ଅର୍ଥନୀତି ବିଭାଗର ଛାତ୍ରଛାତ୍ରୀମାନେ ରାଜ୍ୟର ଅର୍ତନୀତିକୁ ସୁଦୃଢ଼ କରିବା ପାଇଁ ପରାମର୍ଶ

୨୨ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍ )  ବାଙ୍କୀ :-> ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟ ଅର୍ଥନୀତି ବିଭାଗ ଆନୁକୁଲ୍ୟରେ ନବାଗତ + ୩ ପ୍ରଥମ ବର୍ଷ ଓ ସ୍ନାତକତ୍ତୋର ପ୍ରଥମ ବର୍ଷର ଛାତ୍ରଛାତ୍ରୀମାନଙ୍କୁ ପୁଷ୍ପଗୁଚ୍ଛ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଏହି ସମ୍ବର୍ଦ୍ଧନା ସଭାରେ ବିଭାଗୀୟ ମୁଖ୍ୟ ଅଧ୍ୟାପକ କେ.ଏମ୍‌. ଶୁବାଶିଷ ଜେନା ସଭାପତିତ୍ୱ କରିବା ସହ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ । ମୁଖ୍ୟଅତିଥି ଭାବେ ଅଧ୍ୟକ୍ଷ ଡକ୍ଟର ନିରଞ୍ଜନ ମହାନ୍ତି ଯୋଗଦାନ କରି ଏହି ବିଭାଗର ଛାତ୍ରଚାତ୍ରୀମାନେ ନିଜର ଓ ରାଜ୍ୟର ଅର୍ଥନୀତିକୁ ସୁଦୃଢ଼ କରିବା ଆବଶ୍ୟକ ବୋଲି କହିଥିଲେ ।ମୁଖ୍ୟବକ୍ତା ଭାବେ ପୂର୍ବତନ ବିଭାଗୀୟ ମୁଖ୍ୟ ତଥା ପୂର୍ବତନ +୨ ମହାବିଦ୍ୟାଳୟର ଅଧ୍ୟକ୍ଷ ପ୍ରାଧ୍ୟାପକ ରାଜକିଶୋର ପାଲ୍ ଯୋଗଦାନ କରି ବିଭାଗର ନୀତିନିୟମ ଉପରେ ଆଲୋକପାତ କରିଥିଲେ । ସମ୍ମାନିତ ଅତିଥି ଭାବେ ପୂର୍ବତନ ଉପାଧ୍ୟକ ପ୍ରାଧ୍ୟାପକ ମନୋଜ କୁମାର ମହାପାତ୍ର ଯୋଗଦାନ କରି ସ୍ୱୟଂସହୟକ ଗୋଷ୍ଠି ଦ୍ୱାରା କିପରି ସ୍ୱରୋଜଗାର ହୋଇପାରିବ ସେ ସଂପର୍କରେ କହିଥିଲେ । ଅତିଥି ଭାବେ ଡକ୍ଟର ଶଶିଭୂଷଣ ମହାପାତ୍ର , ଅଧ୍ୟାପିକ ପୂର୍ଣ୍ଣିମା ସାହୁ, ଅଧ୍ୟାପକ ରତ୍ନାକର ଦାସ ଓ ଅଧ୍ୟାପିକା ଶୁଭଲକ୍ଷ୍ମୀ ଯୋଶୀ ଯୋଗଦାନ କରି ଆଶିର୍ବାଦ ପ୍ରଦାନ କରିଥିଲେ । ପାଠଚକ୍ର ସଂପାଦିକା ମଧୁସ୍ମିତା ନାୟକ ଧନ୍ୟବାଦ ଅର୍ପଣ କରିଥିôବା ବେଳେ ମଧୁମିତା ନାୟକ ସଭା ପରିଚାଳନା କରିଥିଲେ ।