କ୍ୟାନସର ପିଡିତାଙ୍କ ପାଇଁ ବିବାହରେ ମିଳିଥିବା ଉପହାର ଅର୍ଥ ଦାନ କଲେ

୨୩ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ ) ବାଙ୍କୀ :-> ଡମପଡ଼ା ବ୍ଲକ ଅନ୍ତର୍ଗତ ଦୁଲଣାପୁର ଗ୍ରାମର ଯୁବ ସମାଜସେବୀ ମୁକେଶ ରାଉତ ଓ ମିକି ରାଉତଙ୍କ ବିବାହ ଉତ୍ସବରେ ବନ୍ଧୁବାନ୍ଧବ ଓ ସାଙ୍ଗସାଥୀମାନେ ଦେଇଥିବା ଉପହାର ଅର୍ଥରାଶିକୁ ସମାଜ ମଙ୍ଗଳ ହୁଣ୍ଡିରେ ପକାଇଥିଲେ । ଏହି ହୁଣ୍ଡିରୁ ମିଳିଥିବା ସମସ୍ତ ଅର୍ଥ ଅସହାୟ କର୍କଟ ପୀଡିତାଙ୍କ ଉଦ୍ଦେଶ୍ୟରେ ଉତ୍ସର୍ଗ କରାଯାଇଛି ।ଏହି ହୁଣ୍ଡିକୁ ସମାଜସେବୀ ଅବିନାଶ ପଟ୍ଟନାୟକ ଶୁଭାରମ୍ଭ କରିଥିଲେ । ମୁଖ୍ୟ ଅତିଥି ଭାବରେ ବିଜେପି ବିଧାୟକ ପ୍ରାର୍ଥୀ ତୁଷାରକାନ୍ତ ଚକ୍ରବର୍ତ୍ତୀ ଯୋଗଦାନ କରି ପ୍ରଶଂସା କରିଥିଲେ । କାର୍ଯ୍ୟକ୍ରମରେ ଓଡ଼ିଶା ସମାଜସେବା ମହାସଂଘର ସଭାପତି ନାରାୟଣ ଚନ୍ଦ୍ର ଓଝା , ନିରଞ୍ଜନ ସାହୁ, ଅଭିନେତା ନିରଞ୍ଜନ ଆଚାର୍ଯ୍ୟ , ମାନସରଞ୍ଜନ ସାହୁ , ଦାସରଥି ପଡିହାରୀ, ସନାତନ ରଣା ପ୍ରମୁଖ ସାମିଲ୍ ହୋଇଥିଲେ ।