ବଣ୍ଡା ଜନଜାତିର ଝିଅ କୁମାରୀ ବିନି ମୁଦୁଲିଙ୍କୁ ସଂଗଠନ ତରଫରୁ ସ୍ୱାଗତ ସମ୍ବର୍ଦ୍ଧନା

୧୧ ନଭେମ୍ବର ୨୦୨୪ ( ଓଡ଼ିଶା ତାଜା ନ୍ୟୁଜ୍  ) ମାଲକାନଗିରି :->  ମାଲକାନଗିରି ଜିଲ୍ଲା ସ୍ତରୀୟ ଲୋକ ସଙ୍ଗଠନ “ଶ୍ରମଜୀବୀ ସଂଗଠନ (SJS) ଓ ମହିଳା ଶ୍ରମଜୀବୀ ସଂଗଠନ (MSJS), ମାଲକାନଗିରି”,ଓଡ଼ିଶା ଶ୍ରମଜୀବୀ ମଞ୍ଚ (OSM) ଓ ମହିଳା ଶ୍ରମଜୀବୀ ମଞ୍ଚ ଓଡ଼ିଶା (MSMO), ଆତ୍ମଶକ୍ତି ଟ୍ରଷ୍ଟ ଦ୍ୱାର ସୋମବାର ଦିନ ମାଲକାନଗିରି ଜିଲ୍ଲାର ଖଇରପୁଟ ବ୍ଲକ,ଗୋବିନ୍ଦପାଲ୍ଲୀ ପଞ୍ଚାୟତର ରାଜୀବଗାନ୍ଧୀ ସେବାକେନ୍ଦ୍ର ଠାରେ ବଣ୍ଡା ଜନଜାତିର ପ୍ରଥମ ଝିଅ କୁମାରୀ ବିନି ମୁଦୁଲି ସଦ୍ୟ ଓଡିଶା ପ୍ରଶାସନିକ ସେବା ପରୀକ୍ଷାରେ କଠିନ ପରିଶ୍ରମ କରି କୃତକାର୍ଯ୍ୟ ହୋଇ ନିଜ ଜାତି ଓ ନିଜ ଅଞ୍ଚଳର ଗୌରବ ଆଣିଥିବା ପାଇଁ ତାଙ୍କୁ ସ୍ଥାନୀୟ ଜିଲ୍ଲା ସଂଗଠନ ପକ୍ଷରୁ ଏକ ସମ୍ବର୍ଦ୍ଧନା ସଭା ମାଧ୍ୟମରେ ଶୁଭେଚ୍ଛା ଫଳକ, ପୁଷ୍ପ ଗୁଚ୍ଛ, ଉତ୍ତରୀୟ ପ୍ରଦାନ କରାଯାଇଥିଲା ।

ସଂଗଠନ ପକ୍ଷରୁ ତାଙ୍କର ପ୍ରଶାସନିକ ସେବା ଯାତ୍ରାରେ ତାଙ୍କ ଦୀର୍ଘ ସଫଳତା ପାଇଁ ଆଶା ପ୍ରକଟ କରାଯାଇଥିଲା । ସେ ତାଙ୍କ ଅଭିଭାଷଣରେ ସଂଗଠନର କାର୍ଯ୍ୟପଦ୍ଧତି ଓ ଗରିବ ଜନସାଧାରଣ ଙ୍କ ସାମାଜିକ, ଅର୍ଥନୈତିକ ବିକାଶ ନିମନ୍ତେ ବିଭିନ୍ନ ପଦକ୍ଷେପ ଓ ପ୍ରଚେଷ୍ଟାକୁ ଭୁରିୟସୀ ପ୍ରଶଂସା କରିଥିଲେ l ଭବିଷ୍ୟତରେ ସେ ସଂଗଠନର ପ୍ରତ୍ୟେକ ବିକାଶ ମୁଖି କର୍ଯ୍ୟକ୍ରମରେ ସହଯୋଗ ପ୍ରଦାନ କରିବା ନିମନ୍ତେ ମତବ୍ୟକ୍ତ କରିଥିଲେ । ଏହାସହିତ କଠିନ ପରିଶ୍ରମ ଓ ସାଧନା ବଳରେ ବିଭିନ୍ନ କ୍ଷେତ୍ରରେ ସଫଳତା ହାସଲ ପାଇଁ ଉପସ୍ଥିତ ୟଙ୍ଗ ଇଗଲ ସ୍ବେଛାସେବୀ ଭାଇ ଭଉଣୀ ଓ ଯୁବପିଢ଼ିଙ୍କୁ ପରାମର୍ଶ ଦେଇଥିଲେ ଏବଂ ଆବଶ୍ୟକ ସ୍ଥଳେ ବ୍ୟକ୍ତିଗତ ଭାବେ ତାଙ୍କ ସହିତ ଫୋନ ମାଧ୍ୟମରେ ଯୋଗାଯୋଗ ରଖିବା ପାଇଁ ପରାମର୍ଶ ଦେଇଥିଲେ ।

