍ରମୋଦ ମଲ୍ଲିକ ବୋଲି ଜଣାପଡିଛି l ଘଟାଣରୁ ପ୍ରକାଶ ଯେ, ଗଜପତି ଓ ଗଞ୍ଜାମ ଜିଲ୍ଲାର ସୀମାନ୍ତରେ କାନକଟା ଛକରେ ଥିବା ନାକାପଏନ୍ଟ ରେ ଆର ଉଦୟଗିରି ଥାନାର ଏସ ଆଇ ବସନ୍ତ କୁମାର ଗନ୍ଥ ସମେତ ଅନ୍ୟ ପୋଲିସ କର୍ମଚାରୀ ମାନେ ଡ୍ୟୁଟି ରେ କାର୍ଯ୍ୟରତ ଥିବା ବେଳେ ଏକ ମେକ୍ସ ପିକାପ୍ ଗାଡ଼ିନମ୍ବରଓଡି୦୭ଇ୧୧୦୮ ଅପରାହ୍ନ ପ୍ରାୟ ୪ ଟାରେ ଆର ଉଦୟଗିରି ପଟରୁ ଆସି ନାକlପଏନ୍ଟ ଠାରେ ପହଞ୍ଚି ଥିଲା ସେଠାରେ ଉପସ୍ଥିତ ଥିବା ପୋଲିସ ଗାଡି ଖାନ ତଲାସୀ କରିବାପରେ ସେହି ଗାଡି ମଧ୍ୟରୁ ୫୨ ବସ୍ତା ଗଞ୍ଜେଇ ଜବତ କରିଥିଲେ l
ମାଜିଷ୍ଟ୍ରେଟ ଆର ଉଦୟଗିରି ତହସିଲଦାର ସ୍ମୃତି ରଞ୍ଜନ ଶତପଥୀ ଙ୍କ ଉପସ୍ଥିତି ରେ ଜବତ ହୋଇଥିବ ଗଞ୍ଜେଇ ର ଓଜନ କରାଯାଇଥିଲା l ଜବତ ହୋଇଥିବ ଗଞ୍ଜେଇ ର ଓଜନ ୧୨ କ୍ଵିଣ୍ଟାଲ ୧୫ କେଜି ହୋଇଥିଲା ଯାହାର ବଜାର ଦର ପ୍ରାୟ ୬୦ ଲକ୍ଷ୍ୟ ଟଙ୍କା ହେବ ବୋଲି ଅନୁମାନ କରାଯାଉଛି l ଏହି ଗଞ୍ଜେଇ ଆର ଉଦୟଗିରି ଅଞ୍ଚଳରୁ ଗଞ୍ଜେଇ ମାଫିଆ ମାନଙ୍କ ଦ୍ଵାରା ପୁରୀ ଜିଲ୍ଲା କୁ ଚୋରାରେ ଚାଲାଣ ହେଉଥିଲା ବୋଲି ପୋଲିସ କହିଛି l ଏ ନେଇ ଆର ଉଦୟଗିରି ଥାନାରେ କେସ ନଂ ୫୬/୨୦୨୦ ଏନ୍ଡିପିଏସ ଏକ୍ଟ୍ ଧାରାରେ ଏକ ମକଦ୍ଦମା ରୁଜୁ କରି ଆର ଉଦୟଗିରି ଥାନା ଅଧିକାରୀ ମମତା ନାୟକ ତଦନ୍ତ ଜାରି ରଖିଛନ୍ତି ଏଠାରେ ସୂଚାଯୋଗ୍ୟ ଏହି କି ଜେ, ଗଜପତି ଏସ ପି ଭାବେ ତପନ କୁମାର ପଟନାୟକ ଦାୟିତ୍ଵ ଗ୍ରହଣ କରିବା ପରେ ଗଜପତି ଜିଲ୍ଲାରେ ଗଞ୍ଜେଇ ମାଫିଆ ମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ପଦକ୍ଷେପ ନେଇଥିବା ଦେଖି ବାକୁ ମିଳୁଛି l ଚୋରା ଗଞ୍ଜେଇ ବେପାରୀ ମାନଙ୍କ ମଧ୍ୟରେ ଏକ ପ୍ରକାର କକୁଆ ଭୟ ଖେଳାଇ ଦେଇଛି l (ରିପୋର୍ଟ -ଗରୁଡ଼ ଧ୍ଵଜ ଚୌଧୁରୀ)