ଉକ୍ତ ସଭାର ଅତିଥି ଭାବରେ ଶ୍ରୀଯୁକ୍ତ ଶ୍ରୀନିବାସ ମୁଦୁଲି ସରପଞ୍ଚ,ଗୋବିନ୍ଦପାଲ୍ଲି ତଥା ଜିଲ୍ଲା ସରପଞ୍ଚ ସଙ୍ଘ ସଭାପତି ତାଙ୍କ ବକ୍ତବ୍ୟରେ ଶିକ୍ଷା ହିଁ ସଫଳତାର ଚାବିକାଠି, ଶିକ୍ଷା କୁ ଗୁରୁତ୍ୱ ଦେବାର ଆବଶ୍ୟକତା ଅଛି ବୋଲି ମତ ବ୍ୟକ୍ତ କରିଥିଲେ । ଏହାସହିତ ଶ୍ରୀଯୁକ୍ତ ମୁକୁନ୍ଦ ମାଝୀ,ବଣ୍ଡା ସମାଜ ସଭାପତି ତଥା ସଂଗଠନ ର କର୍ମକର୍ତ୍ତା, ଶ୍ରୀଯୁକ୍ତ ଡମ୍ବରୁ ଧର ନାୟକ (ସଂଗଠନ ର ଲିଡର), ଶ୍ରୀଯୁକ୍ତ ରାମଚନ୍ଦ୍ର ମୁଦୁଲି (ବିନି ଙ୍କ ପିତା), ଶ୍ରୀଯୁକ୍ତ ଗୁରୁ ହନ୍ତାଳ (ସଭାପତି ପରଜା ସମାଜ ମାଥିଲି), ସଂଗଠନ ତରଫରୁ ସୁଶ୍ରୀ ଶୁଭଶ୍ରୀ ମାଢି, ଶୂକ୍ରା ଗୁରୁତେଲି, ମଙ୍ଗଳା ଗୁରୁତେଲି, ସୀତାରାମ ଦୁରୁଆ, ରାମ ବଡ଼ନାୟକ, ମୁକୁନ୍ଦ ମାଡ଼କାମୀ, ସାଲିନା ପାଙ୍ଗି, ଗୋବର୍ଦ୍ଧନ ପାଙ୍ଗି, କୃଷ୍ଣ ସିସା, ଜିତେନ୍ଦ୍ର ଖିଲ, ଗୌରାଙ୍ଗ ଅଧିକାରୀ, ରାଜେନ୍ଦ୍ର ପଲାସୀ , ନୀଳକଣ୍ଠ ନାୟକ, ରାଜେନ୍ଦ୍ର ମାଡ଼କାମୀ ଓ ତ୍ରିନାଥ ବଡ଼ନାୟକ ପ୍ରମୁଖ ଉପସ୍ଥିତ ଥିଲେ। ଉକ୍ତ ସଭା କାର୍ଯ୍ୟଟିକୁ ରାଜ୍ୟ ସ୍ତରୀୟ ସଂଗଠନର କର୍ମକର୍ତ୍ତା ଶ୍ରୀଯୁକ୍ତ ପଞ୍ଚାନନ ପ୍ରଧାନ ଓ ଜିଲ୍ଲା ସ୍ତରୀୟ ସଂଗଠନର କର୍ମକର୍ତ୍ତା ଶ୍ରୀଯୁକ୍ତ ବଟକୃଷ୍ଣ ସାହୁ ଓ ଶ୍ରୀଯୁକ୍ତ ଚିତ୍ତ ରଞ୍ଜନ ସାହୁ ସୁଚାରୁ ରୂପେ ପରିଚାଳନା କରିଥିଲେ ।